လူအ အိပ်မက်

၂၀၁၁-၂၀၁၂ နှလုံးသားရေး သ၀ဏ်လွှာ

2012-01-23T18:58:00.000+08:00

မင်းဆီ မလာနဲ့ဆိုပြီး
မြစ်ဆုံ စီမံကိန်းလို မကန့်ကွက်လိုက်ပါနဲ့
မေတ္တာဆည်က အချစ်ဓါတ်အားတွေ လိုအပ်သလောက် ပေးနိုင်ပါတယ်

မင်းဆီ ဖုန်းမဆက်နဲ့ဆိုပြီး
ထားဝယ်ကျောက်မီးသွေးစက်ရုံလို မပိတ်ပင်လိုက်ပါနဲ့
မင်းပတ်ဝန်းကျင်ကို မထိခိုက်စေရပါဘူး

အမတ်လောင်းတယောက်လို မဲဆွယ်နေတာမဟုတ်ပါဘူး
မင်းရဲ့ မေတ္တာရွေးကောက်ပွဲမှာ အနိုင်ရဖို့ အတွက်ပါ
မင်းရဲ့ နှလုံးသားလွတ်တော်မှာ နေရာတနေရာ ရဖို့ပါ

စီးပွားရေးပေါ်လစီအရ သံတမန်ခင်း နေတာမဟုတ်ပါဘူး
ငါ့ဘ၀တခုလုံး ရင်းနှီးမြှုပ်နှံဖို့ပါ
ကိုယ်ကျိုးသက်သက် အမြတ်ထုတ်မှုမျိုး မဟုတ်ရပါ

အပစ်အခပ်ရပ်စဲရေးလို စေ့စပ်ညှိနှိုင်းနေတာမဟုတ်ပါဘူး
မင်းအတွက်ဆို အမြဲတမ်း လက်နက်ချပြီးသားပါ
ငါ့အသည်းအနာတရ မဖြစ်ဖို့ ငြိမ်းချမ်းရေး တောင်းဆိုမှုမျိုးပါ

ဒီမိုကရေစီအရေးလို တွေ့ဆုံဆွေးနွေးချင်တာ မဟုတ်ပါဘူး
ငါ့နှလုံးသားရဲ့ အခွင့်အရေးအတွက်ပါ
ပူးပေါင်းဆောင်ရွက်မယ်ဆိုတဲ့ သဘောတူညီမှုမျိုး လိုလားတာပါ

သဘာဝပတ်ဝန်းကျင်လို မင်းကို ကာကွယ်စောင့်ရှောက်ပါ့မယ်
ရှေးဟောင်းအမွေအနှစ်လို မြတ်နိုးတန်ဖိုးထားပါတယ်
ကားအိုကားဟောင်းပယ်ဖျက်သလို ဘယ်တော့မှ အစားမထိုးပါဘူး

အချစ်ကိုယုံကြည်မိလို့ နှလုံးသားအကျဉ်းချခံထားရတဲ့သူကို
လူပျိုကြီးဘ၀က လွတ်ငြိမ်းချမ်းသာခွင့်ပေးပါ့လားကွယ်

ဝေလင်း
၂၂၊၁၊၂၀၁၂

p.s မင်းသာငြင်းပယ်ခဲ့ရင် ၂၀၁၂ မှာ ငါ့ကမ္ဘာတကယ်ပျက်မှာ

ရိုက်ကြဦးမလား ဓါတ်ပုံ

2011-11-12T19:35:00.003+08:00

တိုးတက်ပြောင်းလဲလာတဲ့ ခေတ်ကြီးထဲမှာ စီးပွားရေးဈေးကွက်လည်း တခုအပါအ၀င်ပါ။ ထုတ်ကုန်တွေ လူသိများဖို့ ကြော်ငြာ ကဏ္ဍတွေနဲ့ မြင့်တင်ကြတယ်။ မြို့ထဲမှကြည့်ကြည့်။ နေရာတိုင်းမှာ ချောမောလှပပြီး စွဲဆောင်မှုရှိတဲ့ မင်းသားမင်းသမီးတွေနဲ့ ရိုက်ထားတဲ့ bill board တွေအပြည့်။ ဘယ်ဂျာနယ်၊ ဘယ်မဂ္ဂဇင်း ဖတ်ဖတ် အလှဓါတ်ပုံတွေ များမှများ။ အိမ်ထဲက ပြက္ခဒိန်တွေမှာလည်း သူတို့ပဲ။ Fan တွေဆိုရင် wall sheet တွေတောင် ရှိကြတယ်မဟုတ်လား။

ဝါသနာပါသူတွေအတွက်ဆိုရင် Studio တွေပေါမှပေါ။ သူငယ်ချင်းတယောက် ဘယ်လောက်ဝါသနာပါလဲဆိုရင် ရတဲ့ လခ ၂သိန်းကို album ၂ အုပ်ရိုက်ပစ်တယ်။ တအုပ်ကို တသိန်းတဲ့။ ဘုရားရေလို့။ face book လို့ social site တွေမှာလည်း အလှပုံတွေ မြင်ရတယ်။ မဂ္ဂဇင်းတွေမှာလည်း အလှပုံတွေ ၀င်ပြိုင်ကြတာတွေရှိတယ်။

ချောတဲ့သူဖြစ်ဖြစ်၊ ရုပ်ဆိုးတဲ့သူပဲဖြစ်ဖြစ် လှလှပပ၀တ်စားပြီး ဓါတ်ပုံ အရိုက်ခံချင်ကြတာပဲ။ ၁၂ ပွဲဈေးထဲမှာတောင် studio အသေးလေးတွေ တွေရသေးတာပဲ။ တောရောမြို့ပါမကျန် ဓါတ်ပုံပိုးဝင်နေကြတာပဲလေ။ တချို့က အမှတ်တရ၊ တချို့က အပျော်၊ တချို့က ၀ါသနာပါလို့ ရိုက်ကြတယ်။ တချို့က အပြင်မှာ မလှပေမယ့် ပုံထဲမှာ လှကြတယ်။ မလှလည်း အခုခေတ်မှာ ပြင်လို့ ရနေတာပဲ။

ကျနော်လည်း အမှတ်တရ အနေနဲ့တော့ ဓါတ်ပုံအရိုက်ခံပါတယ်။ ၀ါသနာတော့ မပါပါဘူး။ ရုပ်လည်းလှမှမလှပဲ။ ကြည့်ပျော်တယ်တောင် မထင်ပါဘူး။ တယောက်ထဲပုံတော့ ရိုက်ခဲတယ်။ အုပ်စုပုံရိုက်တယ်။ ရှက်တတ်တော့ နောက်နားနေတာများတာပဲ။

အခုတော့ ကျနော် ဓါတ်ပုံ အရိုက်ခံရတာရိုးသွားပါပြီ။ Studio ထဲလည်း တယောက်တည်း ၀င်ရဲပြီ။ အထဲမှာရှိတဲ့ မီးလုံးတွေနဲ့လည်း ရင်းနှီးနေပြီ။ ယောကျာ်းလေး မပြောနဲ့။ မိန်းကလေးဓါတ်ပုံ ဆရာနဲ့တောင် ရိုက်ရဲတယ်။ တယောက်ထဲတောင်မဟုတ်ဘူး အကူသုံးလေး ယောက်နဲ့လည်း ရိုက်ရတာပဲ။ သူတို့က ဘယ်လိုနေ ဘယ်လိုပုံဆိုပြီး အနီးကပ်လာပြင်လည်း ရင်မခုန်တော့ပါဘူး။ ဒီကြားထဲ *မိတ်ကပ်လာလိမ်းတဲ့ မမတွေရှိသေးတယ်။ မောင်လေး အစမ်းလိမ်းမယ်ဆိုတာပါသေး။ ပြီးရင် ရိုက်မယ့်မမက ဟိုကိုင် ဒီကိုင်လာလုပ်တယ်။ ပြီးရင် **mood ထည့်ထားမယ်။ ရိုက်ပြီဆိုပြီး မီးတွေဝင်းသွားတော့တာပဲ။

တခါတလေ မမတွေနဲ့ပဲ အ၀တ်မပါပဲ ရိုက်ခဲ့တာတွေ ရှိသေးတယ်။ ဘာဖြစ်လည်း သူတို့လည်း အလုပ်လုပ်နေတာ ကိုယ်လည်း အလုပ်လုပ်နေတာပဲ။ ဘယ်တတ်နိုင်မလဲ။ တချို့မမတွေဆို အပေါ့တောင် မသွားခိုင်းဘူး။ ဆိုးချက်။ သူတို့ခိုင်းသမျှ လုပ်ရတာပဲ။

သူုတို့တွေ ၀ဏ္ဏခွါနီးလောက် ပီတာလောက် တော်သလား စိတ်မ၀င်စားပါဘူး။ ကျနော့်ပုံလည်းလှသည်ဖြစ်စေ မလှသည်ဖြစ်စေ လိုချင်တဲ့ပုံစံရဖို့ အရေးကြီးတယ်လေ။ ဓါတ်ပုံ အရိုက်ခံရင် စဉ်းစားမိတယ် ဪ ငါ့လို ဓါတ်ပုံရိုက်ဖို့ ၀ါသနာမပါတဲ့ သူကျမှ ဘာလို့ ခဏခဏ အရိုက်ခံနေရတာလဲလို့။ ၀ဋ်ရှိရင်လည်း ကျေပါစေတော့လေ။

အ၀တ်အစားလဲပြီး Studio ခန်းမတံခါးကို တွန်းဖွင့်လိုက်တယ်။ အခန်းဝမှာ မီးစိမ်းလေးက လင်းလို့။ ဒီ sign လေးက လှောင်ပြုံးပြုံးပြနေသလိုပဲ။

*မိတ်ကပ် = ဆေးဓါတ်မှန်ရိုက်ဖို့ IV contract ဆေးပါ

** mood = အသက်အောင့်ခိုင်းတာ

ကျန်းမာကြပါစေ

အတ္တတဝက်ကင်းတဲ့ ကျနော်

2011-10-06T18:17:00.000+08:00

ခေါင်းစဉ်ဖတ်ပြီး ကျနော် တရားထူးတရားမြတ် ရသွားပြီ ထင်နေဦးမယ်။ လူဆိုတာ အတ္တမကင်းကြပါဘူး။ ငါ့အတွက်၊ ငါ့မိသားစုအတွက်၊ ငါ့တိုင်းပြည်အတွက်၊ ငါ့လူမျိုးအတွက် စတဲ့ အဆုံးမရှိ ငါဆိုတဲ့ အတ္တစွဲကြီး ရှိတယ် မဟုတ်လား။ ကျနော်လည်း ပုထုဇဉ် လူသားပီပီ ငါဆိုတဲ့ အစွဲရှိပါတယ်။ ဒါပေမယ့် ငါ ဆိုတဲ့ စာလုံးပေါင်းအတွက် 'င' ဆိုတဲ့ စာလုံးမရှိတဲ့အခါ အတ္တတဝက်ကင်းပြီလို့ ပြောတာ အလွန်များဖြစ်နေမလား။

ကျနော်မှာ ခေါင်းတခြမ်းကိုက်တဲ့ ဝေဒနာရှိပါတယ်။ နှစ်ရှည်လများ ကြာသည်အထိ အဖြေမတွေ့နိုင်သေးပါဘူး။ ကျနော့်မိသားစု ကျနော့်သူငယ်ချင်းတွေကလည်း ဆရာဝန်နဲ့ ပြဖို့ ဝိုင်းဝန်းတိုက်တွန်းရင်း အမြန်ဆုံးပျောက်ကင်းစေချင်ကြတယ်။ ဒီိလိုနဲ့ ဆရာဝန်တယောက်နဲ့ ဆွေးနွေးတိုင်ပင်ဖြစ်ခဲ့တာပါ။ ရောဂါဖြစ်စဉ်ကိုပြောပြပြီး ကျနော့်ကို အာရုံကြောအားတိုးဆေး၊ ခေါင်းတခြမ်းကိုက် ဝေဒနာအတွက် တပတ် ဆယ်ရက်စာ ဆေးပေးပြီး သောက်သုံးစေတယ်။ ရက်ချိန်းပြည့်လို့ ပြန်သွားတဲ့အခါ ထူးခြားပြီး မသက်သာတဲ့အကြောင်း ရှင်းပြရတယ်။ ဒါဆိုရင် မျက်စိစမ်းသပ်ဖို့ ဆရာဝန်က အကြံညဏ်ပေးပါတယ်။ အထူးကုဆေးခန်းတွေမဟုတ်ဘဲ ပါရကူတယောက်ရဲ့ ဆေးခန်းကို ညွန်လို့ ကျနော်ရောက်သွားပါတယ်။ ကျနော်မျက်စိကောင်းမွန်တယ်ဆိုတာ ကျနော်ယုံကြည်ပြီး ရက်အတော်ကြာမှ သွားဖြစ်တာပါ။

ဆေးခန်းကိုရောက်တော့ ဆရာဝန်မလာသေးလို့ အတန်ကြာအောင် ထိုင်စောင့်နေခဲ့တယ်။ တုံကင်ထပ်ရပေမယ့် ခေါ်တဲ့အချိန် လူနာမရှိရင် ဆရာဝန်က မကြိုက်လို့ ကိုယ့်အလှည့်ရောက်အောင် အတော်ကြာ ထိုင်စောင့်ခဲ့ရတယ်။ ကျနော့်နာမည်ခေါ်တော့ ဆေးခန်းထဲဝင်၊ ဆရာဝန်ပေးလိုက်တဲ့ စာရွက်ပြပြီး ဖြစ်ကြောင်းကုန်စင် ရှင်းပြရတယ်။ ကျနော်ကို မျက်မှန်တလက် တပ်ကြည့်စေပြီး အဝေးမှာ ချိတ်ထားတဲ့ ပုံသဏ္ဍာန်တွေကို ဖတ်ခိုင်းတယ်။ '၁'ပုံသဏ္ဍာန်ကို ဖတ်ခိုင်းတဲ့အခါ ကျနော်က တစ်လို့ ဖြေတယ်။ 'ဂ'ပုံသဏ္ဍာန်ဖတ်ခိုင်းတဲ့အခါ ဂငယ်လို့ ဖြေခဲ့တယ်။ 'င'ပုံသဏ္ဍာန်ကို ဖတ်ခိုင်းတဲ့အခါ ကျနော့်ဦးနှောက်ထဲမှာ ဗလာဖြစ်သွားတယ်။ မြင်နေပေမယ့် အဲဒီစာလုံးကို ကျနော်အသိစိတ်က လုံးဝမသိပါဘူး။ ဖတ်လည်းမဖတ်တတ်တော့ဘူး။ ဆိုင်းဘုတ်ပေါ်က အခြားစာလုံးတွေကို မြင်ရင် ဦးနှောက်က အလိုလို အလုပ်လုပ်ပေမယ့် 'င' အဲဒီစာလုံးကို မြင်လိုက်ရတဲ့ အချိန် ကျနော့် ဦးနှောက်မှာ ဟာလာဟင်းလင်းကြီးဖြစ်သွားတယ်။ မူလတန်းက ဆရာမသာ သိရင်ခေါင်းကို ဒေါက်ကနဲ့ မြည်အောင် ခေါက်လိုက်မလား မသိ။

အခန်းထဲမှာ အချိန်အတော်ကြာ ငြိမ်သက်နေပြီး ဘေးက အဖေက င လေဆိုမှ သြော် အဲဒါ 'င' ပါ့လားဆိုပြီ သိသွားပါတယ်။ စစ်ဆေးစရာရှိတာ စစ်ဆေးပြီး စာရွက်တရွက်ရေးပေးလိုက်တယ်။ စာရွက်ထဲမှာ ရေးထားတာကတော့ ဘယ်ဖက်က 0.25 ရှိတဲ့အတွက် အခုလို မျက်မှန်ပုံစံဖြစ်လာရတာပါ။ ဆေးခန်းက အထွက် လမ်းတဖက်က မူလတန်းကျောင်းမှာ စာဖတ်နေတဲ့ အသံတွေ ကြားရတဲ့အခါ ငါဒီကလေးတွေလောက်တောင် စာမဖတ်တတ်ပါ့လား တွေးမိတယ်။ ဒါပေမယ့် လူဘဝကြီးထဲမှာ လှုပ်ရှားရုန်းကန်နေတဲ့ လူတွေထဲမှာတော့ ငါဟာ အတ္တတဝက်ကင်းတဲ့ လူပါ့လားဆိုပြီး ဂုဏ်ယူလိုက်ချင်မိတယ်။

ဘွဲ့

2011-10-06T18:07:00.000+08:00

မနက်အပြင် မသွားခင် အဖိုးက ဆေးခန်းဘယ်အချိန်ဖွင့်လဲ ကြည့်ခိုင်းလာတယ်။ အိမ်ပြန်ရောက်တော့ အဖိုးက ငါ့မြေး ကြည့်ခဲ့လားလို့ မေးလာတယ်။ ဘွဲ့လက်မှတ်သွားယူနေလို့မေ့လာတယ်လို့ အကြောင်းပြချက်ပေးရတာပေါ့။ အင်္ဂလိပ်စာနဲ့ ဘွဲ့ရပြီး ဘွဲ့လက်မှတ်မှာ အင်္ဂလိပ်လို ဖြည့်ဖို့ပါတာတောင် မဖြည့်ပေးဘူးလို့ အဖိုးကိုပြောမိတယ်။ ငါ့မြေးရ မင်းဘွဲ့ရတာ

ဘွဲ့ဓါတ်ပုံလေး ဘာလေးချိတ်ပါ့ဦးဟတဲ့။ အရင်ကတော့ ဘွဲ့ဆိုတာ သိပ်ပြီး အထင်မကြီးပါဘူး။ ကိုယ်ကိုယ်တိုင်လည်း ပထမနှစ် ဒုတိယနှစ်တွေ မရိုးမသားဖြေလာတဲ့သူဆိုတော့တယ်ပြီး မချိတ်ချင်ဘူး။ အိမ်က မိသားစုတွေထဲမှာ ဘွဲ့ရတဲ့သူနည်းတယ်။ အကြီးကောင်က ဆယ်တန်းဖြေပြီးကတည်းက နိုင်ငံခြားထွက်သွားတယ်။အဖိုးက တက္ကသိုလ်ပညာရေးမသင်ရတော့ သူ့မြေးတွေကို ပညာတတ်တွေ သိပ်ဖြစ်စေချင်တာ။

ကျနော့် ညီအကိုမောင်နှမ၀မ်းကွဲတွေလည်း ငွေရေးကြေးရေး အဆင်ပြေကြပါတယ်။ ဆယ်တန်းလည်း အောင်ကြတယ်။

ဒါပေမယ့် ငယ်ငယ်ရွယ်ရွယ် အိမ်ထောင်တွေကျပြီး အကြောင်းအမျိုးမျိုးကြောင့် ဘွဲ့မရကြဘူး။ ဘွဲ့ဆိုတာ ငွေရှိတိုင်းလည်း ယူလို့မရဘူးလို့ တွေးလာမိတယ်။

တချို့လည်း အကျပ်အတည်းတွေကြားထဲကနေ ဘွဲ့တခုကို မဖြစ်မနေရအောင် ယူကြရတယ်။ အခုခေတ်ကလည်း ဘွဲ့တခုရှိမှ အဆင်ပြေတာ မဟုတ်လား။အပြင်မှာ အလုပ်လုပ်မယ်ဆိုရင်တောင် ဘွဲ့တခုခုရမှ။ စင်္ကာပူမှာ လစာမြင့်မြင့်ရချင်ရင်လည်း ဘွဲ့တခုခုရှိမှ။ ကိုယ်ရတဲ့ဘွဲ့နဲ့အညီ ပညာတွေတတ်ရင်တော့ပိုကောင်းတာပေါ့။

ဘွဲ့ရဖို့ကလည်းလွယ်တော့ မလွယ်ဘူးဗျ။ ကျနော်တို့တုန်းက အမှတ် ၁ တို့ အမှတ် ၃တို့ အမှတ် ၈တို့လို ဒိုင်နာလိုင်းကားတွေ ရှိသေးတယ်။ကားထဲမှာ အမျိုးသမီးတွေပဲ ထိုင်ရလို့ ယောက်ျားလေးတွေ အမိုးပေါ်တက်စီးရတာ။ နေလောင်လို့ အသားကမည်းသေး။ ကျူရှင်ဖိုး၊ ကားခကလည်းကုန်သေး။သူငယ်ချင်းတွေများရင်များသလို စားစရိတ်ကလည်းရှိသေးတယ်။ တန်ဖိုးကြီးတာတော့ အချိန်ပေါ့ သုံးနှစ်တောင်ပေးရတာ။

ပထမနှစ်ဖြေတုန်းကဆိုနောက်ကျနေလို့ နောက်ဆုံးကားကို ခြေနင်းခုံပေါ်မှာ ခြေထောက်တဖက်တည်းချပြီး တွယ်စီးခဲ့ရတာ။ ပြုတ်မကျလို့ ဘွဲ့ရတာပေါ့။ တခုခုဖြစ်ရင် အခုဘွဲ့တောင်ရမှာမဟုတ်ဘူး။တကယ်မတတ်ပေမယ့်လည်း သူ့ဟာနဲ့သူတော့ ပေးဆပ်ရတာပါပဲ မဟုတ်ဘူးလား။ (ကိုရင်တို့ ဦးဇင်းတို့ ၀တ်ရင်တောင် ကတုံးတုံးပြီး ညစာငတ်ရတာပဲးP)

ဘာပဲဖြစ်ဖြစ် ပထမအရွယ်မှာ ပညာရှာရမှာပဲ။ ( တချို့လည်း ဒုတိယအရွယ်ထိ ကျောင်းတက်စားတုန်း (တိုက်ဆိုင်မှုရှိရင် ခွင့်လွတ်ပါ))

တကယ်ပညာ တတ်တာ မတတ်တာ အသာထားလို့ ကိုဖိုးစိန်လို ဘွဲ့ရဓါတ်ပုံတွေ ချိတ်ဦးမှပဲလို့ စဉ်းစားမိပါရဲ့။

ဘွဲ့ရပညာတတ်တွေ ဖြစ်ကြပါစေ။

ရနံ့ပြယ်သစ္စာ

2011-10-06T17:58:00.000+08:00

ကျနော်ငယ်ငယ်ကတည်းက ရေမွှေးမသုံးတတ်ခဲ့ဘူး။ ရေမွှေးမပြောနဲ့ အမျိုးသား အလှကုန်တွေကို မသုံးတတ်ခဲ့တာ။ တချို့ ကာလသားတွေလိုပေါင်ဒါမရှိဘူး။ ခေါင်းလိမ်းဆီမရှိဘူး။ သနပ်ခါးမလိမ်းဘူး။ Facial Cream မလိမ်းဘူး။ ဒါကြောင့်ထင်တယ် ကျနော်မျက်နှာက ရှိသင့်တဲ့ အသားအရည်ထက် မည်းနေတယ်။ ဆံပင်ကလည်း နီကြောင်ကြောင်နဲ့။ ဒါပေမယ့် တချို့သူငယ်ချင်းတွေဆီက ရတတ်တဲ့ ရနဲ့သင်းသင်းလေးတော့ကြိုက်ပါတယ်။ သူတို့ ဘာတွေသုံးထားလည်းမေးမကြည့်မိဘူး။

ကျနော်ကနည်းနည်းတော့ ဇီဇါကြောင်တယ်။ အုန်းဆီမကြိုက်ဘူး။ ခေါင်းဆီရွဲနေတာ မကြိုက်ဘူး။ ကိုယ့်ဆီက ချွေးနံ့တွေ နံမှာစိုးတာနဲ့ Roll onကိုစသုံးတတ်လာတယ်။ တဖြည်းဖြည်းနဲ့ Code 10, Top Country, MG5 တို့သုံးတတ်လာတယ်။ နိုင်ငံခြားသားတွေဆီက ရတတ်တဲ့ ရေမွှေးနံ့သင်းသင်းလေးကို ကြိုက်တယ်။ ဖြစ်နိုင်ရင် သူတို့ဆီက ရေမွှေး တပုလင်းတော့ လိုချင်သား။ဝယ်တော့ မဝယ်နိုင်ပါဘူး။ မဂဇင်းတွေဖတ်ရင်းဘယ်ရေမွှေးနံ့က ဘယ်လိုဆွဲဆောင်မှုရှိတယ်ဆိုတာ ဖတ်ရမှ ရေမွေးတွေ အမျိုးမျိုးရှိတာ သိရတယ်။

အကိုဆီက အကျီ ယူဝတ်ရင်း သူသုံးတဲ့ ရေမွေးကို တော်တော်လေး ကြိုက်သွားတယ်။ အကျီကိုလျှော်ထားတာတောင် အနံ့က စွဲကျန်နေတုန်းပဲ။ဘာတံဆိပ်သုံးထားလဲ မေးပြီး တနေ့ကျ ဝယ်မယ်လို့ စိတ်ကူးထားလိုက်တယ်။

online မှာသူငယ်ချင်းတယောက်နဲ့ စကားပြောရင်း ရေမွှေးအကြောင်း ရောက်သွားတော့ သူ့အကိုတွေက ရေမွှေးသုံးတဲ့အကြောင်း၊ တော်တော်ကောင်းတယ်ပြောတာနဲ့ နောက်ထပ် တံဆိပ်တမျိုးပါသိလာရတယ်။

တနေ့မြို့ထဲသွားရင်း ရေမွှေးဆိုင်တဆိုင်မှာ ဈေးချလို့ သူငယ်ချင်းပြောတဲ့ တံဆိပ်နဲ့ ရေမွှေး တပုလင်းဝယ်ဖြစ်တယ်။ ပျော်လိုက်တာဗျာ။ အခုမှကိုယ်ပိုင် ရေမွှေး စသုံးဖူးတာမဟုတ်လား။ ဝယ်စတုန်းက အနံ့ကလည်း သင်းသင်းလေး။ မသုံးဖြစ်ရင်တောင်မှ တနေ့တခါ ထုတ်ထုတ်ကြည့်ရတာအမော။ တဖြည်းဖြည်းနဲ့ အနံ့က စူးစူးလာတယ်။ အကျီတွေမှာလည်း အဝါကွက်တွေ စွန်းလာတယ်။ နောက်မှ အဲဒီဆိုင်က အတုတွေ ရောင်းတယ်ဆိုတာ သိရတယ်။ ကျနော်မှ ရေမွှေး မသုံးဘူးတာဗျာ တုတယ် စစ်တယ် ဘယ်လိုလုပ် ခွဲခြားတတ်မှာလဲ။ ကိုယ်အ,လို့ ခံရတယ်ပဲ သဘောထားပါတယ်။ဒါနဲ့ ရေမွှေးပုလင်းကို ချောင်ထိုးလိုက်ရတယ်။

ဒီလိုနဲ့ အချိန်အတော်ကြာထိ ရေမွှေး မသုံးဖြစ်တော့ဘူး။ ရေမွှေးဆိုင်တွေ ရောက်တိုင်း ဝင်ကြည့်ဖြစ်တယ်။ ဈေးများလို့ မဝယ်နိုင်ပါဘူး။ တခါတခါရေမွှေးတွေကို သတိရတတ်ပေမယ့် တခါတခါ မေ့မေ့နေတတ်တယ်။ တခါတခါ အိပ်မက်ထဲမှာ ရေမွှေးပုလင်းတွေ ရောက်ရောက်လာတတ်တယ်။ရေမွှေးပုလင်းတွေကတော့ ကောင်တာထဲမှာ လှလိုက်တာ။

အကြောင်းတိုက်ဆိုင်စွာပဲ သူငယ်ချင်းတယောက်ကို ရေမွှေးတပုလင်း မှာဖြစ်တယ်။ ပစ္စည်းရရချင်းပဲ ရေမိုးချိုး ဖွင့်သုံးပစ်လိုက်တယ်။ အနံ့ကလည်းသင်းသင်းလေး။ ကိုယ်ကိုယ်ကို ယုံကြည်မှုရှိတယ်လိုလည်း ခံစားရတယ်။ ရေမွေးကို ဘယ်လို ကျကျနနသုံးရမယ်ဆိုတာ အင်တာနက်မှာ သွားဖတ်တယ်။ အပြင်ထွက်တိုင်းလည်း ရေမွှေး ဆွတ်လိုက်ရမှ။ မဟုတ်ရင် တခုခု လိုနေသလိုပဲ။ ရေမွှေးနဲ့ ကျနော် တသားတည်းကျလာတယ်။ ရေမွှေးပုလင်းလေးကို မြတ်နိုးလာတယ်။

ဒါပေမယ့် ကျနော့် ပျော်ရွင်မှုက ကြာရှည် မခံပါဘူး။ ခရီးတခါထွက်ပြီး ပြန်လာတော့ ရေမွှေးပုလင်းထဲက အနံ့က ပြောင်းလာတယ်ဆို သတိထားမိတယ်။အကျီတွေမှာလည်း အကွက်တွေ စွန်းလာတယ်။ ဘယ်လိုမှ လက်မခံနိုင်ဘူး။ ဒါနာမည်ကြီးဆိုင်က ဝယ်လာခဲ့တာ။ အတုမဖြစ်နိုင်ပါဘူး။ကျနော် ဘယ်လိုမှ နားမလည်နိုင်ဘူး။ ရေမွှေးပုလင်းထားတဲ့ နေရာက အပူရှိန်ကြောင့်လား။ ရေခဲသေတ္တာထဲ ပြောင်းထည့်ပေမယ့် အနံ့က စူးတုန်းပဲ။ခရီးသွားတုန်း အိတ်ထဲထည့်ထားလို့ လှုပ်ရမ်းမှုကြောင့်လား။ ပဟေဋ္ဌိပေါင်းများစွာနဲ့ ရေမွှေးပုလင်းကိုကြည့်ပြီး နှမြောနေမိတယ်။ အတုနဲ့ အစစ် မခွဲခြားတတ်တဲ့ လူကိုမှ လိမ်ကြသလားဗျာ။ပထမ ရေမွှေးပုလင်းလို လွယ်လွယ်ကူကူ လွင့်မပစ်ရက်ပါဘူး။ ဒါကျနော် မျှော်လင့်ချက်တွေ အများကြီးနဲ့ ဝယ်ထားတာ။ ကျနော်နဲ့ အကြာကြီးရှိနေမယ်လို့ ယုံကြည်ထားတာ။ ဒါပေမယ့် ရေမွှေးသုံးလိုက်တိုင်း အရင်လို ယုံကြည်မှုတွေကတော့ ပြန်မရတော့တာပဲ။ စူးရှပြင်းပြတဲ့ ရေမွှေးနံ့က တနေ့လုံး ခေါင်းတွေ အုံကိုက်ပြီး မအီမသာကြီး ဖြစ်စေတယ်။ ရေမွှေးရဲ့ ဂုဏ်သတ္တိတွေမရှိတော့တဲ့ ရေမွှေးပုလင်းကို လွင့်ပစ်လိုက်ရမှာလား။ ဘာပဲဖြစ်ဖြစ် ရနံ့ပြယ်သွားပြီဖြစ်တဲ့ ရေမွှေးတပုလင်းကို ကျနော် မြတ်မြတ်နိုးနိုး သိမ်းထားစဲပါ။

ကြုံရဆုံရ

2011-01-13T22:39:00.000+08:00

စည်းကမ်းအရ မျက်နှာထားတင်းတဲ့ စင်ကာပူ လဝက လူကြီးတွေလိုပဲ မြန်မာပြည်က လဝက လူကြီးတွေကလည်း ဘာကြောင့်မှန်းမသိ မျက်နှာထားတင်းကြတယ်။ အလုပ်ဖိအားလား၊ ဒါမြန်မာတွေပါကွာဆိုတဲ့ အတွေးလား၊ ဒါမှမဟုတ် လေယဉ်မောင်မယ်ပါး ဝနေကြတာလား၊ ဒါမှမဟုတ်...

အရင်လိုပဲ ရန်ကုန်မြို့လမ်းမကြီးတွေပေါ်မှာ တက်ကစီ အစုတ်တွေပေါတုန်း။ ကားကောင်းကားသန့်ကြီးတွေလည်းပေါတုန်း။ လမ်းဘေးမှာ ကောင်မလေးတွေလည်းပေါတုန်း။

ကားကွင်းရောက်တော့ မြန်မာပိုက်ဆံအစစ်တွေရတယ်။ အစစ်ဆိုတာ တိပ်ဖာ၊ ဆီစွန်းတွေပြောတာပါ။ အသစ်တွေက သိပ်စိတ်မချရဘူး။ ဘာမှတွေးမနေနဲ့။ ကျနော်လည်းဒါပဲသုံးတယ်။ မယူချင်ပစ်ထားခဲ့။

ခပ်သေးသေးကားပေါ်မှာ ခပ်ကျဉ်ကျဉ်းခုံနဲ့ ထိုင်ရင်း ခပ်ပေါပေါသီချင်းနဲ့ အောက်ပိုင်းဟာသတွေ ဖွင့်ပြလိမ့်မယ်။ ပြီးတော့ အအေးငရဲခန်း။ အောက်ကလည်းအေး အပေါ်ကလည်းအေး။ လျော့လို့မရတဲ့ အဲကွန်းနဲ့ ပိတ်လို့မရတဲ့ အဲကွန်းကြောင့် အအေးငရဲခန်းကို ကြုံဖူးသွားတယ်။

မန်းလေးရဲ့ကြိုဆိုပုံကသင်းတယ် မနက်လေးနာရီ အင်မတန်အေးလို့ အမေတို့စောင်ပုံထဲ အတင်းတိုးဝင်ပစ်လိုက်တယ်။ မင်းဘာတတ်နိုင်သေးလဲ။

အိမ်မှာ နှပ်နေတာ လာကြိုမယ့်လူတွေ မသိလို့ စိတ်တွေပူလို့။ သူတို့ကို သရဲသွားခြောက်ပြီး ထမင်းပုံစားသွားစားကြတယ်။ ညနေတခါချိန်းပြီး နှစ်သစ်ကိုကူးဖို့ ပြင်ဆင်ကြတယ်။ သူတို့က ဝိုင်နဲ့ကူးတယ် ကိုယ်က ဝီစကီနဲ့ကူးတယ်။ ဒါပဲကွာတယ်။ သူတို့တော့ ဖဲရိုက်ကြတယ်။ အနံ့အသက်မခံနိုင်မှာစိုးလို့ စောစောဝင်အိပ်ဖြစ်တယ်။ ဆောရီးပါ သူငယ်ချင်းတို့ရေ။

နှစ်ကူးပြီးတော့ ရွှေဘိုကို ခရီဆက်တယ်။ ဟိုငေးဒီငေးလိုက်လာပေမယ့် လှတောနားရောက်တော့ ဘေးကအကိုက "ညီ ဟိုမှာကြည့်စမ်း ကုက္ကိုပင်တွေ သေနေတယ်တွေ့လား တဲ့" "အကိုရာ အဲဒီဖက်ပဲသေတာ ဒီဖက်.......ဒီဖက်မှာလဲ သေတာပဲ အကိုရ" အကိုကပြောတယ် "အညာမှာ ကုက္ကိုသေတာ ရင်နာဖို့ကောင်းတယ်"တဲ့။ ရေတိုက်စားမှု။ ထင်းရှားပါးလာမှုကြောင့် လမ်းဘေးသစ်ပင်တွေ ထင်းရအောင် သစ်ခေါက်ခွာမှု။ တောင်သူတွေ မဆင်မခြင် ကောက်ရိုးပုံတွေ မီးရှို့လို့ အညာမှာ ကုက္ကိုပင်တွေ အတော်များများသေနေပါပြီ။ တာဝန်ရှိသူတွေကလည်း အာဏာနဲ့ထိန်းသိမ်းပေမယ့် အသိပညာပေးမှုတွေ လိုအပ်နေပါသေးတယ်။

အကိုတို့၇ွာရောက်တော့ နွေးထွေးတဲ့ အပြုံးနဲ့ကြိုဆိုကြတယ်။ တကယ့်မိသားစုလိုပါပဲ။ ကျန်းကျန်းမာမာတွေရတော့ ပိုပြီးတောင် ဝမ်းသာသေးတယ်။ ရွှာမှာ ကွမ်းခြံနဲ့ ဆူဖြိုးနေကြတယ်တဲ့။ ဝမ်းသာလိုက်တာ။ စီးပွားရေးကောင်းတော့ ဘာသာရေးဖက်လှည့်လာနိုင်တယ်။ သမာအာဇီဝနဲ့ပဲ စီးပွားရှာကြတော့တယ်။ ရွာအတွက် တရားပွဲတွေ။ သာသနာရေးအဆောက်အအုံတွေ လှူတမ်းကြတယ်။ အကိုရေ စာကြည့်တိုက်လေးပါ လုပ်ပါ့ဦးလို့ တိုက်တွန်းခဲ့ပါတယ်။

ဆရာဝန်ဖြစ်နေတဲ့ သူငယ်ချင်းနဲ့ သွားတွေ့ဖြစ်တော့ အန်မတန်ကြိုးစားရတဲ့အကြောင်း ပြောပြတယ်။ အလုပ်မှာ ကြုံတွေရတဲ့ အခက်အခဲတွေနဲ့ အာရကေ ကေ့စ်တွေလည်း ကြားရတယ်။ ဝါသနာပါတဲ့ အလုပ်နဲ့ အသက်မွေးဝမ်းကြောင်းပညာ တထပ်တည်းကြတဲ့ သူငယ်ချင်း ရှေ့လျှောက် အောင်မြင်ပါစေ။ လူနာတွေကယ်တင်နိုင်ပါစေ။

နိုင်ငံခြားကို ဘယ်တော့မှ မထွက်တဲ့ အောင်မြင်နေတဲ့ သူငယ်ချင်း ဒီဇိုင်နာတယောက်ကိုလည်း လေးစားမိပါတယ်။ နိုင်ငံခြားကို ထွက်ဖို့ပြင်နေတဲ့ သူငယ်ချင်းတယောက်ကိုလည်း အားပေးပါတယ်။ အတွေ့အကြုံသစ်တွေ အပြင်မှာရှာကြပါ။ တိုးတက်ဖို့ကြိုးစားကြပါ။

၅ သိန်းတန်ဖုံးတွေနဲ့ သူငယ်ချင်းတိုင်းကို ဆက်သွယ်လို့ရနေလို့။ အတော်အဆင်ပြေပါတယ်။ ကိုယ်ပိုင်မရှိသေးလို့ ဆက်သွယ်ရခက်ပါတယ်။ ဆိုင်ကယ်မရှိလို့ သွားလာရေးခက်ပါတယ်။ အင်တာနက်က အခုထိအဆင်မပြေလို့ ကမ္ဘာကြီးနဲ့အဆက်ပြတ်ပါတယ်။ အလုပ်မရှိသေးလို့ မျက်စိမျက်နှာပျက်ပါတယ်။

ဒီပြန်ရောက်တော့ ဘရက်ဒယ်အိမ်ကိုလွမ်းတယ်။ အားလုံးပဲ အဆင်ပြေကြပါစေ။

ရေတမာ
Tue
11-1-11 7.53pm

2010-12-24T11:33:00.001+08:00

moments like this

2010-09-23T07:54:00.002+08:00

သေသေချာချာပဲ မသေချာတာတွေ လုပ်ရင်း
ရေရေရာရာပဲ မရေရာတဲ့ လမ်းတွေမှာ..

ပြေပြေလည်လည်ပဲ မပြေလည်မှုတွေ ကြုံရတဲ့အခါ
သက်သက်သာသာပဲ မသက်မသာနဲပေါ့

ပျော်ပျော်ရွင်ရွင်ပဲ မပျော်ရွင်ခြင်းတွေ ရပြန်တော့
ပီပီပြင်ပြင်ပဲ မပီမပြင် ပြုံးခဲ့ရတယ်။

ပွင့်ပွင့်လင်းလင်းပဲ မပွင့်လင်းခဲ့ဘူးဆိုတာ
ရိုးရိုးသားသားပဲ မရိုးသားခဲ့ကြောင်း ဝန်ခံပါတယ်

ရှုပ်ရှုပ်ထွေးထွေးပဲ မရှုပ်ထွေးဖို့ ကြိုးစားရင်း
ပြတ်ပြတ်သားသားပဲ မပြတ်သားနိုင်ခဲ့ပြန်ဘူး။

ချစ်ချစ်ခင်ခင်ပဲ မချစ်ခင်မှတော့
လွမ်းလွမ်းဆွေးဆွေးပဲ မလွမ်းဆွေးဖို့ ကြိုးစားပါဦးမယ်။

လွတ်လွတ်လပ်လပ်ပဲ မလွတ်လပ်တော့ဘူးဆိုရင်

ရေတမာ
23-09-10

ရွာ

2010-08-18T16:03:00.002+08:00

အိမ်မှာ ကက်ဆက်တလုံးရှိခဲ့ဘူးတယ်။ ဇာတ်လမ်းကက်ဆက်ခွေတွေ စတီဒီယိုတေးသီချင်းခွေတွေ ငှားခဲ့ဖူးတယ်။ အခုများ မောက်(စ်)တချက်နှိပ်ယုံနဲ့ လက်လှမ်းမီသမျှ သီချင်းတွေ နားဆင်နိုင်ပြီ။ ကောင်းလှေ့တေး။ ကောင်းလှေ့တေး။ တေးသီချင်းထုတ်လုပ်သူတွေ၊ တေးသံရှင်တွေတောင် ငြိုငြင်ကုန်ကြပြီ။ ဟိုတလောက အဆိုတော်ကြီးတောင် ကောင်းချီးပေးသွားသေးတယ်။ ဒေါင်းလုပ်လုပ်ကြလို့တဲ့။ ဗမာပြည်နဲ့မျက်ခြေမပြတ်အောင် အသစ်ထွက်သမျှ တေးစီးရီး အသစ်တွေ လိုက်လံရှာဖွေပါတယ်။ အားပေးကြတဲ့ website တွေလည်း တော်တော်များများရှိလာကြပြီ။ ပျော်ပါတယ် ပိုက်ဆံမှ မကုန်တာ။

ခေတ်ရဲ့တောင်းဆိုမှုလား၊ အသည်းကွဲတဲ့သူတွေများလာသလား၊ စတိုင်တခုလေပဲလားတော့မသိဘူး နားထောင်လိုက်တိုင်း အသည်းကွဲသီချင်းက ခပ်များများ။ ပေါက်ကွဲတဲ့သီချင်းတွေ။ စိတ်အချဉ်ပေါက်သီချင်းတွေက နားထောင်ရတာများတယ်။ ခပ်မြူးမြူးသီချင်းတွေ၊ ပျော်စရာသီချင်းတွေ လိုက်ရှာဖြစ်တယ်။

ဒီခွေက ကော်ပီခွေပဲ။ ကြာပြီ ၉ တန်း ၁၀ တန်းလောက်က ထွက်တာ။ ဒီသီချင်းကလည်း ကော်ပီဖြစ်ချင်ဖြစ်မယ်။ ဘိလပ်သီချင်းတွေ သိပ်နားထောင်ဖြစ်တာမှမဟုတ်တာ။ လက်ရှိအနေအထားနဲ့ စာသားတွေနဲ့ကိုက်ညီလို့ နားထောင်တဲ့ စာရင်းထဲတော့ ထည့်ထားတယ်။ မြူးသလို၊ ဆွေးသလိုပဲ၊ ကန်ထရီးကြိုက်တော့ အဆင်ပြေပါတယ်။ စိတ်ကူးယဉ်တာ အန်တာတိတ်မန့်(သည်းခံပါခင်ဗျာ စာလုံးမပေါင်းတတ်လို့) တခုအနေနဲ့ ခံစားတတ်တဲ့ ဖသက အတွက် ခံစားကြည့်စေချင်ပါတယ်။

ရွှေဖိုးခေါင်

2010-08-17T15:49:00.005+08:00

အမက မင်္ဂလာဆောင်အတွက် မိတ်ကပ်အစမ်းလိမ်းမယ်ဆိုတော့ အန်တီက မြေနီကုန်းက ဆိုင်တဆိုင်လိုက်ပို့တယ်။ ဒုတ်ထိုးစားချင်လို့ လိုက်သွားတာ။ ဟိုရောက်တော့ အတူတူသွားစားမယ်ဆိုလို့ ထိုင်စောင့်ပေးနေတုန်း ဒီသီချင်းကြားလိုက်ရတာ။ ကက်ဆက်ဖွင့်သလိုကို နားထောင်လို့ကောင်းတယ်။ ဆိုကြမယ်ပျော်ကြမယ်မှာဆိုရင် ပထမဆုရမှာ ကြိမ်းသေပဲ။ ဟိုးအရင်က နေ့လည်ထမင်းစားကျောင်း ပြန်ရင် ရေဒီယိုက တခါတခါ ကြားဖူးတဲ့သီချင်း။ ၂၀၀၇ ခုနှစ်မှာတောင် သားကို ဒီလို သီချင်းနဲ့ ချော့သိပ်တယ်။ ကြည်နှုးဖို့ကောင်းသလို နားထောင်လို့လည်းကောင်းတယ်။ ကိုယ်တောင် ဒီလိုသီချင်းမျိုးနဲ့ မအိပ်ခဲ့ရဘူး။ ရှာမယ်ဆိုပြီး တေးထားတာကြာပေါ့။

အရင်ကဆို ညနေအမေတို့ အဖွားတို့ဆီက ဖြစ်ဖြစ် ဆန်ပြာတုန်း ထမင်းချက်တုန်း သနပ်ခါးလိမ်းတုန်း ငြီးတဲ့သီချင်းသံလေးတွေကို လွမ်းမိသေး။ ပီပီသသကြီးလည်းမဟုတ်ဘူး။ မရတဲ့နေရာဆို ငြီးသံလေးပဲ ထွက်ထွက်လာတတ်တယ်။ ဒီသီချင်းသံတွေ ကြားရတော့လည်း သတိရပါ့။

အကိုက အဲဒီသီချင်းသိတယ်ဆိုပြီး ရှာပေးမယ်တဲ့။ ရှာတော့ မတွေ့တော့ဘူး။ အဲဒါ ဂူဂယ်မှာ အတင်းပြုးပြဲရှာတော့ တွေ့ပါတယ်။ ဒေါင်းတော့ ဒေါင်းလို့မရဘူး။ upgrade လုပ်ရမယ်တဲ့။ ကမထ အကူအညီနဲ့ မေးလ်ထဲရောက်လာတယ်။

၂နှစ်လောက်ကြာတော့ နားထောင်လို့ ရခဲ့ပါပြီ။ မျက်လုံးထဲမှာ အဲဒီအမကြီးရယ် သူ့သားလေးရယ် မြင်မိတယ်။ အမြဲအမှတ်ရနေမယ့် သီချင်းတပုဒ်ပါပဲ။ သားသမီးတွေအတွက် စိတ်ကူးနေတဲ့ ကဖစ နဲ့ ဖသက ဒီသီချင်းတော့ မိတ်ဆက်ပေးချင်တယ်ဗျာ။

ခေတ်သစ်မဲဇာ

2010-07-11T08:12:00.000+08:00

နှင်းရည်စက်လက် ခင်းမြက်ရွှေရည်

မြူခိုးဝေ့သီ နံက်ခင်းသည်

ရွှေပြည်ကြီးကို လွမ်းမိပြီ။

ရာသီအုံမှိုင်း လေအေးသုန်သုန်

ချမ်းလို့တုန် သင်္ကြန်ရက်လား ထင်မှတ်မှားသည်

ရွှေပြည်ကြီးကို လွမ်းမိပြီ။

ဥသြောတွန်ကြူး ပွင့်ဖူးပိတောက်

စိမ်းလဲ့ကြည်ကြည် ဝန်းကျင်သည်

ရွှေပြည်ကြီးကို လွမ်းမိပြီ။

ပူပြင်းနေရောင် တောက်လို့လောင်

လေပွေဆော့ကစား သစ်ရွက်များသည်

ရွှေပြည်ကြီးကို လွမ်းမိပြီ။

ကြင်ဖော်နှင့်ဝေး ငှက်ကျေးတမာ

ခိုနားစရာ ဓါတ်ကြိုးရှာသည်

သြော်….. ရွှေပြည်ကြီးကို လွမ်းမိပြီ။

ရေတမာ

8း08am Sun

11-07-10

2010 ကမ္ဘာ့ဖလား REVIEW နှင့် ဗိုလ်လုပွဲခန့်မှန်းချက်

2010-07-09T15:45:00.006+08:00

2010 ကမ္ဘာ့ဖလား REVIEW

ငြိမ်းချမ်းရေး ဗိသုကာကြီး နယ်ဆင် မန်ဒဲလားရဲ့မြေမှာ ကျင်းပပြုလုပ်တဲ့ 2010 ကမ္ဘာ့ဖလားပြိုင်ပွဲကြီးဟာ ဆိုရင်ဖြင့် အောင်မြင်စွာ ပြီးစီးတော့မှာဖြစ်ပါတယ်။ ယခုလို ကြီးကျယ်တဲ့ ပြိုင်ပွဲကြီးကို အောင်မြင်အောင် စွမ်းဆောင်နိုင်တဲ့ အိမ်ရှင် တောင်အာဖရိကနိုင်ငံရဲ့ အားထုတ်မှုကို ချီးကျူးလေးစားမိပါတယ်။ ပြိုင်ပွဲမစခင်က တည်ဆောက်ဆဲဘောလုံးကွင်းများ၊ လမ်းပန်းဆက်သွယ်ရေးများနှင့် ပက်သက်ပြီး ဝေဖန်မှုတွေရှိနေပေမယ့် ပြိုင်ပွဲကျင်းပတဲ့အခါမှာ အေးအေးချမ်းချမ်းဖြစ်အောင် ဆောင်ရွက်နိုင်ခဲ့ပါတယ်။

ဘောလုံးလောကရဲ့ အကြီးကျယ်ဆုံးပြိုင်ပွဲကြီးကို ကိုယ်ချစ်တဲ့ နိုင်ငံမှာ ကျင်းပပြုလုပ်ချင်တဲ့ ဆန္ဒဟာ ဘောလုံးချစ်သူတိုင်း ဖြစ်ပေါ်ဖူးကြမှာပါ။ ဒီပြင် ပြိုင်ပွဲနဲ့ပက်သက်ပြီး လမ်းပန်းဆက်သွယ်ရေး တိုးတက်မှု အလုပ်အကိုင် အခွင့်အလမ်းပေါ်ပေါက်မှု၊ စီးပွားရေးတိုးတက်ကောင်းမွန်မှုတွေ တွေ့မြင်ရတဲ့အခါ အားကျမိပါတယ်။ ကိုယ်နိုင်ငံရဲ့ ယဉ်ကျေးမှုတွေ လူနေမှုအဆင့်အတန်းတွေ၊ သဘာဝအလှတရားတွေကို ကမ္ဘာကိုပြသနိုင်ခဲ့တာလည်း မမှားပါဘူး။

ပြိုင်ပွဲနဲ့ပက်သက်ပြီး ရရှိခဲ့တဲ့ လူတန်းစားမညီမျှမှုပြဿနာ၊ မထိန်းချုပ်နိုင်တဲ့ လက်မှတ်မှောင်ခိုကိစ္စ၊ တရားမဝင် စီးပွားရေးထိုးဖောက်မှုတွေဟာ နောက်ထပ် လက်ခံကျင်းပမယ့် နိုင်ငံများအနေနဲ့ သတိချပ်သင့်ပါတယ်။ ကမ္ဘာ့ဖလားနဲ့ ပက်သက်ပြီး ကမ္ဘာ့အဝှမ်းမှာ စိတ်မချမ်းသာစရာ သတင်းဆိုးတွေလည်း ကြားသိခဲ့ရပါတယ်။ ဘောလုံးပွဲကြည့်လို့ အစွန်းရောက်သမားများ သတ်ဖြတ်ခြင်းခံရတဲ့ ဘောလုံးချစ်သူများ၊ ဘောလုံးပွဲကြောင့် အိပ်ဆေးခပ်ခံရတဲ့ ကလေးငယ်၊ အရိုက်အနှက်ခံရတဲ့ ကလေးငယ်၊ ဆေးရုံတက်ခဲ့ရတဲ့ ဖခင်၊ မီးလောင်သေဆုံးခဲ့ရတဲ့ ကလေးငယ်တွေ၊ ပြစ်ပယ်ခံရတဲ့ အိမ်ထောင်ရှင်မတွေဟာ အဖြစ်သင့်တဲ့ အဖြစ်တွေပဲ မဟုတ်ပါလား။

အစိုးရပါ ဝင်ရောက်ဖြေရှင်းရတဲ့ ပြင်သစ်အသင်းရဲ့ အဖြစ်ဟာလည်း ဘောလုံးလောကအတွက် အရှက်ရဖွယ်ဖြစ်ပါတယ်။ ပြည်တွင်းပြိုင်ပွဲတွေမှာ ပြည်တွင်းကစားသမားတွေ အသုံးပြုနည်းခဲ့လို့ အောင်မြင်မှု မရခဲ့တဲ့ အီတလီ၊ အင်္ဂလန်အသင်းတွေဟာ နောက်လာမယ့် ပြိုင်ပွဲတွေအတွက် ပြင်ဆင်သင့်ပါပြီ။ ကစားသမားတွေဟာ နိုင်ငံချစ်စိတ်နည်းပါးကြပေမယ့် ပရိသတ်တွေကတော့ မျိုးချစ်စိတ်ပြင်းပြကြတာ ဒီပွဲမှာ တွေ့ရပါတယ်။ အရှုံးကြောင့်ကျတဲ့ မျက်ရည်၊ အနိုင်ကြောင့် ရတဲ့ ပျော်ရွင်မှုတွေဟာလည်း ပြိုင်ပွဲကို ပုံဖော်ပေးလျှက်ရှိပါတယ်။

ဗိုလ်လုပွဲခန့်မှန်းချက်
ချဲထွက်ပြီးမှ ခွင်ပြတယ်တော့ မထင်စေချင်ပါဘူး။ မှတ်မိသလောက် 98ကမ္ဘာ့ဖလားကတည်းက ထူးချွန်ပြီး ဆံပင်နည်း(သို့)ကတုံး(သို့)ထိပ်ပြောင်တဲ့ သူတွေ ရယူပေးတာ တွေ့ရပါတယ်။ 98မှာ ပြင်သစ်က ဇီဒန်းရဲ့ မှော်ဆန်တဲ့ ဂိုးတွေနဲ့အတူ ဖလားရယူပြီး 2002 မှာဘုတ်စုလေးနဲ့ ရော်နယ်ဒိုရဲ့ ရွှေဖိနပ်ကလည်း ဘရာဇီးကို မှတ်တမ်းသစ်တွေ ရေးထိုးစေခဲ့ပါတယ်။ 2006 မှာ အီတလီရဲ့ ကတုံးကေ ကင်နာဗာရိုး ထိပ်ပြောင် ဇီဒန်းတို့ကြတွေ့ပေမယ့် နောက်ထပ်ကတုံးကေ မာတာရာဇီကို မယှဉ်နိုင်လို့ အရှုံးပေးခဲ့ကြရတာ မှတ်မိကြဦးမှာပါ။

2010 မှာတော့ ထူးချွန်ပြီး ဆံပင်နည်း(သို့)ကတုံး(သို့)ထိပ်ပြောင်တဲ့ သူတွေတွေ့ရပါတယ်။ အုပ်စုပွဲတွေထဲမှာ ကြည့်ရင် အင်္ဂလန်က ထိပ်ပြောင် ရွန်နီ အမေရိကက ဒိုနိုဗန်နဲ့ ကတုံး တင်ဟောင်းဝပ်ကို မနိုင်ခဲ့ပါဘူး။ မက်ဆီကိုက ကတုံးကေလေး ဟာနန်ဒက် ပြင်သစ်ကို အဘိုးပုံစံအတိုင်း လုပ်ပြနိုင်ခဲ့ပါတယ်။ ပိုဒေါ့စကီး အောဇီကို ပေးခဲ့တဲ့အိပ်မက်ဆိုးတွေ။ စပိန်ကိုယောက်ယက်ခပ်စေခဲ့တဲ့ ဆွစ်က ဖာနန်ဒက်။ နာမည်ကြီး အီတလီကို အုပ်စုက လှည့်ပြန်သွားစေခဲ့ ဆလိုဗက်ကီးယားက ဗီတက် တို့ဟာ ဆံပင်မသန်တဲ့ သူတွေပဲဖြစ်ပါတယ်။

အာဂျင်တီးနားရဲ့ မအောင်မြင်ရခြင်း အားနည်းချက်ကတော့ ဆံပင်ရှည်ကစားသမားတွေ များလွန်းခြင်းပါပဲ။ ဒါတင်မက နည်းပြပါ ဆံပင်ရှည်ခြင်းကြောင့် အောင်မြင်မှုမရဘူးလို့ ထင်မြင်မိပါတယ်။ ရှေ့တန်းက မက်ဆီနဲ့ တိဗက် ဆံပင်ရှည်တာ နောက်တန်း ၂ ယောက်ဆံပင်ရှည်တာတွေဟာ ထူးချွန်တဲ့ ထိပ်ပြောင် အသင်းခေါင်းဆောင်မာရှေရေနိုလည်း ဘာမှမတတ်နိုင်ပါဘူး။ အာဂျင်တီးနား အောင်မြင်ချင်ရင်တော့ ကမ္ဘာ့ဖလားပုံစံကို အခုလို ပုံစံမလုပ်ပဲ ဆံပင်ရှည်လေး လုပ်ပေးမှ ရမယ်ထင်ပါတယ်။

ဂျာမနီရဲ့ အောင်မြင်မှုကို မိတ်ဆွေ ထောက်ပြချင်နေပြီထင်တယ်။ ဟုတ်ပါတယ် ဂျာမနီမှာ ဘိုအာတန် တယောက်ကလွဲလို့ ကျန်တဲ့သူတွေမှာ ထိပ်ပြောင်တယောက်မှ မပါဘဲနဲ့ ဆီမီးထိ အောင်မြင်မှုရတာဟာ ထိပ်ပြောင်လေး ရေဘဝဲကြောင့်လို့ ပြောရင် သင်ငြင်းနိုင်မလား။ ငါတို့အသင်းနိုင်မယ်ဆိုတဲ့ စိတ်ဓါတ်ခွန်အားတွေရရှိခဲ့သလို။ ရှုံးမယ်ဆိုတဲ့ အသိလည်းရရော အသင်းကစားပုံဟာ သိသိသာသာပဲ ပျက်ပြားသွားခဲ့ပါတယ်။ ထူးချွန်တဲ့ လူငယ်ကစားသမားလေး မူလာပွဲပယ်ပြစ်ဒဏ်ကြောင့် ရေဘဝဲလေး စပိန်ကို ရွှေးလိုက်သလားဆိုတာတော့ သူကိုယ်တိုင်ပဲ သိပါလိမ့်မယ်။

ဘရာဇီးရဲ့ ကတုံးကေလေးတွေဖြစ်တဲ့ ရော်ဘင်ဟို၊ ဖေဘီရာနိုတို့ အစွမ်းပြပေမယ့် ရှနိုက်ဒါနဲ့ ရော်ဘင်တို့က ပိုပြီးထိပ်ပြောင်တဲ့အကြောင်း ကွာတားဖိုင်နယ်မှာ သိရှိသွားခဲ့ကြပါပြီ။ ရှုံးထွက်အဆင့်၊ ကွာတား အထိတက်လာကြတဲ့ ပါရာဂွေး၊ ဥရုဂွေး၊ ဂျပန်၊ ဆလိုဗက်ကီးယား၊ ချီလီ၊ မက်ဆီကို၊ ဂါနာ၊ အမေရိကန်၊ ပေါ်တူဂီ အသင်းတွေဟာ ကြိုးစားအားထုတ်မှု၊ အသင်းလိုက် စုစည်းမှုတွေ ရှိကြပေမယ့် ဖလားရယူပေးနိုင်တဲ့ ဟော်လန်က ရှနိုက်ဒါနဲ့ ရော်ဘင်တို့လို စပိန်က အင်နေရေစတာတို့လို ထိပ်ပြောင်လေးတွေ မရှိကြပါဘူး။ သူတို့ဟာ ပွဲစဉ်တလျှောက် အကောင်းဆုံးစွမ်းဆောင်ကြပေမယ့် ကျန်တဲ့ အသင်းဖော်တွေကလည်း သူတို့ကို မမှီခိုဘဲ အားလုံး စုစုစည်းစည်းနဲ့ ကစားကြတဲ့အတွက်ကြောင့် ထိုက်တန်တဲ့ ဗိုလ်လုပွဲကို တက်ရောက်လာကြတာဖြစ်ပါတယ်။

ကမ္ဘာ့ဖလားပြိုင်ပွဲတလျှောက် တကြိမ်မှ မဆုံဘူးသေးတဲ့ စပိန်နဲ့ ဟော်လန်တို့ပွဲဟာ ၁၂နှစ် အတွင်းမှာ ထူးခြားတဲ့ ချန်ပီယံသစ် ရွှေးပွဲပဲဖြစ်ပါတယ်။ ဂျာမနီကြောင့် အင်္ဂလန်ကြောင့် ကုန်ခဲ့တဲ့ သူငယ်ချင်းများအတွက် ကျနော့်ရဲ့ အထက်ပါ ပြောင်မြောက်တဲ့ ခန့်မှန်းချက်တွေကြောင့် စပိန်ထက် ပိုပြောင်တဲ့ ဟော်လန်ဟာ ကမ္ဘာ့ဖလားကို ကိုင်မြှောက်ခွင့်ရနိုင်ကြောင်း အစီရင်ခံလိုက်ရပါတယ်။

ရေတမာ

4း03pm fri

9-7-10

တချိန်က သူတို့

2010-06-15T14:20:00.004+08:00

မိသားစုနဲ့အတူ ခရီးသွားချင်တဲ့ စိတ်ကူး ကူးနေတုန်း(ဘယ်လိုကူးလဲတော့ မသိဘူး) ငယ်ငယ်က ဆွေမျိုးတွေ အုပ်လိုက်ကြီး (ဖတ်မိကြရင်တော့ စိတ်နာလောက်တယ်) ခရီးသွားခဲ့တာတွေ ပြန်ပြီး အမှတ်ရမိပါတယ်။ ရှိလှ ၁၀နှစ် ၁၁ နှစ်ပေါ့။ နှစ်တိုင်းလိုလို ဘုရားဖူးထွက်ဖြစ်တယ်။ ထိန်းမနိုင်သိမ်းမရတွေမို့ နောက်မသွားတော့ဘူး မခေါ်တော့ဘူး အဆူခံထိတာလည်း မနည်းလှဘူး။ ပုဂံဘုရားလေးဆူ တမနက်တည်းဖူးကြတယ်။ နေမကောင်းနေတဲ့ အမေတောင် ပုပ္ပါးတောင်ပေါ်ထိရောက်အောင် သွားတယ်။ ဒေါင်းသေချောင်းကြီး ရေတွေကျတော့ ကားတွေကူးမရ။ ထွန်စက်တွေ ဆွဲတာစောင့်ရတာတွေ။ ပုပ္ပါးရောက်တော့ အနွေးထည်မပါလို့ ခိုက်ခိုက်တုံအောင် ချမ်းတာတွေ ပြန်တွေးမိတော့လည်း မနေ့တနေကလိုပဲ။

အဘွားနဲ့အဒေါ်က နတ်ကို တော်တော်လေး ယုံကြည်ကိုးကွယ်ကြတယ်။ အိမ်မှာ အုန်းဆွဲတယ်။ ကြွက်မြီးဆိုတာကို အဲဒီမှာ စသိတာ။ ဈေးကနေ အုန်းသီးကို ကြွက်မြီးမကျိုးအောင် ကိုင်လာရတာကိုး။ မနက်ဆို အညှာမချိုးထားတဲ့ ကွမ်းဝယ်ပေးရတယ်။ ညဆို လိုက်ကာအနီလေးပိတ်ပေးရတယ်။ အဘနဲ့ ဦးလေးက ဝါသနာပါမပါတော့ မသေချာဘူး။ မလွန်ဆန်နိုင်လို့လား ရိုးရာမို့လို့လားတော့မသိဘူး သိပ်ပြီး ကန့်ကွက်တယ် မရှိလှပါဘူး။ ဦးလေးဆို သူကိုယ်တိုင်တောင် လိုက်ပို့သေးတာပဲ။ နတ်ဟောရင် ခေါင်းတညိတ်ညိတ်နဲ့။ အဘကတော့ သိပ်ပြီး ဟက်ဟက်ပက်ပက်မရှိလှပါဘူး။ ဘုရားသမား။ အဘွားနဲ့အဒေါ်က လင်ပန်းကြီးနဲ့ ဆွမ်းတော်ကပ်တော့ ရိုးရာဆိုပြီး လွဲချလိုက်တာလည်း ဖြစ်ကောင်းပါတယ်။

အဘွားတို့က ပခန်းကိုကြီးကျော်ကိုးကွယ်တယ်။ မြင်းဖြူရှင်တွေ ဘာတွေလည်းတက်တယ်။ တောင်ပြုံး ရတနာ့ဂူလည်းရောက်တာပဲ။နတ်ပွဲတွေသွားတဲ့ ခရီးစဉ်တွေကတော့ အပျော်ဆုံးပေါ့။ စားစရာတွေ ပေါများသလို ပိုက်ဆံလည်း တွက်ခြေကိုက်။ အထူးအဆန်းတွေလည်း တွေ့ရသကိုး။ သူတို့နတ်မေးမေးနေတဲ့ ဆရာလေးတယောက်ရှိတယ်။ နတ်ရာသီဆို ဝါသနာပါရာ အပေါင်းအသင်းတွေအကုန်စုပြီး သွားကြတော့တာပဲ။ အမျိုးသမီးတွေဆိုတော့ ခရီးသွားရင် စားစရာကိုအိမ်ကလုပ်သွားကြတာ။ အဲဒီအချိန်မှာ အိမ်ချက်ဆိုပေမယ့် စားရတဲ့အရသာက တမျိုးလေးနဲ့တော်တော်ကောင်းတယ်။ တခုတော့ရှိတာပေါ့ ဝက်သားငတ်တယ်းP။

အဘွားက နတ်ကိုးကွယ်မှု ၁ကျပ်ဖိုးလောက်ရှိတော့ အမေက နတ်ကိုးကွယ်မှု ငါးမူးဖိုးလောက်တော့ ရှိမယ်ထင်တယ်။ အိမ်မှာ အဒေါ်တင်တဲ့ အုန်းဆွဲမဖြုတ်ပေမယ့် ဘုရားခန်းသီးသန့်ထားထားပေးတယ်။ အိမ်ခွဲနေတဲ့ အကိုနဲ့အမက မကိုးကွယ်တာ သေချာတယ်။ အမကြီးကတော့ မိဘအိမ်မှာ နေနေရတာဆိုတော့ မကိုးကွယ်ပေမယ့် မိန်းမသားသဘာဝအရ လက်တော့ လက်ခံဦးမယ့် သဘောမှာရှိတယ်။

အခုဆိုရင် နိုင်ငံခြားမှာ ရွှေပြောင်းအလုပ်လုပ်၊ နေထိုင်တဲ့ သူတွေများလာပါပြီ။ မြန်မာအိမ်တွေလည်း အတော်သင့်အတန်သင့်များလာပြီ။ အုန်းဆွဲတာ မတွေ့ရတော့သလို၊ ဘုရားစင်နဲ့ ရုပ်ပွားတော်လည်း သေးသေးသွားတာ သတိထားမိတယ်။ ကျနော်တို့ မျိုးဆက်ကစပြီး နတ်ယုံကြည်မှု လျော့နည်းတာတွေ တွေ့လာရတယ်။ ၁၀နှစ်အရွယ် ကလေးကတောင် နတ်ဝင်သည်ကို အပ်နဲ့ ထိုးပြီး ဝင်မဝင် စမ်းသပ်ကြည့်ချင်နေပြီ။ ကျနော်အထင် နောက်ဆိုရင် နတ်ကိုးကွယ်တွေ ပ,ပျောက်သွားမလားမသိဘူး။ ဒါပေသိ နတ်ပွဲတွေကတော့ စည်ကားမြဲ စည်ကားနေတုန်းပဲထင်တယ်။

မနက်ဖက်အိပ်ကောင်းတဲ့အချိန် အဘွားနဲ့အဒေါ်တို့ရဲ့ နတ်တိုင်တည်သံ၊ နှင်းဆီပန်းလေးတွေ ထည့်ပေးရတဲ့ မနှဲလေး စဉ့်အရုပ်အိုးလေး၊ ဘဲဥ၊ ဖိနပ်သေးသေး၊လက်ကောက်သေးသေး နဲ့ အမေကြမ်းရဲ့ ဆဲဆိုသံ ကိုကြီးကျော်ရဲ့ ကြက်ကြော်နဲ့ အရက်ပုလင်းကို မြင်ရောင်ရင်း..................။

ရေတမာ
2း28pm tue
16/06/10

စိတ်ကူးတခု

2010-06-14T18:10:00.001+08:00

သူ တံခါးနှစ်ပေါက်နှင့် အမိုးဖွင့် ပြိုင်ကားအမျိုးအစားကို ငယ်ငယ်ထဲက ကြိုက်နှစ်သက်ခဲ့သည်။ ထိုကဲ့သို့ ကားမျိုး တွေ့ရင် ဝေးဝေးရောက်သွားသည်အထိ ငေးမောနေတတ်၏။ ဒီပြင် လူများများဆန့်တဲ့ တောင်းအေ့လို ကားမျိုးတွေတွေ့ရင် ထိုင်ခုံတွေ ဘယ်နှစ်ခုံပါသလဲ လိုက်ရေတွက်နေမိတတ်ပြီး တနေ့နေ့ အချိန်ချိန်မှာ လူများများဆန့်တဲ့ ကားတစ်စီးလောက် ၀ယ်နိုင်လိမ့်မယ်လို့ စိတ်ကူးတွေ ခဏခဏယဉ်ကြည့်ဖူး၏။

လောင်စာဆီဈေးနှုန်း ကြီးမြင့်ခြင်း၊ ကားဈေးကွက်မကောင်းခြင်း၊ ငွေယားမရှိခြင်းတို့ကြောင့် သူ့အိမ်မှာကားမရှိတော့ပြီ။ စီးနှင်းလိုက်ပါမည့် လူလည်းများများစားစား မရှိတော့ပါ။ ဆိုင်ကယ်တစ်စင်း ရှိလျှင် ခရီးအတော် တွင်နေပေပြီ။ သူ၏ စိတ်ကူးယဉ်ထားသည့် ထိုင်ခုံများများနှင့် ကားလေးလည်း ဘယ်ဆီဘယ်ဝယ် ရောက်နေသည်ကိုပင် မခန့်မှန်းနိုင်တော့။

ယခုဆို ကားလေးတွင် တပ်ဆင်ရန် ထိုင်ခုံ ၇ ခုံရှိနေလေပြီ။ များမကြာမှီ ခုံသေးသေးလည်း တပ်ဆင်ရန် လိုအပ်လေသည်။ သို့သော် သူ့တွင် ပူပန်မှုရှိနေလေသည်။ ထိုင်ခုံတွေ တပ်ဆင်ဖို့ အံဝင်ခွင်ကျ ရှိမရှိ သံသယဖြစ်နေမိသည်။ ကားလေးတွင် အသားကျနေသည့် ရှေ့ဆုံးမှထိုင်ခုံနှင့် နောက်မှ တပ်ဆင်ရမည့် အဝေးမှ ရောက်လာသည့် ထိုင်ခုံလေးများ လိုက်လျောညီထွေသည့် အရောင်အသွေးရှိပါ့မလား။ သေချာတာတော့ ကားကြီးကို နိုင်ငံခြားသယ်ပြီး တပ်ဆင်ဖို့ မဖြစ်နိုင်။ မြန်မာပြည်တွင် တပ်ဆင်သည်က အကောင်းဆုံးဖြစ်သည်။

လိုက်ပါစီးနှင်းမည့်သူတွေကရော စိတ်ဆန္ဒပြင်းပြမှု ရှိရဲ့လား မသိ။ မြန်မာပြည်အနှံ ကားလေးကို ရောက်စေချင်သည်။ ကားလေး မောင်းနေရင်း ရယ်မောသံတွေ ကြားချင်သည်။ အမြဲတမ်းမဟုတ်တောင် ခဏတဖြုတ်ဖြစ်ဖြစ် သွားကြည့်ချင်သည်။ ခရီးစဉ်တလျှောက် ညီအကို မောင်နှမတွေ တလှည့်ဆီ မောင်းကြမည်။ အဖေကြီးကိုတော့ အနားပေးထားမည်။ လမ်းဘေးတလျှောက် ဖရဲခင်းတွေ စပျစ်သီးခင်းတွေ နာနတ်သီးခင်းတွေမှာ ဈေးဝယ်မည်။ အရိပ်ကောင်းသည့် အပင်အောက်တွင် စားသောက်ကြမည်။ ငယ်ငယ်တုန်းကလို လိုက်ထိန်းပြီး အဆူခံထိမည်တော့ မထင်။ ပင်လယ်ကြီးတွေဆီသွားမည်။ တောင်တန်းတွေဆီသွားမည်။ လွင်ပြင်တွေဆီသွားမည်။ ဖြစ်နိုင်လျှင် မိုးကုတ်စက်ဝိုင်းတွေ အထိပင်သွားလိုက်ချင်သည်။

မေမေ့ပါးပြင်

2010-05-09T00:52:00.005+08:00

ဟိုယခင် ငယ်စဉ်က ပြည့်ဖြိုးခဲ့ မေမေ့ပါးပြင်

မိသားစုအတွက်ပေးဆပ် ယခုအခါ
အမေ့ပါးထက်မှာ အသားမကပ်တော့ဘူး။
သူမပါးပြင်မှာ အသားမရှိတော့ပေမယ့်
သားတွေအတွက်ဆိုရင် အားပင်ရှိနေသေးတယ်။

သားတို့အလှည့်ရောက်တော့
ဝမ်းမဝရုံအပြင် ခါးလှအောင်လည်း မဆင်နိုင်ဘူး
ဒီလူအ, ရင်မှာလေ ဆို့နင့်လို့ ရူး.............

ရေတမာ
1;32AM
09/05 SUN

MY ISLAND HOME

2010-04-22T16:11:00.002+08:00

PANDORA BOX ပွင့်သွားပြီးတဲ့နောက်ပိုင်း မကောင်းတဲ့ လောဘ၊ ဒေါသ၊ မောဟစိတ်တွေ လူတွေဆီရောက်ကုန်ကြတယ်။ သေတ္တာလေးထဲမှာ “မျှော်လင့်ခြင်း”ဆိုတဲ့အရာ တခုပဲကျန်ခဲ့တယ်။ ဒါကြောင့် လူတွေက “မျှော်လင့်ခြင်းနဲ့ အသက်ရှင်နေကြတယ်” ဆိုပြီး ပြောဆိုနေကြတယ်။ နားလည်မိသလောက် ချရေးလိုက်တဲ့ ဒီပုံအရ အဲဒီအယူအဆကို သဘောကျမိတယ်။ မျှော်လင့်ခြင်းသက်သက်ပဲဆိုရင် ရူးမိုက်ရာကျနေမှာပါ။ တဖက်မှာလည်း ရည်မှန်းချက်ဆိုတဲ့ အရာနဲ့တွဲပြီး မျှော်လင့်နေမှ အသက်ရှင်နေရတာ အဓိပ္ပါယ်ရှိမယ် မဟုတ်လား။ အဲဒီရည်မှန်းချက်တွေ ပြည့်မြောက်အောင်လည်း ဇွဲ၊လုံလ၊ဝီရိယတွေနဲ့ အခါမလပ် ဖြည့်တင်းနေမှ ပြည့်ဝမယ်ဆိုတာလည်း အားလုံးသိပြီးသားပါ။

အပြင်လောကမှာ ဝါသနာတူ စရိုက်တူ သူငယ်ချင်းမိတ်ဆွေနဲ့ တွေ့ဆုံကြတဲ့အခါ သံယောဇဉ်ဆိုတာတွေ ဖြစ်လာရတယ်။ အဲဒီထဲကမှ မိတ်ဆွေကောင်း ဆိုတာတွေနဲ့ ကုသိုလ်ကံကောင်းမှ တွေ့ဆုံကြရတယ်။ “မိတ်ဆွေကောင်းရှိခြင်းဟာ အလုံးစုံပြီးပြည့်စုံစေတယ်”ဆိုပြီး ရှင်တော်ဘုရား ဟောကြားခဲ့တယ်။ ကိုယ့်ဘေးနားမှာ ရှိတဲ့ မိတ်ဆွေကောင်းတွေကို တန်ဖိုးထားပြီး ကိုယ်တိုင်လည်း မိတ်ဆွေကောင်းဖြစ်အောင် ပြုမှုသင့်တယ်။ ကိုယ်ကူညီဖူးတာတွေ ဖယ်ထားပြီး သူကူညီပေးဖူးတာတွေကို အမြဲတမ်းအောက်မေ့ သတိရနေရမယ်။

မိသားစုနဲ့ဝေးနေတဲ့ ဘဝတွေက မခက်ခဲပေမယ့် သိပ်ပြီးတော့ မလွယ်ကူဘူး။ အပြင်လောကမှာ ကိုယ့်သွေးသားရင်းလောက် ကိုယ့်အပေါ် ကောင်းမယ့်သူဆိုတာ အခုဆိုရင်ခပ်ရှားရှားပါ။ အရာရာတိုင်းမှာ ခြွင်းချက်တွေ ရှိပါတယ်။ ခြွင်းချက်တွေတော့ မပါဘူးလေ။ မိသားစုတွေနဲ့ ဖွဲ့စည်းထားတဲ့ အိမ်ဟာ လောကမှာ အနွေးထွေး အလုံခြုံဆုံးဖြစ်နေတတ်တာမျိူး။ လူဆိုတာ တယောက်တည်း နေတတ်တဲ့ သတ္တဝါ မဟုတ်တော့ ဘယ်နေရာပဲရောက်နေနေ အိမ်ဆိုတဲ့ အရာကို ဖန်တီးယူကြရတယ်။ တချို့လည်း ဆူဆူပူပူ၊ တချို့လည်း ငြူငြူဆူဆူ။ တကယ့်အေးချမ်းတဲ့ အိမ်ဆိုတာ နားလည်မှုနဲ့ ဖန်တီးယူမှရတတ်တာမျိုးလေ။

မိတ်ဆွေကောင်းတွေ၊ ဥာဏ်ပညာကြီးမားသူတွေ၊ ကြင်နာတတ်တဲ့ နှလုံးသားရှိသူတွေ ရှိနေတဲ့ အိမ်ကလေး ဖြစ်နေစေချင်တာ ပန်ဒိုရာ ဘောက်စ်ထဲက မျှော်လင့်ခြင်းလိုပါပဲ။ မိတ်ဆွေ သေတ္တာလေးကို မဖွင့်လိုက်ပါနဲ့နော်။

This is my home
She's everything to me
Grace and beauty
In all that you see

My island home
Wherever I may be
I never will forget her
Nor will she forget me

Chorus ^
And I will sing
A song of home
A land of peace
Where dreams are born everyday
My home
Wherever I may be
I believe
You will always be a part of me ^

My island home
Home of my family
This is my future
Where I want to be
(This is my future
This is my home)

Repeat Chorus x 2

My home
Wherever I may be
I believe
You will always be a part of me
A part of me

ကြေငြာ

2010-04-15T16:29:00.007+08:00

နှစ်သစ်မှာ ဆုတောင်းပေးကြသော ၊ ရေခဲရေနဲ့လာလောင်းကြသော အိုးမဲ လာသုတ်ကြသော ဦးဦးဒေါ်ဒေါ်ကိုကိုမမညီညီမ များလည်း ကျန်းမာရွှင်လန်းပါစေကြောင်း ဆုမွန်ကောင်းတောင်းပေးပါတယ်။

နှစ်သစ်ကူးအချိန်အခါ သမယမှာ မြန်မာလူမျိုးတို့ရဲ့ ဓလေ့ထုံးတမ်း အစဉ်အလာအတိုင်း ကုသိုလ်ကောင်းမှုများ လုပ်ဖို့ရန် ကျနော်များ ဘလော့ကို နှစ်ဆန်း ၁ ရက်တိုင် နှစ်ဆန်း ၅ ရက်နေ့အထိ ပိတ်မှာ ဖြစ်တဲ့အကြောင်း အသိပေးအပ်ပါတယ်။

နှစ်သစ်မှာ ကျန်းမာပျော်ရွှင်ကြပါစေ

အလည်လာရောက်သူအပေါင်း စတုဒိသာ မုန့်လုံးရေပေါ်များ သုံးဆောင်သွားကြပါ့ဦး

We Are The World

2010-02-23T09:58:00.006+08:00

တနေ့က တီဗီ အစီအစဉ်တွေ ကြည့်ရင်း Commercial Break မှာ ဒီ သီချင်းလေး ဖွင့်ပေးတယ်။ သီချင်းလေးပဲ နားဆင်ချင်ရင်ဖြစ်ဖြစ်၊ ကမ္ဘာကျော် အဆိုတော်တွေ ကြည့်ချင်ရင် အောက်က Play ခလုတ်သာ နှိပ်လိုက်ပါ။ သီချင်းလေး နားထောင်ပြီး အဖြစ်ဆိုးကို စာနာမိလို့ လှူချင်ရင် http://www.world25.org/ မှာလှူလို့ရတယ်နော်။

သီချင်းနားထောင်ပြီး အသစ်တွေ အဟောင်းဖြစ်ကုန်ပြီထင်ပါတယ်။ ဆိုလိုတာက ဗာရှင်းသစ်ပေမယ့် ခံစားရတာတော့ အဟောင်းအတိုင်းပါပဲ။ သူတို့အတွက် ကျနော်ဘာကူညီပေးနိုင်မလဲ။ တတ်နိုင်သလောက် အလှူငွေထည့်မယ်။ လှုံဆော်ပေးမယ်။ ဒီခံစားမှုတွေ မဆုံးခင်မှာပဲ ခံစားမှုအသစ်တခုဖြစ်မိတယ်။ လူတွေသိနေတဲ့ ဟေတီကလူတွေထက် လူတွေမသိတဲ့ ပြည်တွင်းက ရောဂါသည်တွေ အတွက်လည်း စိတ်မလှုံသလိုဖြစ်မိတယ်။ အနိဋ္ဌာရုံတွေ ကျနော် ဖော်ပြမနေချင်တော့ပါဘူး။ အခုတလောလည်း ဖော့ဝပ် မေးလ်တွေထဲမှာ ဖတ်ကြရမှာပါ။ http://www.leprosyhelp.org/ ဒီအဖွဲ့အစည်းပါပဲ။ စာနာမှုနဲ့ဖေးကူကြဖို့ တိုက်တွန်းလိုက်ပါတယ်။ လှူဒါန်းနိုင်မယ့် လိပ်စာတွေကတော့

ဦးဇော်လွင်ဝင်း၊
အယ်ဒီတာချူပ် (Mutdfan.com)
Rm- 403, Excel Tower,
ဗဟန်းမြို့နယ်၊ ရန်ကုန်မြို့။
ဖုန်း 01 558489

ပြည်တွင်းမှ လှူဒါန်းလိုသူများအတွက် မြန်မာနိုင်ငံရှိ ကမ္ဘောဇဘဏ်တွင် Saving Account ဖွင့်လှစ်ပေးထားပြီး ဖြစ်ပါသည်။ကမ္ဘောဇဘဏ် သို့ သွားပြီး

Saving Account
Account No. 0071210157107 (ရွှေဂုံတိုင်ကမ္ဘောဇဘဏ်)
Account Name. U ZAW LWIN WIN

သို့ ငွေလွဲထည့်ပေးပါဟု ပြောပြပြီး ကမ္ဘောဇဘဏ် ရှိရာ မည်သည့်မြို့မှ ဖြစ်စေ လှူဒါန်းနိုင်ပါသည်။
ဂျပန်နိုင်ငံမှ ကိုယ်စားလှယ်

မ၀တ်ရည်တင်ဦး (Ma Wuityi Tin Oo)
Bank Acoount - 768-1110393-0 1
Mizuho IC Cash Card
みずほICキャッシュカードカード
ph
တောင်ကိုရီးယား နိုင်ငံမှ အလှူငွေလက်ခံပေးမည့် ကိုယ်စားလှယ်။

ထူးကိုကို (ကိုဂျာရက်)
ဘဏ်အကောင့် - ၁၀၀၂-၀၃၇-၈၃၇၀၃၂
Woori Bank
ဖုန်းနံပါတ် ..010 -3434-6184
လိပ်စာ-
1360-8 , Jung Wang -Dong,
Siheung-City , Kyungki-Do , Korea
( 2 Ra - 509, Sihwa Industrial Complex )

စင်္ကာပူ နိုင်ငံမှ အလှူငွေလက်ခံပေးမည့် ကိုယ်စားလှယ်များ

ကိုသန့်ဇင်ဝင်း
အယ်ဒီတာ (Mutdfan.com)
(potatothant@gmail.com)
ဖုန်း - ၉၀၉၄၀၂၈၁...၆၂၂၁၉၇၈၉(အိမ်ဖုန်း)
POSB Bank Account No. 402- 11900-4
win htut aung (Bank Account Holder Name )၉၀၉၄၀၂၈၁ (သို့)၆၂၂၁၉၇၈၉(အိမ်ဖုန်း)

စင်္ကာပူ နိုင်ငံမှ အလှူငွေလက်ခံပေးမည့် ကိုယ်စားလှယ်များ

ကိုဘိုမြင့်ထွေး (bomyinthtwe@gmail)
City Bank Account No. 059-877801-9
ph - +6590855717

ကိုအောင်သူရိန်ထွန်း (atrt.ndw@gmail)
+6590574689

မခင်မျိုးဝင်း (tsuyuko.mm@gmail)
POSB Bank Account No. 068-90572-9
ph +6581546163

မလေးရှား နိုင်ငံမှ အလှူငွေလက်ခံပေးမည့် ကိုယ်စားလှယ်။

ဥုးစရိယ
( ရတနာရာမကျောင်း )
N0, 30 SS2/72 Petaling Jaya,47300, Malaysia.
Ph- 0166264642
Tel/fax 03-77271193
PUBLIC BANK ACCOUNT-4898556105

ရုရှား နိုင်ငံမှ အလှူငွေလက်ခံပေးမည့် ကိုယ်စားလှယ်များ

ကိုသန့်စင် (MSU)
အယ်ဒီတာ (Mutdfan.com)
kothant.ndw@gmail
+79268464225

ကိုသက်ထွန်းဦး (MPEI)
အယ်ဒီတာ (Mutdfan.com)
+79037894871
mincansi@gmail.com

ကိုအောင်ဇော်လတ် (MIIT)
အယ်ဒီတာ (Mutdfan.com)
saisyant@gmail.com

We are not asking for your MONEY. We are asking for your HEART. (Jet Li)

နက္ခတ်လွဲသောကြိမ်စာ

2010-02-21T15:03:00.008+08:00

အခန်း(၁)

သူခိုးဗျို့ သူခိုး!!!!!!!!!!!!!
စူးဝါးသည့်အော်သံများကြောင့် ရင်ဘတ်မှ တဖျပ်ဖျပ်ခုန်၍ လန့်ဖြန့်သွားသည်။ ခေါင်းထောင်ကြည့်လိုက်ချိန်တွင် လက်နက်ကိုယ်စီနှင့် အဘနှင့် ဦးလေးတို့က အိမ်ပေါက်ဝတွင် စောင့်နေသည်ကိုတွေ့ရသည်။ မယောင်မလည်နှင့် အိမ်တံခါးမှ ချောင်းကြည့်ရာ လမ်းမပေါ်တွင် ၁၄- ၅ ယောက်ထက်မနည်းသော လူအုပ်ကြီး လက်နက်မျိုးစုံဖြင့် ပြေးလွှားနေသည်ကို တွေ့လိုက်ရသည်။ အသံတွေ တိတ်ဆိတ်၍ ပုံမှန်အတိုင်းဖြစ်မှ မြင်ကွင်းမှ အကြည့်ခွာကာ အိပ်ယာသို့ ပြန်ဝင်လာကြသည်။ နာရီပြန် ၂ ချက်တီးနေလေပြီ။

“ဆယ်အိမ်မှူးအိမ် ၀င်ခိုးသွားတာတဲ့”
“ဟိုဖက် ရပ်ကွက်တွေမှာလည်း အခိုးခံရတာခဏခဏ ကြားနေရတယ်”
“တောက် မိလို့ကတော့ကွာ အသေပဲ”
တိုးလိုက်ကျယ်လိုက်ဖြင့် နားထဲသို့တိုးဝင်လာသော အသံများက အိပ်မက်ယောင်ယောင်။ သိစိတ်က ဦးနှောက်သို့ တိုးဝင်လာသောအခါ ခေါင်းရင်းဖက်မှ လာသော အသံဖြစ်မှန်းသိလိုက်သည်။ မနက်မလင်းသေး မနေ့ညက အကြောင်းအရင်းနှင့် စပ်လျဉ်း၍ ယခုတလော သူခိုးအတော် ပူကြောင်းလူကြီးများ ပြောဆိုနေကြသည်။ သူလည်း မနေ့ညကအကြောင်း ပြန်စဉ်းစားလိုက်တိုင်း ရင်တုန် မပြယ်ချင်။ အိပ်မက်ကောင်းနေစဉ် လန့်နိုးသွားခြင်းဖြင့်၍ ယခုမှ စိတ်ဆိုးချင်သလိုလို ဖြစ်လာ၏။ ဘေးနားက ညီအကိုတွေကဖြင့် အိပ်နေကြသည်မှာ သိုးနေသည်။ အိပ်ရာမှ မထသေးပဲ ခြင်ထောင်အမိုးကို ကြည့်၍ တောင်တွေးမြောက်တွေး တွေးတောနေမိ၏။ ဘယ်နှစ်နာရီထိုးပြီလည်းဟု ကြည့်ရန်ထလိုက်စဉ် အမေ့အသံစူးစူးကို ကြားလိုက်ရသည်။
"ဟဲ့ ခလေးတွေ အိပ်ရာမထကြသေးဘူးလား ကျောင်းနောက်ကျမယ်"
"ထပြီ အမေ" ဟုပြောရင်း ခြုံစောင်ကိုသပ်သပ်ရပ်ရပ် ဖြစ်သလို ခေါက်ကာ ခေါင်းအုံးပေါ် တင်လိုက်သည်။ ခြင်ထောင်ကြိုးများ ဖြုတ်၍ အိပ်နေသော အကို့ပေါ်သို့ လုံးထွေးပစ်တင်ခဲ့လိုက်သည်။ မျက်နှာသစ်နေစဉ် ထောပနာပြုသံ သဲ့သဲ့ကြားလိုက်ရသည်။

အခန်း(၂)

သူတို့အိမ်ချင်းကပ် အိမ်နီးနားချင်း ဒေါ်ပြားသည် သားသမီးမရှိသည့် အလွန် ပစိပစပ်များသော၊ လောဘကြီးသော မုဆိုးမအဘွားအို တဦးဖြစ်သည်။ ၀င်းထရံခပ်ကြစဉ် သူတို့နှင့် စကားတခါများဖူးသည်။ ညီအကိုတတွေ အိမ်အပေါ်ထပ်၌ ဆော့နေကြရာ အကိုတယောက် အဘွားကြီးဝင်းထဲ ပြုတ်ကျစဉ် ခွေး ဟုဆိုကာ လိုက်ရိုက်ကတည်းက ပို၍ မျက်မုန်းကျိုးနေကြသည်။ သို့သော် အမှတ် မထား။ အမယ်ကြီးခြံထဲက မာလကာသီးများ ခိုး၍ ခူးကြသည်။ မိသည်အခါ မိ၊ မမိသည့်အခါမမိ။ မိလျှင် အိမ်လာတိုင်သည်။ အမေတို့နှင့်တွေ့လျှင် ကိစ္စမရှိသော်လည်း အဘနှင့်တိုင်မိလျှင် အရိုက်ခံရတတ်၏။

သူမသည် အိမ်စုတ်ကလေးနှင့် နေသော်လည်း ပိုက်ဆံအသင့်အတင့်ရှိသည်။ ကျယ်ဝန်းသည့် ခြံကြီးအားပိုင်း၍ ရောင်းထားသဖြင့် ယခုလို သူခိုးပူသော ရာသီတွင် သူမလည်း ကြောက်အားပိုခဲ့သည်။ ဒေါ်ပြား၏ ခြံတ၀က်ကို ဦးစောမောင်က ၀ယ်ထားခြင်းဖြစ်သည်။ သူတို့၏ သားသမီးများဖြစ်သည့် အထွန်းတို့နှင့် အလိုလျောက် ကစားဖော်များ ဖြစ်လာသည်။ အထွန်းတို့အိမ်နှင့် သူတို့အိမ်ကြားရှိ ဒေါ်ပြား၏ ခြံမှာ ကျွဲနှစ်ကောင်ကြားမှ မြေဇာပင်ဖြစ်မှန်းမသိဖြစ်နေလေ၏။

အခန်း(၃)

ညနေပိုင်း သူတို့ညီအကိုတတွေ မကစားဖြစ်ကြ။ ကျောင်းမှ ပြန်လာကတည်းက လွယ်အိတ်များ ကုတင်ပေါ်ပစ်တင်ပြီး ထမင်းခပ်မြန်မြန်စားကာ စုရပ်ဖြစ်သော မယ်ဇလီပင်ကြီးအောက်သို့ တိတ်တဆိတ် စုဝေး၍ သူခိုးဖမ်းရန် တိုင်ပင်ကြသည်။ ယခုကဲ့သို့ အကြံအစည်များ ပေါ်ပေါက်လာရန် အားပေးအားမြှောက် လုပ်ဆောင်နေသည်မှာ အခကြေးငွေဖြင့် ပြသသော နိုင်ငံခြား အက်ရှင် ဇာတ်လမ်းများပင် ဖြစ်သည်။ ယခင်ကဆိုလျှင် ရောမအင်ပါယာကြီးလို၊ မာဖီးယားဂိုဏ်းကြီးလို၊ FBI၊ CIDကဲ့သို့ အဖွဲ့အစည်းများဖွဲ့ကာ အပျော်တမ်းကစားကြသည်။ တကယ့်ပြင်ပလောကတွင် ပေါ်ပေါက်နေသော ပြဿနာရပ်ကို သူတို့အစွမ်းအစဖြင့် ဖြေရှင်းရန်၊ သူတို့တွေလည်း အားကိုးရကြောင်း လူကြီးများ သိစေချင်ကြသည်။ သူသည် အစည်းအဝေးကို စိတ်မ၀င်စား။ မယ်ဇလီပင်ကြီးပေါ်တွင် ထိုးထားသော လင့်စင်ပေါ်မှ အစည်းအဝေးပြီးလျှင် စားသောက်ရန် လူကြီးများ မသိအောင်ယူလာသော အထွန်းတို့အိမ်က ဖားခြေထောက်ကြွပ်ကြွပ်ကြော်များ။ အကြော်နိုင်းချင်း လက်ဖက်သုပ် နှင့် ရေနွေးကြမ်း စသည့် အစားအသောက်များသာ ဘယ်အချိန်စားရမလဲ စောင့်နေ၏။

အစည်းအဝေးရလာဒ်မှာ အထွန်းတို့က သူတို့အိမ်ဖက်က ကင်းစောင့်၊ သူတို့က အိမ်အပေါ်ထပ်က ညမအိပ်ဘဲ ကင်းစောင့်ကြမည်။ လူချင်းမမျှ၍ လက်ရဖမ်းဆီးဖို့ စိတ်ကူးမရှိသေး။ ကာကွယ်ရေးကို ပိုပြီး ဦးစားပေးကြသည်။ လက်စွဲတော် ကျွဲကော်လောက်လေးခွများသည် မီးရောင်အောက်တွင် ပို၍တောက်ပနေသည်။ အနီးကပ်တိုက်ခိုက်ရန် ရုပ်ရှင်တွေထဲကလို ဘေ့စ်ဘောတုတ်တံများကားမရှိ။ တသက်နှင့်တကိုယ် ရုပ်ရှင်တွေထဲမှာပင် မြင်ဖူးသည်။ ထို့ကြောင့် သူတို့ ပတ်ဝန်းကျင်နှင့် အလွမ်းသင့်သည့် နှစ်တစ်တုတ်များ အသုံးပြုရန် ရွေးချယ်ထားသည်။ သူ့တာဝန်မှာ လောက်စာလုံးအတွက် ကျောင်းနောက်ဖက် ရေအိုင်မှ ရွှံ့စေးများကို ကျောင်းကအပြန် ယူလာရန်ဖြစ်သည်။ အစည်းအ၀း ပြီးဆုံးကြောင်းပင် မကြေငြာရသေး သူဖားပေါင်တချောင်းသာ ရရှိခဲ့သည်။

အခန်း(၄)

ကျောင်းဆင်းအချက်ပေး ခေါင်းလောင်းသံ ကြားမိလျှင် စာအုပ်တွေကို အကိုနှင့်ထည့်ပေးလိုက်ပြီး ကျောင်းနောက်ဖက် ရေအိုင်သို့ သွားရောက်ကာ ရွှံ့စေးများ သွားသယ်ရသည်။ လွယ်အိတ်တလုံးစာရမှ ပြန်လာခဲ့သည်။ ညကျလျှင် လောက်စာလုံး ထိုင်လုံးကြမည်။ ခွဲတမ်းကျဝေပြီး ကိုယ့်ဘာသာ အခြောက်ခံရမည်။ ရိုက်နှက်စရာတုတ်များလည်း ခွဲတမ်းချကြမည်။ အကိုကလည်း အရင်က အမေအသိမ်းခံထိထားသော ဓါးမြှောင်လေး ပြန်ယူလာပြီး ဟန်ရေးတပြပြဖြစ်နေသည်။ အိမ်အသီးသီးမှ ထမင်းစားပင့်သံကြားမှ သူတို့တွေ လမ်းခွဲခဲ့ကြသည်။ အိမ်ရောက်လျှင်ရောက်ချင်း အဖွားထမင်းခြောက်လှမ်းသော စကောကို ယူကာ လောက်စာလုံးများ ညီညီညာညာထည့်ရင်း အိမ်နောက်ဖေးခေါင်မိုးပေါ်တင်ကာ အခြောက်ခံထားခဲ့သည်။

အခန်း(၅)

“အငယ်လေး အဖွား စကောယူဆော့သေးလား” ကျောင်းမှ ပြန်လာချင်း အဖွားထံမှ မေးသံကြားလိုက်ရသည်။
“မဆော့ဘူးအဖွား၊ မနေ့ကတောင် တွေ့သေးတယ်၊ သားရှာပေးမယ်” လွယ်အိတ်ကိုမှောက်ကာ စာအုပ်များကို ကုတင်ပေါ်သွန်ပြစ်ရင်း နောက်ဖေးသို့ အပြေးတပိုင်းသွားကာ လောက်စာလုံးများကို လွယ်အိတ်ထဲ ထည့်လိုက်သည်။
“အဖွားရေတွေ့ပြီ၊ ချောင်ထဲမှာ ကျနေတာ အဖွားရဲ့”
“အေးကွယ် အဖွားက မျက်စိမကောင်းတော့ သိပ်မမြင်ဘူး” ဟုမယုံချင်ယုံချင်ဖြင့် စကောပြန်ယူသွားသည်။ သူ့မြေးအကြောင်းတော့ သူကောင်းကောင်းသိပါသည်။

လောက်စာလုံးများကို လုံလုံခြုံခြုံသိမ်းဆည်းကာ ရေချိုးဖို့ရေကန်သို့ အမြန်ပြေးရသည်။ နောက်ကျသွားလျှင် တုံကင်ငင်နေရမည်။ ရေကန်အရောက် အဒေါ်နှင့်တိုးလေသည်။ ကြေးတွန်းခဲနှင့် နေရာလပ်မကျန် တိုက်ချွတ်ပေးတတ်သည့် အဒေါ်ကိုတော့ ကြောက်ရသည်။ ရေချိုးပြီး ထမင်းစားကာ အိမ်စာအမြန်လုပ်၍ စာကျက်ချင်ယောင်ဆောင်ကြသည်။ ညအတွက်လည်း ကြိုပြီး ရင်ခုန်နေကြသည်။ အိပ်ချိန်ကျ၍ စာအုပ်ပိတ်၊ သွားတိုက်၊ ခြေထောက်ဆေး လက်ဆေး နောက်ဖေးသွားအပြီး ခြင်ထောင် ထောင်ကြသည်။

အိပ်ရာထဲမှနေ၍ လူကြီးများ အခြေအနေကို နားစွင့်နေကြရသည်။ အိမ်တံခါးမကြီးမှသောခတ်သံ ကြားပြီးမကြာမီ အသံများမှာ တိတ်ဆိတ်နေသည်။ နာရီသံတချက်ချက်နှင့် တခါတရံမှ ပေါ်လာတတ်သော ချောင်းဆိုးသံ၊ ဟောက်သံများသာ ကြားရတတ်သည်။ အကိုများကို လက်ကုတ်ပြီး လက်နက်ကိုယ်စီယူကာ သတ်မှတ်ထားသော နေရာသို့သွားလိုက်ကြသည်။ သူနှင့်အကိုက အိမ်အရှေ့ဖက် မျက်နှာစာ ကျန်အကိုက အိမ်အနောက်ဖက်မျက်နှာစာတွင် နေရာယူထားသည်။ အိမ်အပေါ်ထပ်မှ နေ၍ အထွန်းတို့အ်ိမ်ဖက်နှင့် လမ်းဖက်ကို လရောင်အောက်တွင် ကောင်းကောင်းမြင်ရသည်။ ချိုးကူသံတချက်ပေးလိုက်ရာ အထွန်းတို့အိမ်ဖက်မှ ချိုးကူသံတဖက်ပြန်ပေါ်လာပြန်သည်။ သူတို့လည်း ကင်းစောင့်နေကြောင်း သိရ၍ အားတက်သွားသည်။

လမ်းဖက်ရှိ ကုက္ကိုကိုင်းများကလည်း လေအဝှေ့တွင် မကောင်းဆိုးဝါးတကောင် လက်ယပ်ခေါ်နေသည်နှင့်ပင် တူနေသေးသည်။ ထရံကြားမှာ တိုးဝင်လာသော လေအေးများနှင့်အတူ ကျောထဲတွင် စိမ့်တက်သွားသည်။ အကို့လက်မောင်းကိုင်လိုက်စဉ် တချက်တွန့်သွားသည်။ သူလည်း ကြက်သီးထနေကြောင်းသိလိုက်ရသည်။ ညည့်က တဖြည်းဖြည်းနက်လာသည်။ ကောင်းကင်ယံတွင် ခုနှစ်စဉ်ကြယ်ပင် အမြီးထောင်နေပြီ။

တစ်နာရီနီးပါး စောင့်နေသော်လည်း အခြေအနေမှာ ထူးခြားမှုမရှိလှချေ။ ထိုစဉ် တရွီးရွီးနှင့် လေတိုက်သံများ ပြင်းထန်လာသည်။ အပင်များမှာ ကခုန်နေသည့်နှယ် ယိမ်းယိုင်နေကြသည်။ ဒေါ်ပြားခြံထဲရှိ မာလကာပင်ပေါ်သို့ မည်းမည်းသဏ္ဍာန်အရိပ်တစ်ခု လွင့်မျောသွားသည်။ ထိုမှတဖန် မြေပြင်ပေါ်သို့ ဆင်းသက်လာပြန်သည်။ ကြောက်စိတ်များ တဖွားဖွားပေါ်လာသည်။ ဒေါ်ပြား အိမ်ဘေးမှ နောက်ထပ်အရိပ်မည်းတခု မြင်လျှင်မြင်ခြင်း တိုင်ပင်ထားသည့်အလား ထိုနေရာသို့ လောက်စာလုံးများ စုပြုံကျရောက်သွားလေတော့သည်။ ထိုစဉ် သူ၏ပုခုံးပေါ်သို့ လက်အေး တစုံကျရောက်လာမှန်း ခံစားသိရှိရသောအခါ "အား"ဆိုသော အသံမှာ ဆဲဆိုနေသော ဒေါ်ပြားအသံကို ဖုံးလွှမ်းရင်း သူမေ့မျောသွားလေတော့သည်။

အခန်း(၆)

ပရုပ်ဆီအနံ့ စူးစူးက သြကာသ လောကကြီးကို ကြိုဆိုနေ၏။ အိပ်ရေးပျက်သဖြင့် ခေါင်းက ငြီးစိစိ။ ပထမဆုံး အမြင်အာရုံမှာ လာထင်သည်က ယပ်တောင်တဖျပ်ဖျပ်နှင့် မွေးသမိခင်။ အားလူးသီးများနှင့် ဒေါ်ပြား။ ဒေါ်ပြားကို ကန်တော့နေသော အကိုနှစ်ယောက်။ အဖြစ်မှန်မှာ ညက လေပြင်းတိုက်၍ အဝတ်ရုတ်ရန်သွားသော ဒေါ်ပြားကို ညီအကိုတတွေမှ ကြောက်ကြောက်ဖြင့် သူခိုးမှတ်၍ လက်တည့်စမ်းလိုက်ကြခြင်း ဖြစ်သည်။ သူတို့နောက်ရောက်နေသော အမေက လှမ်းကိုင်လိုက်သဖြင့် သူရဲကောင်းကြီး “အား” ခနဲအော်ကာ မေ့မျောသွား၏။ ဒေါ်ပြားပြန်သွားလျှင် အကြီးကောင် နှစ်ကောင် ကျောကော့ပေတော့မည်။ အမေ့ကို သူစိတ်ထဲမှ ကြိတ်၍ ကျေးဇူးတင်နေမိသည်။ ယခုလိုမေ့လဲမသွားလျှင် အကိုနှစ်ယောက်လို ကြိမ်လုံးစာမိမှာ မလွဲ။ အဆူခံရရုံနှင့် ဆေးဖိုးလျှော်လိုက်ရသဖြင့် မုန့်ဖိုး အဖြတ်ခံရ သည်မှလွဲ၍ သွေဖယ်သွားသော ကြိမ်စာအား နောက်ထပ်တစ်ခါ အကဲစမ်းရန် တေးမှတ်ထားလိုက်သည်။

ပြီးပါပြီ။

ခင်တဲ့

ရေတမာ

33း7 pm SUN

21-02-10

မှတ်ချက်။ ။ပထမဆုံးရေးမိတဲ့ ဝတ္တုကို ဆုံးအောင် ဖတ်ပေးတဲ့အတွက် ကျေးဇူးတင်ပါတယ်။ ဝေဖန်မှုများကို ကြိုဆိုပါတယ် ခင်ဗျာ။

Alarm မြည်သံ

2010-02-13T11:00:00.002+08:00

ဒီကနေ့ ငါ့ဖုန်းကအော်တယ်
"နောင်ဘဝ ဒါမျိုးမဖြစ်ပါစေနဲ့တဲ့"
ကြည့်လိုက်တော့ ၁၃
ဖြစ်တုန်းကတော့ ဖြစ်ပြီးပေါ့။

Martin Luther King ကိုအားကျတယ်။
Ho Chi Minh ကိုအားကျတယ်။
Elizabeth II ကို အားကျတယ်။
Queen Victoria ကို အားကျတယ်။

ချစ်ခင်သူတွေအတွက် ထားတဲ့ဒီ Alarm
တခါတခါ မြည်တာ ကြမ်းလွန်းတယ်။
တိုးတိုးလေး မမြည်ဘဲနဲ့တောင် သိတယ်
ဒို့သားစဉ်မြေးဆက် ထိအောင်လေ။

ရေတမာ
10း57 am SAT
13-02-10

သူတို့တွေ့က ဒီလို ဂုဏ်ပြုကြတယ်
မမေဓါဝီ ရဲ့ ရှင်သန်နေဆဲ ကိုးဆယ့်ငါး
အမ မိုးချိုသင်းရဲ့ မြက်ရိုင်းထဲက ကြေးရုပ်
ဦးရှင်ကြီး
knowledge
မိုးလှိုင်ညရဲ့ အမြဲတမ်းဗိုလ်ချုပ်
မကိရဲ့ တို့ဗိုလ်ချုပ်
မငယ်နိုင်ရဲ့ ဗိုလ်ချုပ်အောင်ဆန်း ချစ်ပါလျှင်
ကိုတောင်ပေါ်ရဲ့ သမိုင်း

တယောက်တည်း မဟုတ်တဲ့အခါ

2010-02-12T08:58:00.008+08:00

"အိုးးးးးး" ကောင်းကင်မှာ ပိုးစုန်းကြူးလေးတွေ။ လင်းတလှည့် မှိတ်တလှည့်။ လိုက်ရေတွက် ကြည့်စမ်း တစ်ကောင် နှစ်ကောင် သုံးကောင်း ဟားး အများကြီးပဲ။ ပျော်ရွင်မှုတွေ ဘယ်က ရောက်လာပါလိမ်?။ တစ်ယောက်ယောက် ငါ့ကိုကြည့်နေပါတယ်။ ရေအိုင်နောက်က ပန်းပွင့်လေးတွေက သူ့ကိုတွေ့သွားလို့ ရှက်ပြီး မြက်ပင်လေးနောက် ပုန်းသွားတယ်။ အားငယ်တတ်တဲ့သူတစ်ယောက် သိမ်ငယ်မှုမျိုးနဲ့ ရှက်သွားတာဗျ။ သူနေရတာက လမ်းဘေးလေးမှာလေ။ လူသွားလမ်းလေးဘေးမှာ။

"မင်္ဂလာညချမ်းပါ ပန်းလေးရေ"

ပန်းပွင့်လေးကို နှုတ်ဆက်နေရင်း အပြုံးတွေ အံ့အားသင့်လောက်အောင် ခမ်းနားတဲ့ တောင်ကြားကလေးထဲ ရောက်သွားတယ်။ ရန်သူတွေများ ထွက်လာမလား စိုးရိမ်မိသေးရဲ့။ သေချာတာတခုကတော့ သူလေထဲမှာ လမ်းလျှောက်နေမိတယ် ထင်တယ်။ တောင်ကြားလေးကအထွက် "ဟေးးးး" ဆိုတဲ့အော်သံကြားလို့ လိုက်ရှာကြည့်မိတော့ သူနဲ့ ရင်းနှီးတဲ့ မြက်ခင်းလေးက အော်ခေါ်နေတာကိုး။
"နောက်ဆုံးတော့ ငါမင်းဆီကို ရောက်လာပြီနော်"လို့ ပြောလိုက်တော့ ကိုမြက်ခင်းက ခေါင်းတငြိမ့်ငြိမ့်နဲ့ ဟက်ဟက်ပက်ပက်ရီတော့တာပဲ။
"မျှော်နေတာကြာပေါ့"တဲ့။
"နင်းသွားဟေ့ရောင် ပြေးပြီးတော့ နင်းသွားလိုက်စမ်း ရှေ့မှာ မင်းအတွက် ပျော်ရွင်ခြင်းတွေ ရှိတယ်"

လေပြေပေါက်စလေးတွေကလည်း ပြေးတမ်းလိုက်တမ်း ကစားသူတွေလို ကျောနောက်မှာ လာပုန်းနေတယ်။
"နေပါ့ဦးကွယ် ငါလမ်းလျှောက်ပါရစေဦး"
"အိုးဟိုးဟိုး" ကိုလေပြေက မတွေ့တာကြာတဲ့သူလို သူ့ကို လာဖက်တာ လူကို လဲတော့မလို့ပဲ။
"တော်တော်ဆိုးတဲ့လူဗျာ"

ကိုလေပြေလက်က အသာဖယ်ပြီး ပြေးအထွက် ဝိုးးး များပြားလိုက်တဲ့ လူတွေ။
"ဟေးးးး ကြိုဆိုပါတယ် သူငယ်ချင်းရေ" ဆိုတဲ့ အသံကြားလိုက်လို့ အပေါ်ကို မော့ကြည့်လိုက်တော့ ကိုလေတံခွန်က နှုတ်ဆက်နေတာဗျားးး။
"ပင်ပန်းနေပြီလား" သူပြုံးနေတယ်။
"ငါပျော်ပါတယ်ကွ" လေတံခွန်အဝေးကို ပြေးထွက်ရင်း အော်သွားတယ်။ ပြေးလိုက်တာ အတော်လေး မောသွားတယ်ဗျာ။ ရေဆာလာတာနဲ့ ရေအိုးစင်လိုက်ရှာမိသေးတယ်။ အမိုးလေးတဆောင်အောက် ဝင်လိုက်တယ်ဆိုရင်ပဲ သူ့အပေါ်ကနေ အုပ်မိုးထားတဲ့ အသံတစ်သံရောက်လာတယ်။
"ဘယ်လိုလဲ လွတ်လပ်မှုရဲ့ အခြားတဖက်မှာ လုံခြုံနွေးထွေးမှုဆိုတာ လိုအပ်တယ် မဟုတ်လား"
"ဟုတ်တယ်ဗျ ခုနက လွတ်လပ်မှုနဲ့မတူတဲ့ လုံခြုံနွေးထွေးမှုတွေ ခင်ဗျားဆီက ရလိုက်တယ် ကျေးဇူးပါဗျာ"

"ဟေ့ရောင် ငါ့ကို ရှာနေတာလား" စတီးရောင် အလိုလျောက် ရေပန်းထွက်တဲ့ ရေအိုးစင်လေးက လှမ်းပြောတယ်။
"ဟား ကိုရေအိုးစင် ပုံစံတွေ ပြောင်းလို့ပါလား"
သူ့အတွက်တော့ အရာရာဟာ တွေ့လိုက်ရရင် အံ့အားသင့်စရာတွေပဲ ဖြစ်နေတယ်ဗျာ။
"ရောမ ရောက်တော့လည်း ရောမလို ကျင့်ရတာပေါ့ကွာ၊ ခွက်ပျောက်မှာ မပူရတော့ဘူးပေါ့။ ကြိုးတန်းလန်းနဲ့လည်း ရုပ်မဆိုးတော့ဘူးလေ။" သူ့စကားကိုသူ သဘောကျစွာ ပြုံးပြီးပြောတယ်။
"အရင်ကလိုတော့ အားရအောင် သောက်လို့မရတော့ဘူးဗျာ"
"တန်ဖိုးကတော့ အတူတူပါပဲ"
"စကားနိုင်မလုတော့ပါဘူး"

ရေသောက်ပြီး အစွန်ဆုံးဖက်ဆီ လမ်းလျှောက်လာတော့ တဟေ့ဟေ့နဲ့ စိတ်ပူတဲ့အသံကို ကိုမြက်ခင်းဆီက ကြားနေရတယ်။ တတောက်တောက်ပြေးနေတဲ့ ကလေးလေးကို သူစိတ်မချဖြစ်နေတာ။ နောက်က သူ့အမေကတော့ အပြေးတပိုင်းလိုက်နေရတယ်။ ချစ်သူစုံတွဲတစ်တွဲ လေတံခွန်လွတ်ဖို့ ပြင်ဆင်ရင်း ပျော်မြူးနေကြတယ်။ ဆယ်ကျော်သက်ကလေးတွေ သစ်လွင်တောက်ပတဲ့ အပြုံးတွေနဲ့ တရင်းတနှီး ကစားနေကြတယ်။ ချစ်သူတွေချစ်တင်းနှောလို့။ သူငယ်ချင်းတစု ၀ိုင်းဖွဲ့ပြီး သီချင်းဆို။ လူငယ်လေး သူ့လေတံခွန် အမြင့်ဆုံးရောက်နေလို့ ပိတီဖြစ်နေတယ်။ အရာအားလုံးဟာ လှပနေတယ်ဗျာ။ ပြီးတော့ ငြိမ်းချမ်းနေတယ်။ ဟိုးတဖက်ကမ်းဆီက မြို့ပြရဲ့ မွန်းကျပ်မှုတွေကို သူတို့မေ့နေကြတယ်။

ကိုခုံတန်းက "မောနေပြီလား ဟေ့ရောင် ဒီမှာ လာထိုင်" လို့ဖိတ်မန္တက ပြုတာနဲ့ ဘေးမှာဝင်ထိုင်လိုက်တယ်။ သူကတော့ ဟိုးအဝေးကြီးကို ငေးမောနေလေရဲ့။
"နေကောင်းလားဗျ" သူမဖြေဘူး။
"အေးတယ်ကွ လက်ရှည် အကျီမပါဘူးလား ဝတ်ထားဦး" ဆိုပြီး ပြောတယ်။
"ရပါတယ် ကျနော် သိပ်မအေးပါဘူး" လက်ပိုက်ရင်း ဖြေလိုက်တော့ သူပြုံးသွားတယ်။
"ဟိုမှာ ကြည့်စမ်း မောင်Flyer တို့ကောင်မလေးကို လွမ်းနေတယ်ထင်တယ်၊ ပျင်းတိပျင်းရွဲနဲ့"
"ဟင် သူ့ကောင်မလေးက ဘယ်မှာလဲဗျ"
"LONDON မှာလေ LONDON EYE လေ ဟားဟားဟား"
"ကိုမြစ် အိပ်သွားပြီထင်တယ် ငြိမ်ချက်သားကောင်းတယ်နော်" Flyer အောက်မှာ စီးဆင်းနေတဲ့ မြစ်ကလေးကို မှတ်ချက်ပေးမိတယ်။ ကိုိခုံတန်းက ဘာမှ ပြန်မပြောဘူး။

သူနှင့် ပလက်ဖောင်း ခုံလေး စကားတွေ အများကြီးပြောဖြစ်ကြတယ်။ ခဏလေးအတွင်းမှာ သူနဲ့ကျနော် တသားတည်းဖြစ်သွားတယ်။ ခင်များ နားလည်မလားမသိဘူး။ ထင်မှတ်မထားတဲ့ ဆုံတွေ့မှုလေးဗျာ။ တောင်းတနေတာလေး မျှော်လင့်မထားတဲ့ အချိန်မှာ ရလိုက်တဲ့ ခံစားမှုမျိုးဗျာ။ ခုံလေး ရီနေတာ တသိမ့်သိမ့်ပဲ။ မြို့ပြရဲ့ မွန်းကျပ်မှုတွေအကြောင်း၊ ဖိနပ်ပြတ်တဲ့အကြောင်း၊ အိမ်က ကြောင်လေးအကြောင်း၊ ကုန်ဈေးနှုန်းအကြောင်း အစီအစဉ်မကျ ကျနော်တို့ပြောကြတယ်။ ဒါပေမယ့် ကျနော်မျှော်လင့်ထားတဲ့ အချိန်ကို ရောက်လာပါတယ်။ စိတ်နောက်ကိုယ်မလိုက်နိုင်တဲ့အခါ ကျနော် လာရာလမ်းအတိုင်းလှည့်ပြန်ခဲ့တယ်။ အပြန်လမ်းမှာ အားလုံးတိတ်တိတ်ဆိတ်ဆိတ်ပဲ ကျနော့်ကို နှုတ်ဆက်ကြတယ်။ ပန်းပွင့်လေးဆီရောက်တော့ သူနှစ်နှစ်ချိုက်ချိုက် အိပ်မောကြနေလေရဲ့။

ပန်းပွင့်လေး..... အဖြစ်
တောင်ကြားလေး အဖြစ်......
မြက်ခင်း အဖြစ်..................
လေတံခွန် အဖြစ်......

ခေါင်မိုးလေး အဖြစ် ....

ပလက်ဖောင်း ခုံလေး အဖြစ်......

ခင်တဲ့
ရေတမာ
10း46 aM Fri
12-02-2010

ရေတစ်မှုတ်နှင့်ကျွန်တော်

2010-01-25T16:50:00.001+08:00

များပြားလှသည့် ကုန်စည်များကို တင်ဆောင်လာသော ကုန်ကားကြီးမောင်းလာပုံမှာ အပျင်းထူလှသည့် လိပ်ကြီးနှင့်ပင် တူသေးသည်။ ပူပြင်းသည့် နေအရှိန်၊ စားထားသော ထမင်းဆိပ်နှင့်အတူ သူ့မျက်ခွံများလည်း လေးလံလာသည်။ အငိုက်ပြေစေရန် ကွမ်းတယာ ထပ်ဝါးလိုက်သည်။ ဗမာဆေးနံနှင့်အတူ အိပ်ချင်စိတ်များ လွင့်ပါးသွားသလို ပျော်ရွင်စရာအတွေးများလည်း ဦးနှောက်အတွင်းမှ နှိုးကြားလာကြသည်။ ကုန်စည်များ မြို့ရောက်လျှင် သူ့အတွက် လုပ်အားခရမည်။ ငွေကြေးရလျှင် သူစိတ်ကူးထားသမျှ လုပ်ဆောင်နိုင်ပေမည်။
ဗုန်း!!!!!!!!!!!!!!!!!
ဆိုသော အသံနှင့်အတူ အတွေးများလည်း လွင့်ပျောက်သွားလေသည်။ အင်ဂျင်ဖုံးကို ဖွင့်ကြည့်လိုက်တော့ တိုင်ကီ ရေဆူနေသည်ကို တွေ့ရသည်။ ရေလဲမှရမည်။ သူ့သောက်ရေထည့်တာတောင် တိုင်ကီက မပြည့်ချင်။ အနီးအနား ရွာတရွာတွင် ရေတောင်းရန် တိုင်ကီပုန်း ယူပြီး ထွက်လာခဲ့သည်။

ပတ်ဝန်းကျင်က ကျီးနှင့်ဖုတ်ဖုတ်။ ရှည်မျှောလှသည့် ကားလမ်း။ လေပွေများ ဆော့ကစားနေသော လှည်းလမ်း။ အညာဆူးပင်များနှင့် ထန်းပင် တပင်စ နှစ်ပင်စမှ လွှဲ၍ ဘာမျှမရှိ။ သူ့အထင်မမှားလျှင် ရှေ့မှာ ကိုင်းရွာ ရှိရမည်။ ရေလည်းအတော်ငတ်လှပြီ။ ချွေးသီးချွေးပေါက်များကလည်း ရေချိုးထားသလို စိုရွှဲနေသည်။ ရေအမြန်သောက်ရမှ ဖြစ်မည်။ ကုန်းမို့မို့လေးအား လှမ်းအတက် မြင်လိုက်ရသော အမိုးလေးကြောင့် အားတက်သွားသည်။

တံလျပ်ရောင်ထနေသည့် ကားလမ်းမ၏နံဘေး စိမ်းညို့ညို့ ထနောင်းပင်ကြီးအောက်တွင် သွပ်ဆွေးသွပ်မြေ့ တ၀က်တပျက်၊ ကြမ်းခင်း အဆွေးအမြေ့နှင့် ဇရပ်ပျက်တဆောင်။ ဇရပ်ပျက်နံဘေးရှိ လှည်းလမ်းကြောင်းကို ကြည့်ခြင်းအားဖြင့် မလှမ်းမကမ်းရှိ ထန်းပင်အုပ်အုပ်သည် ရွာတရွာဖြစ်နိုင်သည်။ ဤဇရပ်ပျက်သည် ထိုရွာပိုင်ဖြစ်နိုင်ပြီး ကားမှတ်တိုင်လည်းဖြစ်နိုင်သည်။ ထိုသိုဆိုလျှင် ယခုဇရပ်ပျက်ကြီးအတွင်းတွင် သောက်ရေအိုးစင် ရှိနေနိုင်သည်မှာမလွဲ။ သူ့အထင်မှန်ပါသည်။ ဇရပ်အတွင်းတွင် စပါးပင်လေးများ ခင်း၍ လှူဒါန်းထားသော သောက်ရေအိုးစင်လေး အမှန်တကယ်ပင် ရှိနေခဲ့ပါသည်။

သောက်ရေအိုးစဉ်ဆီသို့ အပြေးတပိုင်းအသွား ဇရပ်ပျက်၏ အတွင်းဖက် ခပ်ကျကျတွင် မြင်လိုက်ရသော မြင်ကွင်းကြောင့် ခတ္တမျှ ကြက်သေသေသွားသည်။ ဆံပင်များလည်း ထောင်ထသွားသလို ခံစားရသည်။ ကြာဆံများလို ဖြူဖွေးနေသည့် ဆံပင်များ။ ၀ါကျင်ကျင် မျက်လုံးတစုံ။ မည်းညစ်သည့် အသားအရည်။ အရောင်မပေါ်တော့သော အ၀တ်နှင့် ခေါင်းသုံးလုံး။ တခါတရံတောက်ပလာသော မီးတောက်တစ်တောက်။ ကျောထဲမှ စိမ့်တက်သွားသည်။ နေပူထဲမှ လာသောကြောင့် ပြာနေသော မျက်လုံးကို ခတ္တမျှပိတ်၍ အနားပေးကာ ဖြေးဖြေးချင်းဖွင့်ကြည့်လိုက်သည်။

စောစောက တွေ့ခဲ့ရသော ပုံသဏ္ဍာန်သည် ထင်ရှား၍ လာလေသည်။ ခေါင်းသုံးလုံးမဟုတ်။ ဒူးထောင်ထားခြင်းဖြစ်သည်။ သူရူးကြီးတယောက် (သို့) သူဖုန်းစားအိုကြီးတယောက် ဆေးလိပ် သောက်နေခြင်းဖြစ်သည်။ ဧကန်န ဤဇရပ်၏ အရှင်သခင် ဖြစ်ဟန်တူသည်။ စူးစမ်းနေသော မျက်လုံးအား မချိပြုံး ပြုံးပြရင်း ရေအိုးစင်သို့ လှမ်းလိုက်သည်။ ရေအိုးစင်ကား မြင်ယုံဖြင့် အေးမြလှသည်။ စိမ်းစိုလှသည့် စပါးပင်လေးများပေါ်တွင် စိုမြနေသော မြေအိုးလေးအား သံပန်းကန်ပြားတချပ်ဖြင့် ဖုံးအုပ်ထားသည်။ ထိုပန်းကန်ပြားပေါ်တွင် အုန်းမုတ်ခွက် ရိုးတံရှည်လေး ရှိလေသည်။

ခြောက်ကပ်နေသည့် အာခေါင်၏ အာရုံကြောများက ဦးနှောက်သို့ သတင်းပို့လိုက်သောအခါ အလျှင်အမြန် ရေတခွက်ခပ်လိုက်သည်။ ရေသောက်ရန် ဟန်ပြင်လိုက်စဉ် သူရူးကြီးနှင့် အကြည့်ခြင်း တချက်ဆုံလိုက်မိသည်။ မည်းညစ်သော သွားများကို ရှိသလောက် ပေါ်အောင် ပြုံးပြလိုက်သော သူ၏ အပြုံးကြောင့် တွေဝေသွားသည်။ သူရူးကြီးသည် ဤဇရပ်ပိုင်ရှင်ဆိုလျှင် ယခုသောက်ရေအိုးစင်သည်လည်း သူပိုင်ဖြစ်လိမ့်မည်။ သူပိုင်မဟုတ်သည့်တိုင် ဘေးဘီရှိ စားကြွင်းစားကျန်များကို ကြည့်ခြင်းအားဖြင့် သူလည်း စားသောက်ပြီး ရေအိုးစဉ်မှ ရေသောက်ပေလိမ့်မည်။

သူရူးကြီးတယောက်၏ နှုတ်ခမ်းနှင့် ထိထားသော ရေမှုတ်ကို မသတီနိုင်တော့။ ညာသန်ဖြစ်သဖြင့် ညာလက်ဖြင့် ကိုင်ထားသော ရေမှုတ်ကို ဘယ်လက်ဖြင့် ပြောင်းကိုင်လိုက်သည်။ ရေမှုတ်တခုနှင့် အလုပ်ရှုပ်နေသော သူအား သူရူးကြီးမှ ကျိတ်၍ ရီနေသေးသည်။ သူရူးကြီးက ဘယ်သန်ဆိုလျှင်ရော မည်သို့လုပ်မည်နည်း။ သူဦးနှောက်လည်း အလုပ်ရှုပ်ကာ သွားသည်။ လင်းလက်သွားသော အသိတရားတခုနှင့်အတူ အကြံတခုရလိုက်သည်။ ရေမှုတ်အလယ်တည့်တည့်မှ သောက်ရန် ဆုံးဖြတ်ချက် ချလိုက်သည်။ သူ့ဆုံးဖြတ်ချက်ကို သဘောကျစွာ ရေများပင် ဖ်ိတ်လျှံအောင် အားပါးတရ သောက်ချလိုက်လေသည်။ မတင်းတိမ်သေးသည့် အာသာကို ဖြေဖျောက်ရန် နောက်တခွက် ထပ်မံခပ်၍ သောက်လိုက်ပြန်သည်။ ၀မ်းဗိုက်အတော်တင်းမှ ရေသောက်ခြင်းအမှုကို ရပ်နားကာ ဇရပ်ဘောင်ပေါ်သို့ ထိုင်ကာ အမောဖြေရလေသည်။

သူ့ဖြစ်အင်ကို ကြည့်နေသော သူရူးကြီးမှာ လက်ခုပ်လက်မောင်းတီး၍ တံတွေးများ သီးအောင်ပင် အော်ဟစ်ရီမော နေလေသည်။ ကြောင်တောင်တောင်ဖြင့် သူရူးကြီးအား ငေးမောကြည့်နေမိသည်။ မိမိ၏ အပြုအမူတခုကို တစုံတယောက်က ပြက်ရယ်ပြုသည့်အခါ ကိုယ်ဘာမှားသလဲ ဝေခွဲမရသည့် ခံစားမှုမျိုးဖြစ်သည်။ သူ၏ အပြုအမူများကို ဥပေက္ခာပြုရင်း ကြားလိုက်ရသော စကားကြောင့် ပါးစပ်အဟောင်းသား ဖြစ်သွားလေတော့သည်။

“ဟားဟားဟား လူတွေကလည်း ငါရေသောက်သလို လိုက်သောက်ကြပါလား ဟား ဟား ဟား ဟား”

ခင်တဲ့
ရေတမာ
4း44 pm mon
25/01/2010

p.s ၁၀တန်းတုန်းက ဆရာပြောတဲ့ အကြောင်းအရာကို ခံစားမိသလိုရေးဖွဲ့ထားခြင်းဖြစ်ပါသည်။

ဗိုလ်ပဲ၊ မတ်ပဲ၊ ကုလားပဲလေးများ

2010-01-06T21:41:00.002+08:00

ပေါ်ပေါ်ကခလေးဘ၀အကြောင်း တက်ဂ်ထားတဲ့ အကြွေးကို မသိချင်ဟန်ဆောင်နေတာ ကြာပြီ။ ရေးစရာမရှိတုန်း ညီအကိုတွေ ပြန်လွမ်းသွားလို့ မှတ်မိသလောက်ချရေးကြည့်ဦးမယ်။

ကျနော်တို့ဆီမှာ ဘုရားပွဲကို ယာမြေတွေသိမ်းတဲ့ ပွင့်လင်းရာသီမှသာ တနှစ်တခါ ပြုလုပ်လေ့ရှိတယ်။ အဲဒီအချိန်မှာ ရွာနီးချုပ်စပ်ကလည်း လာရောက်ပြီး ပျော်ပါးကြတယ်။ လှည်းတွေနဲ့ လာကြ၊ တည်းကြတယ်။ ဘုရားပွဲမှာပဲ အိမ်အတွက်လိုအပ်တဲ့ အသုံးအဆောင်တွေ ဖြစ်တဲ့ ဖျာ၊အိုး၊ အ၀တ်အထည် စတာတွေအပြင် လယ်ယာမြေအတွက်လိုအပ်တဲ့ သံထည်ပစ္စည်းတွေ ၀ယ်ခြမ်းကြရတယ်။ ခလေးတွေအတွက် ကစားစရာ အိုးပုတ်၊ချိုးရုပ်လေးတွေလည်း ရောင်းကြသေးတယ်။

ကျနော့်အမတွေ ညီမတွေ ကစားဖို့ ကျနော်တို့ ညီအကိုတွေက ခိုးပေးကြတယ်။ ဘုရားပွဲက နည်းနည်းလှမ်းတော့ အကို့စက်ဘီးလေးနဲ့သွားရတယ်။ သူ့ဘီးက ခလေးစီးတဲ့ ယောက်ျားစီဘီး၊ ဘောင်ပါတယ်။ အဲဒီဘီးသေးသေးလေးကို ငါးယောက်စီးပြီးသွားကြတယ်။

ဟိုရောက်ရင် အကိုအကြီးဆုံးက ပုဆိုးကားကားဝတ်ပြီး ရှေ့ဆုံးမှာရှိတဲ့ အိုးပုပ်တွေကို ပုဆိုးနဲ့ ဖုံးအောင်အုပ်ပြီး ဆောင့်ကြောင့်ထိုင်လိုက်တယ်။ ပြီးရင် နောက်ဆုံးတန်းမှာ ရှိတဲ့ အိုးပုပ်ကိုဈေး ဘယ်လောက်လည်းမေး။ နောက်ညီအကိုတွေကလည်း တဖက်ကနေ ဈေးမေးရင်း ဆိုင်ရှင်ကို အလုပ်ရှုပ်အောင်လုပ်လိုက်တယ်။ အဲဒီအချိန်မှာ အကိုအကြီး ပုဆိုးအောက်က အိုးပုပ်တွေကို ကျန်တဲ့သူတွေက ရသလောက်ယူကြတယ်။ အများကြီးမယူပါဘူး နည်းနည်းပါ။ တပါတ်လောက်ယူလိုက်ရင် ညီမတွေလည်း ဆော့လို့ရရော။ မဟုတ်ရင် ကျနော်တို့ ကစားတဲ့ ၀ိုင်းထဲ ၀င်ဝင်ပါလွန်းလို့။

သူတို့ဘာသာသူတို့ တွေ့ကရာအရွက်ခူး ကြော်လို့ကြော် ချက်လို့ချက်လုပ်ရင်း သူတို့ဘာသာသူတို့ကျက်ပြီဆိုရင် ကျနော်တို့ ယောက်ျားလေးတွေ ကစားတဲ့ဝိုင်းထဲ လာရောင်းတတ်တယ်။ ကျနော်တို့ကလည်း တွေ့ကရာခူးထားတဲ့ အရွက်တွေကို ပိုက်ဆံဆိုပြီး သူတို့ကိုပေးလိုက်ရင် ပျော်သွားရော။ အဲဒါကြောင့်လားမသိဘူး တယောက်မှ ဟင်းကောင်းကောင်း မချက်တတ်ကြဘူး။

တခါတလေ အိမ်ရှေ့ကွပ်ပစ်မှာ ၀င်းထရံပေါ်ကို စောင်ဖြန့်ပြီး ဇာတ်ကတတ်ကြသေးတယ်။ အမေတို့ခေတ်တုန်းကတော့ ဇာတ်မင်းသားသိန်းဇော် အမြဲတမ်းကတယ်ပြောတယ်။ ငယ်ငယ်က ပွဲဈေးတန်းမှာ အော်လံလေးတွေရောင်းတယ် အဲဒါလေးတွေကို သုံးလေးခုဝယ်၊(တခါတလေခိုးပေါ့းP) အပ်ချည်ကြိုးနဲ့ချည်ပြီး တရုတ်စကားပင်ပေါ်တင်၊၊ မိုက်ကတော့ ကြုံရာ ခုံဖိနပ်ပေါ့။ သူ့အရပ်နဲ့ သူ့ဇာတ်ကတော့ ဟုတ်နေတာပဲ။ ငယ်ငယ်ကဆိုတဲ့ သီချင်းတွေက မှုန်ရွှေရည်နဲ့ နောက်သင်္ကြန်သီချင်းတွေပေါ့။

မိသားစုသုံးစုပေါင်းထားတော့ မောင်နှမတွေကလည်း ၁၁ ယောက် အုပ်စုတောင့်ကြတယ်။ နာမည်ဆိုးနဲ့ ကျော်ကြားတယ်။ တော်ကြာ ဘယ်စာအုပ်ဆိုင်က စာအုပ်လာမအပ်လို့ လိုက်လာပြန်ပြီ။ ဘယ်လိုလုပ်အပ်မတုန်း နောက်ဖေးမှာ သမံတလင်းခင်းမယ့် သဲထဲကို စာအုပ်တွေထည့်ပြီး ဗီဒီယိုသွားကြည့်ကြတာ ပြန်လာတော့ ခင်းပြီးနေပြီ။ ကျောင်းက ဆရာမကကျောင်းပြေးလို့ လိုက်လာပြန်ပြီ။ လူနဲ့တကွပါလာတာပါ။ ဘယ်ကဖမ်းလာသလဲ ဆိုတော့ ကျောင်းနားက ဗီဒီယိုရုံကပါ။ အဲလိုလည်း တော်ကြပါတယ်။

ညဖက် အိမ်အပေါ်ထပ်မှာ ညီအကိုမောင်နှမတွေ စာကျက်လေ့ရှိကြတယ်။ အောက်မှာလူကြီးတွေပေါ့။ “စာကျက်သံမကြားရဘူး”လို့ အောက်ကအော်လိုက်ရင် ၅ ယောက်လောက် အသားကုန် ကုန်းအော်တော့တာပဲ။ ဆူညံပြီးနားမခံသာလို့ မိဘတွေက တိုးတိုးကျက်လို့ အော်လိုက်ရင် စာမကျက်ကြတော့ပါဘူး။

မနက်ဆိုရင် ကျောင်းသွားဖို့ မနက်စာကို ကိုယ့်ဘာသာ စီစဉ်ကြရတယ်။ ကြောင်အိမ်ကို သော့ခတ်ထားရတယ်။ ကြက်ဥတွေ ကြော်ကြော်စားကြလွန်းလို့။ ဘာလုပ်သလဲဆိုတော့ အဘွားရဲ့ စကွဲ(ဆန်အကြေ)တွေကို အကြော်နဲ့ လဲစားကြတယ်။ အကိုက ထမင်းကြော် စပယ်ရှယ်လစ်။ ဒီလိုမှ မဟုတ်ဘူးဆိုရင် မနက်စာကို ရှိတဲ့မုန့်ဖိုးလေး နဲ့စုပြီးဖြေရှင်းရတယ်။

ငွေယားလေးတွေကလည်း ရှိရသေးတယ်။ စွန်ရာသီ စွန်ဝယ်ရတယ်။ ဂျင်ရာသီ ဂျင်ဝယ်ရတယ်။ ဒါမှမဟုတ်ရင် ပိုက်ဆံကြေး ဂေါ်လီဝိုင်းမှာ ဘေးထိုင်နေရမယ်။ ၀င်ငွေရှာတာ ပြောရဦးမယ်။ စာမေးပွဲပြီးရင် စာအုပ်တွေ ပိ်ဿချိန်နဲ့ ရောင်းစားကြတယ်။ သင်္ကြန်ရောက်ရင် အိမ်ရှေ့က ပိတောက်ပင်ကြီးက ၀င်ငွေရှာပေးသေးတယ်။ အကြီးတွေက လက်ဝါးကြီးအုပ်တာများပါတယ်။ ကိုယ်တွေက မုန့်စားရရင် ကျေနပ်နေတာပါ။

ငယ်ငယ်က ဘ၀တွေက ဆင်းရဲပါတယ်။ စောင်ကို ပခက်လုပ်။ စကော အစုပ်ထဲ ထားတားရတာ။ အခုတော့လည်း သူတို့ဘ၀တွေ တင့်တင့်တယ်တယ်ဖြစ်နေကြပါပြီ။ နောင်များလည်း ညီအကို မောင်နှမတွေ ဥမကွဲသိုက်မပျက် စုစုစည်းစည်း နေချင်ပါတယ်။ ကိုယ့်မိဘတွေဆီကနေ သင်ခန်းစားယူစရာရှိတာတွေယူ ကျနော်တို့မျိုးဆက်တွေမှာ ပိုမိုစည်းလုံးတဲ့ မိသားစုလေးဖြစ်အောင် ကြိုးပမ်းသွားစေချင်ပါတယ်။

ခင်တဲ့
ရေတမာ
5း58 WED
06-01-10

ပထမဆုံးအတွေ့အကြုံ

2010-01-06T08:21:00.003+08:00

ကျေးဇူးပြု၍ ယခု စာ အား အစမှ အဆုံးတိုင် မကျော် မခွ ဘဲ ဖတ် ပေးပါရန် .....

ယခုကိစ္စသည် သူမဘ၀တွင် တခါမျှ မပြုလုပ်ဖူး မတွေ့ကြုံဖူးသော ကိစ္စတစ်ခု ဖြစ်ပါသည်။ သူမသည် ကျောခင်းကာ လှဲအိပ်လိုက်ရင်း ကြွက်သားများကို တောင့်တင်းထားမိလေသည်။ သူမသည် သူ့ကို ငြင်းဆန်ရန် အကြောင်းပြချက်မျိုးစုံကို စဉ်းစားရင်း တတ်နိုင်သလောက် အချိန်ဆွဲနေမိ၏ ။ သို့ရာတွင် သူ ကတော့ လုံးဝ လက်လျှော့မည့်ဟန် မပြပဲ သူမ အနားသို့ တိုးကပ်လာလေသည်။"ကြောက်နေသလား "ဟု သူမကို သူမေးသောအခါတွင် သူမရဲဝံ့ပြတ်သားစွာ ခေါင်းခါပြမိပြန်သည်။

သူသည် ယခုလို ကိစ္စမျိုးတွင် အတွေ့အကြုံ ရင့်ကျက်သူတစ်ယောက် ဖြစ်ကြောင်း သိသာပါသည် ။ အဘယ့်ကြောင့် ဆိုသော် သူ၏ လက်ချောင်းများသည် နေရာမှန်ကို အလွယ်တကူ ရှာဖွေတွေ့ရှိသွားသောကြောင့် ဖြစ်ပါသည်။ သူ အထဲထိ နက်နက် နှိုက်စမ်းလိုက်သောအခါ သူမတကိုယ်လုံး နာကျင်မှုဖြင့် တုန်ခါသွားပြီး အကြောအခြင်များ ပင် တောင့်တင်းသွားလေသည်။ သို့ရာတွင် သူသည် သူပြောထားသည့် အတိုင်း အညင်သာဆုံး ပြုလုပ်နေကြောင်း သူမ သိပါသည်။

သူသည် အားငယ်နေသော သူမ၏ မျက်ဝန်းများကို စိုက်ကြည့်ရင်း စိတ်မပူရန်၊ သူ့အနေနှင့် ယခုကိစ္စတွင် အတွေ့အကြုံ အများကြီးရှိကြောင်း ထပ်ပြောပြန်သည်။

သူပြုံးပြလိုက်သောအခါ သူမ စိတ်ကိုလျော့လိုက်ပြီး သူ့အတွက် လွယ်ကူစေရန် ကျယ်ကျယ် ဟ ထားပေးလိုက်သည်။

သူမသည် သူ့ကို မြန်နိုင်သမျှ မြန်မြန်ကိစ္စပြီးအောင် ပြုလုပ်ရန် အကြိမ်ကြိမ် တောင်းပန် လောဆော်မိလေသည်။ သို့သော် သူသည် သူမ နာကျင်မှု သက်သာစေရန် အချိန်ယူ၍ ဖြည်းဖြည်းမှန်မှန်သာ ဆက်လုပ်ပါသည်။ သူနောက်တကြိမ် သူမ၏အနီးသို့ တိုးကပ်လာသောအခါတွင် အသားမျှင်များ စုတ်ပြဲသွားသကဲ့သို့ တကိုယ်လုံး နာကျင်မှု ဆိုတဲ့ အရသာကို သူမ ခံစားလိုက်ရသည်။ သွေး အနည်းငယ် ထွက်လာသည်ကိုလည်း သူမ သိရှိခံစားလိုက်ရသည်။

"အရမ်းနာသလား" ဟု သူက ထပ်မေးပြန်သည်။ သူမမျက်လုံးအိမ်တစ်ခုလုံး မျက်ရည်များဖြင့် ပြည့်လျှမ်းနေသော်လည်း မနာသယောင် ခေါင်းခါပြကာ ဆက်လုပ်ရန် သူ့ကို သူမခေါင်းငြိမ့်ပြမိသည်။ သူသည် ကျွမ်းကျွမ်းကျင်ကျင် ထည့်လိုက်ထုတ်လိုက် ဆက်လုပ်နေသော်လည်း သူဘာလုပ်နေမှန်း မသိနိုင်လောက်အောင် သူမ စိတ်လှုပ်ရှားကာ ထုံပေပေဖြစ်နေမိသည်။ အတန်ကြာသောအခါ သူမ အတွင်းထဲမှ အရည်တချို့ တာကျိုးသလို ပေါက်ထွက်လာသည်ကို ခံစားရပြီး သူသည်အရာတစ်ခုကို အပြင်သို့ ထုတ်လိုက်လေသည်။ သူမသည် သက်ပြင်းမောများ ရှိုက်ထုတ်နေရင်း ကိစ္စအောင်မြင်ပြီးမြောက်သွားသည်ကို ၀မ်းသာပျော်ရွှင် နေမိလေသည်။

သူသည် သူမကို နွေးနွေးထွေးထွေး ပြုံးပြရင်း " တော်တော် ကိုင်ရ တွယ်ရခက်တဲ့ ကလေးမပဲ "ဟု ရေရွတ်လေသည်။ သူမကလဲ ပြန်ပြုံးပြရင်း

သွားဆရာဝန်အား ကျေးဇူးစကား ဆိုလေသည်။

အထက်ပါတို့သည် သူမဘ၀တွင် ပထမဆုံး သွားနှုတ်သည့်နေ့က တွေ့ကြုံခဲ့ရသော အဖြစ်အပျက်များ ဖြစ်လေသည်။

အင်တာနက် ပေါ်က နေ ရရှိတဲ့ ဘာသာ ပြန် ဟာသလေးတခုပါ ။

သူငယ်ချင်းတွေကို မျှဝေချင် လို့ ဖြတ်ညှပ် ကပ် လုပ်လိုက် တာပါ ။ မျှဝေချင်တဲ့ အဓိက ရည်ရွယ်ချက် က တော့

ကျွန်တော်တို့ တတွေ အကြောင်း အရာတခု ကို သေချာမသိရ သေးခင် ဆုံးဖြတ်ချက် ချတာ စောလွန်းနေတတ်တဲ့ ကျွန်တော် တို့ စိတ် ကလေးတွေ ကို မြင်စေချင်လို့ပါ

မိတ်ဆွေတော့ မသိဘူး ... ကျွန်တော်ကတော့ .. အထက် က စာလေးတွေဖတ်ရင် ... ဆုံးဖြတ်ချက် ချတာတွေ မှား တာဆိုတာလေ.... ပြောချင်တော့ ဘူး...

ကဲ ... တခုခုကို ဂဃနဏ မသိရသေးခင်မှာ ဆုံးဖြတ်ချက်ချ တာ မစောဖို့ ... ဆုံးဖြတ်ချက် ချတာ မလောဖို့ပါ

နေစိုးနိုင်

မှတ်ချက်။ ။ကိုနိုင်ထံမှ မနေ့က ခွင့်ပြုချက်ရ၍ တင်လိုက်ပါသည်။ မေးလ်လက်ခံရရှိသည်မှာ အချိန်အတော်ကြာပြီ ဖြစ်ပါသည်။ တင်ရန်ခွင့်တောင်းခြင်းနှင့် တင်သင့်မတင်သင့်ပါ ပူးတွဲအကြံတောင်းခြင်း ဖြစ်ပါသည်။ ကျွန်ုပ်ရေးလျှင် ဤမျှ ကောင်းနိုင်မည်မထင်ပါ။ သူပြောသွားသည်များမှာလည်း အပိုအလိုမရှိ၍ မိတ်ဆွေများ အတွေးပွားနိုင်စေရန် မျှဝေလိုက်ရပါသည်။

အားနာလျက်
ရေတမာ

ထူးမှထူးတဲ့ အရွယ်

2010-01-05T16:43:00.004+08:00

မနေ့က မရောင်မလည်နဲ့ စာအုပ်တွေရောင်းတဲ့ဆိုင်ဖက် ရောက်သွားတယ်။ နာမည်တွေလိုက်ဖတ်ရင်း ၀တ္တုတန်းဖက်ရောက်သွားတော့ မင်းလူစာအုပ်သွားတွေ့တယ်။ အသစ်စက်စက်လုံးချင်းဝတ္တုတဲ့။ “အလွမ်းသစ်” ဆိုတဲ့ ခေါင်းစဉ်နဲ့ ပထမဆုံးစာမျက်နှာလေး လှန်လိုက်တော့

“မိန်းကလေး တယောက်ကို ချစ်ရတာ
ခပ်ညံ့ညံ့ဘောလုံးအသင်းတသင်းကို အားပေးရသလိုပဲ၊
အားမလိုအားမရလည်းဖြစ်ရတယ်
အချိန်တန်ရင်လည်း မကြည့်ဘဲမနေနိုင်ဘူး” (မှတ်မိသလိုရေးပါသည်) ဆိုပြီးဖတ်လိုက်ရတော့ ၀ယ်ချင်လိုက်တာ။ ဈေးက ၇ကျပ်တဲ့။ သိပ်လည်းမထူတာနဲ့ ပြန်ချထားလိုက်တယ်။ ၃ကျပ်ခွဲတန် ၂ အုပ်ဝယ်လိုက်မယ်ဆိုပြီး စိတ်ကူးပလိုက်တယ်။ “ပန်းကျောင်း”ပြန်တွေ့တယ်။ ပျောက်သွားတဲ့ စာအုပ်လေး။ ဇာတ်လမ်းတွေမေ့ကုန်ပြီ။ သူငယ်ချင်းတွေကို ပြန်သတိရသွားတယ်။ ကျောင်းပုံပြင်ပေါ့။

ဆရာအောင်းသင်းရဲ့ အရွယ်

ကြပ်ကြပ်ကြီး သတိရနေစေဖို့ သင့်သည်ကတော့ အရွယ်ပင်ဖြစ်သည်။ အရွယ်ကတော့ ရပ်နေသည်မဟုတ်။ အသက်ကြီးလာဖို့ ကိစ္စကတော့ အားထုတ်နေဖို့ မလိုသကဲ့သို့ တားလို့ဆီးလို့လည်း ရသည်မဟုတ်။ သို့သော် အရွယ်ဆိုသည်မှာ အချိန်ပင် ဖြစ်သည်။ အချိန်ကို အသုံးချခြင်းသည်ပင်လျှင် အရွယ်ကို အသုံးချခြင်းဖြစ်သည်။ ပထမအရွယ်ကို အသုံးချဖို့ မေ့လျော့နေလျှင် အီးပေါသော ဒုတိယအရွယ်ကြီးကို လက်ခံရပေတော့မည်။ တတိယ အရွယ်ကိုတော့ ဖြစ်သလိုအိုပြီး ကြုံရာရောဂါနှင့် သေသွားရုံသာ ရှိသည်။ သဘောကျသည် စကားစုလေးများလည်း ပြန်လည် ဝေမျှချင်ပါသည်။

To know something of everything and everything of something.
(အရာရာတိုင်းတွင် တီးမိခေါက်မိရှိ၍ တစုံတရာကို ပြဲပြဲစင်အောင် သိရမည်)

You are not allowed to read another page of life
(ဘ၀မှာ စာမျက်နှာ ကျော်ဖတ်ခွင့်မရှိဘူး) အခု လက်ငင်းကြူံနေရတဲ့ အချိန်ကာလကို တန်းဖိုးရှိရှိ သုံးပါ။

စသည်ဖြင့် ရေးသားထားသော အရွယ် ဆောင်းပါး အပါအ၀င် ဆောင်းပါးကောင်း ၂၅ ပုဒ်ဖြင့် ထုတ်ဝေထားပါသည်။
တန်ဖိုး ၂၀၀၀ကျပ်။

အရှင်ဆန္ဒာဓိက၏ ထူးမှထူး

စိတ်ဝင်စားစရာ ခေါင်းစဉ်ပေါင်း ၃၁ခုနှင့်အတူ

သိမ်းပိုက်ဆုပ်ကိုင်သူတွေကြား
စွန့်လွတ်မျှဝေသူ....
မှားမိုက်ဆိုးတေသူတွေကြား
ထိန်းချုပ်စောင့်စည်းသူ
ပေါ့ပျက်ပူမြိုက်သူတွေကြား
ရင့်ကျက်အေးချမ်းသူ...
စွဲငြိဖွဲ့နှောင်သူတွေကြား
လွတ်လပ်ထုံးပြေသူဟာ
ထူးမှထူးတဲ့သူပါပဲ။ ။ စသည့်ဆုံးမစကားများဖြင့် ရေးသားထားပါသည်။ တန်းဖိုး ၁၀၀၀ ကျပ်။

စာအုပ်မည်းမည်းလေးနှစ်အုပ်နဲ့ အတူ အတွေးပွားမိတာလေးတွေလည်း ရှိသေးတယ်။ အင်တာနက်မှာ ဖတ်လို့ရပေမယ့် စာအုပ်ကို ကိုင်ဖတ်ရတဲ့ အရသာကို မမှီဘူး။ စာအုပ်တွေပျောက်သွားမှာ မဟုတ်ဘူး။

စာမရေးနိုင်ပေမယ့် ဘလော့တော့ရောက်ဖြစ်ပါတယ်။ မရောက်ဖြစ်လဲ။ counter report က တနင်္လာနေ့တိုင်း သတင်းပို့တယ်။ လာရောက်လာကြတဲ့ သူငယ်ချင်းတွေကို ကျေးဇူးတင်ပါတယ်။

ခင်တဲ့ ရေတမာ

ထို့ကြောင့်

2009-12-23T18:05:00.002+08:00

"သား ဦးဦးတို့ဆီသွားမယ် လိုက်မလား" ကျနော် ပျော်သွားသည်။ ဆိုက်ကားတစီးငှားကာ သားအဖနှစ်ယောက် အတန်ငယ်ဝေးသော ဦးဦးတို့ စားသောက်ဆိုင်သို့ ရောက်ရှိခဲ့သည်။ စားသောက်ဆိုင်၏ဘေးခန်းရှိ ဘားကောင်တာတွင် အဖေအရက် သောက်လေသည်။ အဒေါ်ရောက်လာကာ အဖေနှင့်စကားပြောကြသည်။ အဆင်မပြေသည့် အိမ်ထောင်ရေးအကြောင်း အဒေါ်အား ရင်ဖွင့်နေဟန်ရှိသည်။ သားသမီးသုံးယောက်နှင့် ယောက္ခမအိမ်တွင် နေထိုင်ရသော သားမက်တယောက်၏ ပေါက်ကွဲမှုများကို အရက်နှင့်အတူ မျှောချနေသည်။

အဒေါ်ပေးသောမုန့်ကိုယူကာ ညီမလေးနှင့်အတူ တီဗွီမည်မျှကြာအောင် ကြည့်မိသည်မသိ။ အဖေအိမ်ပြန်ရန် လာခေါ်သဖြင့် လိုက်သွားသောအချိန်သည် ညည့်နက်နေလေပြီ။ အဖေလည်း ရေချိန်အတော်လွန်ကာ သိုင်းကွက်နင်းနေသဖြင့် ဆိုက်ကားသမားက မနည်းထိန်းကာ အိမ်သို့ အရောက်ပို့ပေးသည်။ အိမ်ရှေ့တွင် အော်ဟစ်နေသောအဖေ့ကို အမေတဖျစ်တောက်တောက် ရေရွတ်ရင်း တွဲခေါ်ချိန်တွင် အဖေခေါင်းဆိုက်နေလေပြီ။

ဝူးတူးဝါးတားအော်ဟစ်ရင်း အဖေအန်လေတော့သည်။ အမေသည် အဖေ့ကျောကို တဘုန်းဘုန်းထုရင်း ငိုယိုနေလေပြီ။ မိဘမကြည်ဖြူသော ယောက်ျား၊ ကလေးသုံးယောက်နှင့် မိဘအိမ်တွင် နေထိုင်ရသော အချိန်တွင် အဖေ့လုပ်ရပ်များက အမေ့အတွက် မျက်ရည်များကိုသာ အဖော်ပြုရန် ရှိတော့သည်။ အဖေ့အန်ဖတ်များကို မျက်ရည်စက်လက်ဖြင့် သန့်ရှင်းရေးလုပ်နေသော အမေ။ တွေ့ကရာခေါင်းထိုးအန်နေသော အဖေ။ မီးဝင်းဝင်းတောက်နေသော မျက်လုံးများဖြင့် ကြည့်နေသာ အဘိုးနှင့် အဘွား။ ကျနော့ ပါးတွင်လည်း မျက်ရည်များ အလိုလိုကျဆင်းလာသည်။ အမေ မငိုပါနဲ့တော့ အမေရယ်။

***************************

မနက်က အကို့တို့ မင်္ဂလာဆွမ်းကျွေးပြီး၍ ညနေမိသားစုနှင့်အတူ ဟော့ပေါ့သွားစားကြသည်။ အမအကြီးဆုံးမှ လွဲ၍ မိသားစုဝင်တယောက်တိုးသော မိသားစုစုံညီသော စားပွဲလည်းဖြစ်သည်။ အကိုက ထုံးစံအတိုင်း ဘီယာသောက်လေသည်။ ဖန်ခွက်သုံးခွက် မှာပြီး ကျနော်အပါအ၀င် သားအဖသုံးယောက် သောက်ကြသည်။ အမေ့မျက်နှာမကောင်း။ အဖေနှင့်အကို သောက်တတ်တာသိပေမယ့် ကျနော့် သောက်တာ အမေမသိသေး။ အမေ့ခံစားချက်ကို မစာနာစွာ ကျနော့်တို့ သောက်သုံးခဲ့ကြသည်။ အိမ်ပြန်လာတော့ အမေ့မျက်နှာမကောင်း။ ဘယ်သူ့ကိုမျှ စကားမပြောဘဲ အမေအိပ်ယာဝင်သွားသည်။ အမေရယ် တောင်းပန်ပါတယ်။ အမေ့ရှေ့မှာ ကျနော်ဘယ်တော့မှ အရက်မသောက်တော့ပါဘူး။ ဘယ်တော့မှ မမြင်စေရတော့ပါဘူးအမေရယ်။

ကျော်ကြားသူတို့၏ပုံရိပ်

2009-12-22T14:25:00.003+08:00

မမ၀ါက တက်ဂ်လို့ ရေးလိုက်ပါသည်။ ကျေးဇူးတင်ပါတယ် မမ၀ါ ခင်ဗျာ။ မမ၀ါလို့တော့ အစပိုဒ်မှာ ထုစရာ မောင်းမရှိ၍ ကျွန်ုပ်စာတွင် အသံထွက်စရာမရှိပါခင်ဗျာ(ဤကား လမ်းကြိတ်စက်နင်းသွားသော စကားချပ်းP) နောင်နှစ်ပေါင်း ငါးနှစ်မျှ ကြာလျှင်ဆိုပြီး တက်ဂ်ထားပါသည်။ လာမည့်သက္ကရာဇ်အတွက်ပင် မည်သို့မည်ပုံ ကူးခတ်ရမည်ကို ရင်မောနေရပါသည်။ သို့သော် စိတ်ကူးတွေတော့ရှိပါသည်။ အဘယ်စီးပွားရေးလုပ်မည်၊ အိမ်သူသက်ထား ထိပ်ထားကလျာ ရုပ်ပုံလွှာကား မည်သို့မည်ပုံ စသဖြင့် စသဖြင့် စိတ်ကူးရှိပါသည်။

နောင်ငါးနှစ်ကြာလျှင် မည်သို့ဖြစ်မည် မသိသော်လည်း ကျနော်ပြန်လျှင် လုပ်ချင်သော စီးပွားရေးမှာ- တစ်။ ဒီနိုင်ငံက ရှော့ပင်းမောကြီးတွေမှာ ဖွင့်သော SWEET TALK ကဲ့သို့ အအေးဆိုင်မျိုး မြန်မာပြည်တွင် ဖွင့်ချင်ပါသည်။ အစပိုင်းတွင် ကိုယ်တိုင် ဦးစီးလုပ်ကိုင်၍ နောက်ပိုင်း ၀န်ထမ်းများငှားရမ်းကာ ကွပ်ကဲနိုင်သော လုပ်ငန်းမျိုးဖြစ်သောကြောင့် ဒိန်ခဲကြိုက်သော ကျွန်ုပ်အတွက် သင့်တော်သော လုပ်ငန်းမျိုးဖြစ်သည်ဟု ထင်မြင်မိပါသည်။

နံပါတ်နှစ်လုပ်ငန်းမှာ old chang kee ကဲ့သို့သော အဆာပြေမုန့်များ ရောင်းသောဆိုင်ကို မြန်မာပြည်ရှိ ရှော့ပင်းမောများ၌ပင် ဖွင့်ချင်ပါသည်။ အောင်မြင်လျှင် အောင်မြင်သလို လုပ်ငန်းများတိုးချဲ့ကာ လုပ်ကိုင်နိုင်သောကြောင့် သဘောကျ နှစ်ခြိုက်မိပါသည်။ ဟိုးအရင်ကတည်းက စိတ်ကူးထားသော လုပ်ငန်းမှာ ကျွန်ုပ်တ၀မ်း တခါးအတွက် ပူပင်စရာမလိုသော စာအုပ်အငှားဆိုင်လေး တဆိုင်ဖွင့်ချင်ပါသည်။ ထိုအပြင် စာအုပ်ချုပ်လုပ်ငန်း၊ စာအုပ်ရောင်းချခြင်းများပါ တွဲဖက်၍ ကိုယ်ဝါသနာပါရာ လုပ်ကိုင်ရင်း ပျော်ရွင်နေမိမလား စိတ်ကူးယဉ်မိပါသည်။

စိတ်ကူးထဲက ချစ်သူပုံရိပ်
မချောသော်လည်း ချစ်စရာကောင်းရပါမည်။ (သန့်ရှင်းကြည်လင်သော မျက်နှာပိုင်ရှင်မျိုး)

မပိန်မ၀ဘဲ ကျန်းမာရေးကောင်းရပါမယ်။ (သူရော ကိုယ်ရော နှစ်ယောက်လုံး လဲနေလျှင်လည်း မကောင်းပါ)

အိမ်ထောင်မှု ကောင်းမွန်စွာ ထိန်းသိမ်းတတ်ရပါမယ်။ (နှစ်ယောက်လုံး အလုပ်နေကြတဲ့ ခေတ်ထဲမှာ အိမ်တာဝန်တွေ နှစ်ယောက်လုံးထိန်းသိမ်းနိုင်မှ ဧည့်သည်လာတဲ့ အခါ ကြည့်ပျော်ရှုပျော် တိုက်ခန်းလေး မြင်ရမှာပါ)

ခေတ်အမြင်ချင်းညီရန် အသက်တူစေချင်ပါသည်။ အတွေးအခေါ်နီးစပ်စေရန် ပညာအရည်အချင်း တူစေချင်ပါသည်။ အနေအထိုင်နီးစပ်စေရန် ပိုက်ဆံရှိတာ တူစေချင်ပါသည်။ ပါရမီဖြည့်ဖက်ကောင်းဖြစ်စေရန် ဘာသာတူစေချင်ပါသည်။ ဖြစ်နိုင်လျှင် အကြိုက်ချင်းတူစေချင်ပါသည် သို့မှသာ ညှိရတာတွေ နည်းနိုင်ပါမည်။ တယောက်ကိုတယောက် ချစ်ခင်လေးစား၍၊ တယောက်ကတယောက်ကို ပြုပြင်ပြောင်းလဲပေးနိုင်စွမ်း ရှိစေချင်ပါသည်။ စိတ်ရှည်စေချင်ပါသည်။

အိမ်ထောင်ကျကိန်း ရှိမရှိတော့မသိပါ။ မယူချင်ဘူး ပြောရင်လည်း ယုံချင်မှယုံကြပါလိမ့်မယ်။ လိမ္မာသော ကလေးဖြူဖြူတုတ်တုတ်လေးများတော့ ချစ်တတ်ပါသည်။

ရေတမာ
ဒီဇင်ဘာ09

တစ်နှစ်စာ

2009-12-20T14:25:00.001+08:00

တစ်ရာနှင့် တစ်နှစ်ပိုစ့်အတွက် သူငယ်ချင်းတွေကို ဘာအကြောင်းရေးရမလဲလို့ မေးကြည့်တော့ ကိုယ်ဖြတ်သန်းလာခဲ့တဲ့ အကြောင်းလေး ရေးပါ့လားလို့ အကြံပေးတယ်။ ဘာမှ ထွေထွေထူးထူးမဟုတ်တော့ သိပ်ပြီး မရေးချင်ဘူး။ မနေ့ကမှ ခေါင်းထဲ စာစီကြည့်တော့ တော်တော်များများရေးလို့ရတာနဲ့ အခုချရေးကြည့်တာပါ။

ဘလော့ဆိုတာကို မသိခင်က မလေးမှာနေတဲ့ သူငယ်ချင်းတယောက်က သူငယ်ချင်းတွေ သတိရရင်ကြည့်ရအောင် blogspot.com မှာ သူငယ်ချင်းတွေ photo တင်ပေးတယ်။ blog လို့လည်း မသိသေးပါဘူး။ မသဇင်ဏီဆီမှာ ၀င်ပြီး သီချင်းနားထောင်တယ်။ သူရေးတာတွေဖတ်ပြီး တော်တော် သဘောကျရော။ Forward မေးတွေကနေ မနိုင်းနိုင်းစနေ နာမည်တွေ့လို့ Google ကနေ ရှာရှင်း သူ့ဘလော့က တဆင့် ဘလော့လောကကြီးကို သိရတာ။ နာဂစ်ဖြစ်တော့ ကိုစိုးဇီယတို့ ပိုစ့်တွေ ဖတ်ရတော့ အရမ်းလေးစား၊ အားကျတယ်။ ကိုစေတန်ဂေါ့ဆီက ဘလော့လုပ်နည်း ဒေါင်းပြီး လျှောက်ကလိရင်း ပျော်နေတာပေါ့။ Sidebar မှာဟိုလျှောက်ထည့် ဒီလျှောက်ထည့်။ စာတွေရေးနိုင်အောင် အားပေးတဲ့ ကိုနိုင်ကိုလည်း ကျေးဇူးတင်ရမယ်။

ရေးထားတာလေးတွေ များလာတော့ Marketing ဆင်းတာပေါ့။ မခင်ဦးမေဆီမှာ အရင်စဆင်းတယ်။ လာလည်ပြီး ကွန်းမန့်ပေးတော့ အရမ်းဝမ်းသာတယ်။ ကိုယ်လိုလူမသိ သူမသိတယောက်ကို နာမည်ကြီး အမကြီးက လာအားပေးတော့ ပျော်တာပေါ့။ ဒူဘိုင်းက အမကြီးတွေနဲ့လည်း ခင်မင်ခဲ့ရတယ်။ နောက် စလုံးက သူငယ်ချင်းတွေရတယ်။ အများကြီးပဲ။ ပတ်ဝန်းကျင်နဲ့ သဟဇာတမဖြစ်တဲ့ အထီးကျန်နေတဲ့ ဘ၀လေး စိုစိုပြည်ပြည် ဖြစ်လာတယ်။ လေးစားအတုယူစရာ သူငယ်ချင်းများပါပဲ။

လူစိတ်ဆိုတာ မကောင်းတာပြောဦးမယ်။ ရေးလာတာကြာတော့ သူငယ်ချင်းတွေကလည်း များများရေးစေချင်တဲ့ ဆန္ဒတွေနဲ့ ကွန်းမန့်ပေးကြတယ်။ ကောင်းတယ်ဘာညာပေါ့။ ဒီတော့ မာန်ကတက်လာတယ်။ ငါ့လောက်တောင် မရေးတတ်ကြဘူးပေ့ါ။ တကယ်တော့ ကိုယ်က ဘာမှ မရေးတတ်သေးပါဘူး။ တကယ်စာရေးကောင်းတဲ့ ဘလော့တွေဖတ်ပြီး ကိုယ်ဘာသာ စိတ်တိုင်းမကျဘူး။ ကိုယ်စာမရေးတတ်သေးပါလားဆိုတာ ပိုသိသာလာတယ်။ စိတ်ဓါတ်ကျလာတယ်။ ဘလော့ကိုလည်း ပိတ်ပစ်ချင်လာတယ်။ နောက်ပိုင်း စိတ်လိုက်မာန်ပါ မရေးတော့ဘူး။ သူများတွေ ရေးတာတွေ အတူယူပြီး စာရေးတာပြင်ရတယ်။ ကိုယ့်စာက စကားလုံး ကျစ်လစ်မှုမရှိတာတွေ။ အရေးမှားတွေ သတိထားပြင်ရတယ်။

ဘလော့တစ်နှစ်စာပါ။ အပြင်တစ်နှစ်ကို ပြန်ကြည့်မယ်ဆိုရင် စီးပွားရေး၊ ကျန်းမာရေး၊ ပညာရေး၊ လူမှုရေး၊ ဘာမှ တိုးတက်မှု မရှိခဲ့ဘူး။ အဓိကကတော့ ကျန်းမာရေးပေါ့။ တော်တော်ချူချာတယ်။ ကျန်းမာရေးမကောင်းတော့ ဘာမှကို မလုပ်နိုင်တော့ဘူး။ စာရိတ္တပိုင်းတော့ ဆုိးဆိုးရွားရွားဖြစ်မသွားအောင် ထိန်းနိုင်နေသေးတာပဲ ဖြေသာစရာရှိတယ်။ လက်ရှိ အလုပ်ကို ဘ၀အတွက် လှေကား တစ်ထစ်ပဲဆိုပြီး တွေးထင်ထားပေမယ့် အချိန်ဖြုန်းသလိုဖြစ်နေတယ်။ တိုးတက်ရာတိုးတက်ကြောင်းအတွက် လမ်းစမရှာနိုင်လောက်အောင် ညံဖျင်းလွန်းနေတယ်။ နောင်နှစ်မှာ ပိုမိုတိုးတိုက်အောင် ကြိုးစားရမယ်။

ပျော်ရွှင်စရာ ခရစ်စမတ်အားလပ်ရက်နှင့် နှစ်သစ်ကူးဖြစ်ကြပါစေ

ရေတမာ

2;43pm SUN

20-12-09

တစ်ရာနှင့် တစ်နှစ်

2009-12-18T17:36:00.003+08:00

Face Book မှာ Premier Football ကိုဆော့နေတာ ကြာပြီ။ ဘာတွေဆော့သလဲ ဆိုတော့ ကိုယ့်ရဲ့ Level မြင့်လာအောင် ဆော့တယ်။ Level တွေကလည်း တော်တော်လေးများ၏။ အခုရောက်နေတဲ့ Level က အပျော်တမ်းအဆင့်၃။ ရမှတ်တွေနဲ့ အဆင့်သတ်မှတ်ပေးထားတယ်ဗျ။

ဘလော့ရေးလာတာလည်း ကြာလာပြီ။ စရေးကတည်းက ကျနော်ဘလော့ဂါ ဆိုတဲ့စာတိုလေးနဲ့ စရေးခဲ့တယ်။ တနှစ်ပြည့်ခဲ့ပြီ။ တိုက်တိုက်ဆိုင်ဆိုင် ပိုစ့် ၁၀၀ ပြည့်ခဲ့ပြီ။ အရင်က မနိုင်းနိုင်းရေးထားသလို ပိုစ့် ၅၀ လောက်တောင် ရေးနိုင်ပါ့မလား မသိဘူးလို့ တွေးထင်ဖူးတယ်။ အပျော်တမ်း စာစစာရေးခဲ့တော့ ကျနော့်ကို ကျနော်လည်း အပျော်တမ်း ဘလော့ဂါ အဖြစ် ကိုယ့်ဘာသာ သတ်မှတ်ပါတယ်။

ဝမ်းစာမပြည့်ဝတော့ ရသတွေလည်း ပေးစွမ်းခဲ့လိမ့်မယ် မထင်ပါဘူး။ သို့သော် တတ်သလောက်လေး ရေးချရင်းနဲ့ ပျော်မွှေ့နေရော။ အရည်အချင်းမပြည့်တပြည့် အရေအတွက်လေးအတွက်တော့ တန်ဖိုးထားမိတာ အမှန်ပါ။ နောက်ဖက်ကို ပြန်ကြည့်တဲ့အခါ မှတ်တိုင်လေးတွေ အဖြစ်ရှိနေအောင် ရေးသားခဲ့တယ်။ အပျော်တမ်းကနေ နောင်တချိန် ပရိုဆန်ဆန် ရေးသားချင်ပါတယ်။

ကျနော့ရဲ့ ဘလော့လင့်ကို ထည့်ထားပေးထားကြတဲ့ ဘလော့ဂါအပေါင်းကို ကျေးဇူးတင်ပါတယ်။ မိတ်ဆွေတို့ဆီကနေ လာလည်ကြတာတွေ့ရတော့ အများကြီး ၀မ်းသာတယ်။ ရေးရတာလည်း အားရှိတယ်။ ကွန်းမန့်ပေးသွားသူများ လာလည်သွားသူများအား ကျေးဇူးတင်ပါတယ်။ သူငယ်ချင်းတို့ လာလည်ကြလို့ ဒီလောက်ရေးနိုင်တာပါ။

တစ်ရာ နှင့် တစ်နှစ်

တစ်ရာဆိုတာ
ရာခိုင်နှုန်းသဘောတရာအရ ပြည့်ဝတဲ့သဘော
ရေအေးတွေကို ဆူစေတဲ့ အပူချိန်

ငါ့တစ်ရာကရော
ဘယ်လောက်ပြည့်ဝ ဘယ်လောက် ပြောင်းလဲမလဲ။
မစွမ်းပေမယ့် မျှော်မှန်းခဲ့ဘူးတာ။

တစ်နှစ်ဆိုတာ
သူငယ်ချင်းဆိုတဲ့ နေ့ရက်လတွေနဲ့ ဖွဲ့စည်းထားတဲ့
ပျော်စရာ ရာသီတွေပဲပေါ့။

ပျော်ရွင်ကြပါစေ
ရေတမာ
06း04pm FRI
18-12-09

ဦးဂေါက်တီးရဲ့ သားချော့တေး

2009-12-15T15:05:00.014+08:00

အကိုတစ်ယောက်ဆီ ရောက်တုန်းက မဂ္ဂဇင်းပုံကြီး တပုံလက်ဆောင်ရလိုက်တယ်။ အဲဒီစာအုပ်တွေထဲက ရယ်စရာမဂ္ဂဇင်း စာအုပ်တအုပ်ကို သဘောကျနှစ်ခြိုက်ခဲ့တယ်။ ခေတ်ပေါ်ကဗျာတွေကိုလည်း ရယ်စရာကတဆင့် ရင်းနှီးမှုရခဲ့ပါတယ်။ ပြီးခဲ့တဲ့ လက “ကဘောက်တိ ကဘောက်ချာ အယ်ဒီတာစာ”မှာ ဘာပြောလဲဆိုတော့ မြန်မာစာရေးသားတဲ့ သူတွေဟာ မြန်မာစာကို တန်ဖိုးထားသင့်တဲ့ အကြောင်း၊ မြန်မာစာရေးနေတဲ့သူတွေက အလေးမထားရင် ဘယ်သူမှ အလေးထားမှာ မဟုတ်ပါဘူးတဲ့။ ကလောင်တချောင်းကိုလည်း အလေးထားသင့်ကြောင်း၊ သရုပ်ပျက် ရေးသားထားသော ကလောင်နာမည်များကိုလည်း မရွေးချယ်ဘူးလို့လည်း ဆိုပါတယ်။ ဥပမာ Aဒင်မာလာ၊ 4အောင် စသည်ဖြင့်ပေါ့။ လေးစားပါတယ် အယ်ဒီတာရယ်။

ဆရာ လျှာပေါ်ဝဲ ရဲ့ ဓါးထက်တဲ့ စုဘုရားလတ်တို့ မြေးအဖွားတသိုက် သာသနာရေး အမြင်ကျယ်ပုံ၊ သာ့သနာ့ အာဇာနည်တွေ မှန်မှန်ကန်ကန် ရွေးချယ်နိုင်ပုံကိုလည်း ထုတ်နှုတ်ပြသသွားတာ နှစ်ခြိုက်စွာ မှတ်သားလိုက်ရပါတယ်။ တခြား စာရေးဆရာတွေ စာတွေကတဆင့် စာပေလောကအသိုင်းအ၀ိုင်းအကြောင်း၊ တစေ့တစောင်း မှတ်သားရပါတယ်။

ကျနော့်ဘလော့မှာ ကိုယ်ပိုင်ဖန်တီးမှုအပြင် ကြိုက်နှစ်သက်တာလေးတွေ စုစည်းထားရင်ကောင်းမယ် ဆိုတဲ့ သဘောနဲ့ “ကူးယူဖော်ပြခြင်း” ဆိုတဲ့ လေဘယ် တခုဖန်တီးခဲ့ပါတယ်။ ရေးလက်စ တပုဒ်နှစ်ပုဒ်ကလည်း ရှေ့ဆက်မရ၊ အကြောင်းအရာကလည်း ပေါ့ပျက်ပျက်ဆိုတော့၊ ဆားချက်တယ်လို့ သဘောထားရင်လည်း ထားပါတော့။ တကယ်တော့ ကြိုက်လွန်းလို့ပါ။ ခေါင်းထဲမှာ စွဲနေပေမယ့် မိတ်ဆွေကိုလည်း ဖတ်ပြီး ရီမောနေစေချင်တယ်ဗျာ။ ဒီလထုတ် ရယ်စရာမဂ္ဂဇင်းထဲက စာလေးတပုဒ်ပါ။

ဦးဂေါက်တီးနဲ့ မယဉ်မေတို့ လင်မယားအကြောင်းပေါ့။ ပြောစမှတ်တင်သွားတဲ့ အကြောင်းလေးကတော့ ဦးဂေါက်တီးက ပြည်ကြီး တရုတ်စစ်စစ်၊ မယဉ်မေကတော့ အညာသူစစ်စစ်ဗျာ။ အသားရောင်က မည်းသမ ကျုတ်နေတာ။ ဘယ်ကဘယ်လို ညားလာမှန်း ဘယ်သူမှ မသိကြပါဘူး။ ကျွန်တော်တို့ ရပ်ကွက်ထဲ ပြောင်းလာပြီး ဦးဂေါက်တီးက ခေါက်ဆွဲနဲ့ အခေါက်ကင်ကို အိမ်ရှေ့ဆိုင်ခန်းလေးမှာ ရောင်းတယ်။ လင်မယားနှစ်ယောက် မောင်တထမ်း မယ်တရွက်ပေါ့။

သူတို့မှာ အသက်ကြီးမှ ရထားတဲ့ လူမမယ် ကလေးငယ် တယောက်လည်း ရှိသေးတယ်။ ယောက်ျားလေးပေါ့။ ကျွန်တော်တို့ ဦးဂေါက်တီးဆိုင်မှာ ခေါက်ဆွဲသွားစားရင် မယဉ်မေက သူ့ကလေးကို သီချင်းလေး တအေးအေးနဲ့ ချော့သိပ်နေတာ တွေ့ရတတ်တယ်။ ဘာတဲ့ သူဆိုတဲ့ သီးချင်းက “မိတ္တီလာကန်တော်အောက်က xxxx ဖားကောက်ခဲ့ပါ xxx ဖားပါရင် တကောင်ပေး xxxxxx မျက်လုံးရယ် ကြောင်တောင်တောင် xxxx ဖားကောင်ကသေး ” ဆိုပြီး အသံနေ အသံထားနဲ့ ချော့သိပ်နေတာ အမြဲလိုလို တွေ့ရတယ်။

တနေ့တော့ မနက်ပိုင်းမှာတင် ခေါက်ဆွဲ ကုန်သွားလို့ ဈေးမှာ ပြေးဝယ်တုန်း ကလေးငိုပါလေရော။ ဦးဂေါက်တီးလည်း ဈေးရောင်းတဘက်နဲ့ “ခိနလေး” ဆိုပြီး ပုခက်ထဲက ကလေးကို ပွေ့ချီပြီး မယဉ်မေကလေး ချော့သိပ်တဲ့ ပုံစံနဲ့ ချော့လိုက်တာ ဆိုင်ထဲက လူတွေ ခေါက်ဆွဲသီးသူသီး၊ ရယ်တဲ့သူ ရယ်နဲ့ ဖြစ်ကုန်ကြတယ်။ သူကလေး ချော့သိပ်တာကိုလည်း ကြည့်ဦး “ မတ်ဆီလာစိလယ် xxx ကန်စိလယ် xxxx ဖားစိလယ် xxxx မတ်စိပူးလယ် xxxx အကောင်တေးလယ် xxx အ်ိပ်လော့ xxxx အိပ်လော့ ” တဲ့ ခင်ဗျ။

မင်းဘဲဥ(ချယ်ရီရွာ)
ရယ်စရာ အမှတ်(၄၉)ဒီဇင်ဘာ ၂၀၀၉

ခေတ်သစ် အိုင်တီမာလ ပြဇာတ်

2009-12-12T21:25:00.003+08:00

နမော တဿ ဘဂ၀တော အရဟတော သမ္မာသမ္ဗဒ္ဓဿ
ဇေယျတု သဗ္ဗမင်္ဂလံ။ ဆိုက်ပရက်စ်ပြည့်ရှင်မင်းကြီး၏ သားတော် မင်းသားဖိုးစိန် စင်ကာပူပြည်သို့ သွားစေ။ စင်ကာပူပြည်က အပြန်၊ ဘီယာဆိုင်၌ နားနေစေ။

၎င်း စင်ကာပူမြို့ မြောက်မျက်နှာက အိုင်တီ ယောက်ျား ထွက်ဆိုရန် စကားမှာ-
သြော်- လူ့ဘုံခန်းဝါ၊ စင်ကာပူပြည်မှာ၊ ၀မ်းစာခဲခက်၊ နာစီ ဂိုးရင်း(မလေး ထမင်း)၊ ဂရင်းတီးနှင့် ဆန်တွင်းက နက်လွန်းလို့၊ အသက်ရှိစဉ်၊ မသေခင်ကို၊ စပါကတီ၊ ခပ်အီအီနှင့်၊ ဟော့ပေါ့အမည်၊ ရေလုံပြုပ်များကို၊ ၀မ်းတေဘယ်တမျှ ခပ်၀၀ စားလိုက်ရလျှင်ဖြင့် အာဂပါးစပ်၊ လူဖြစ်ကျိုးနပ်လေငဲ့၊ မရပ်မနား၊ ကီးဘုတ်ကြားမှာ၊ ၀မ်းကျောင်းပါငြားကဘဲ၊ စားရသည့်နေ့၊ တလလုံးတွင်မှ သုံးဆယ်နှပ်လောက်ကယ်သာ တွေ့ရတယ်။ ငွေနှယ်ကြေးနှယ်၊ ဘဟာ့နှယ်များကို၊ ကွယ်လေငဲ့ ပိတ်ပိတ်ပျောက်၊ အမွဲတကာ့ ထွတ်ခေါင်၊ ဖွတ်မင်းနောင်မှာ၊ ပြာတောင်ကြီး ပေါက်ကရော့၊ ပြောင်မြောက်အောင် မွဲနိုင်တဲ့၊ ငါ့ကိုယ့်နော်။

ဟယ် သို့သော်လဲ ယောက်ျား၊ စင်ကာပူသွား စင်ကာပူသားဟဲ့၊ မနုံနဲ့ပါဘူး။ အလှဲ့သင့်ချက်ပိုင် ခွေးကန်းတောင် အိမ်သာကျင်းထဲ ကြနိုင်သေးသပ၊ ကံဆိုင်လို့ တကယ်၊ ချက်ကောင်းကို တွယ်မိလျှင၊် အိုင်တီ တောင်ပေါ် လူနေလှလို့၊ ရွှေချသလို ပြောင်လိမ့်မယ်၊ အဆောင်တော် လပ်တော့ နှင့် အင်စတော်လာ စုံအလင်၊ အန်တီ ဗိုင်းရပ်စ်ကို ဒေါ်လာနှင့် လဲရအောင် မြို့ထဲသို့ ၀င်တော့မယ်၊ မှန်ဝိုင်းရှင် ဘော်သုံးက၊ လပ်တော့ကိုဆက်။

တခန်းရပ်။

မြို့တောင်မျက်နှာက အော်တိုကတ် အမျိုးသမီး ထွက်ဆိုရန်စကားမှာ-
သြော် စင်ကာပူရခေါ်၊ သည်ပြည်တော်မှာ၊ အကျော်ဇေယ၊ ခေါင်မှာစွဲအောင်၊ မွဲတေလှတဲ့၊ ကျွန်မ ကိုယ်ငယ်၊ တခါတရံ၊ လောကဓံမှာ၊ ကံမျက်စေ့ လယ်လို့မှ၊ ပြောင်နိုင်တယ် မရှိ။ Draft ဆွဲလို့ရောင်း၊ ၀မ်းကိုကျောင်းရတယ်။ အကြောတက်လို့ ဂိခဲ့ပြီ။ အသားတ၀က်၊ အရွက်တ၀က်၊ ထမင်း ပြက်သိကာ တရုတ်မ ဆိုင်မှာ၊ ဟင်းလျာက ဘီဟွမ်း(ကြာဆံ)၊ လည်ချောင်းကို မြေလှန်၊ ဂလုံဆန်အောင်၊ စုံကန်လို့မျှောရတယ်၊ ကောလိုက်တဲ့ကံ။ နာစီ ဂိုးရင်းနှင့် သောက်ရန်ချိုရည်၊ ကျွေးနိုင်တဲ့ မောင်များကို၊ လူ့ဘောင်တွင်တခါ၊ ကြုံစမ်းချင်ပါဘိ၊ ဇာတာထွန်းပေါ် ကံနှိုးဆော်လို့၊ မတော်တဆ၊ နာစီ မောင်မောင်၊ ဦးအချိုရည်ရို့နှင် အိမ်ထောင်များ ကျခါမှ၊ ၀၀ကြီး ဖောင်းလန်အောင် ၀မ်းစည်းစိမ်ခံတော့မယ်။

သြော်၊ တောင်ကြံမြောက်ကြံ၊ ဘရံတောက်တီး၊ ဆင်းရဲခန်းကို နိဒါန်းသွယ်လို့၊ ဘဲ့နှယ်ပင် ငြီးသော်လည်း၊ ဆန်နီးမယ် မဟုတ်၊ အော်တိုကတ် များများဆွဲနိုင်မှ ဒေါ်လာကို ကုပ်မိမယ်၊ တိုပေတောင့် စကပ်။ အနံက တထွာ၊ အလျားက တမိုက်၊ ကျော်ခွလျှင် မဖြစ်ပါတဲ့ မီနီစကပ်ကို သုံးလေးခါ ဖြန့်ကာ ဆန့်တယ် ပြုံကမ်းတွေကိုရွက်၊ မူရာတော် ကုပ်ချောင်းချောင်းနှင့် ပုံရောင်းထွက်တော့မည်၊ ကိုးမျက်စုံ မှန်ဝိုင်းလယ်က ပုံသည်ကို နေမမြင့်ရအောင် ဘတ်စ်ကားခ မစပါ့ဦး မောင်ကြီးရှင့်။

တခန်းရပ်။

တက္ကသိုလ်က ပြန်သော မင်းသားထ၍၊ ပြည်တော်သို့ရောက်စေ။ ခမည်းတော် သဘောအရ သော့အားလုံး မင်းသားလက်အပ်ခါ ဟောလီးဒေးသွားစေ။

တခန်းရပ်စေ။

အထက်က အိုင်တီ ယောက်ျားနှင့်၊ အော်တိုကတ် အမျိုးသမီးတို့တွေ့ကြရာ၊ မိန်းမက ဆိုရန်-
မျက်တွင်းဟောက်ပက်၊ အိတ်ကြိုးပျက်နှင့် ဘောင်းဘီညစ်ထေး၊ ခေါင်းမွေးဖြူတဲ့၊ ကျုပ်ဖအေငယ်၊ အင်စတော်လာ ရောင်းစား မောင့်စွမ်းအားနှင့် စီးပွားတနှစ်၊ ဘဲ့လောက်များ ဖြစ်ပါတုံး၊ စစ်စစ်ပေါက်ပေါက်၊ ၀မ်းရေးလောက်၍၊ စားသောက်သည်ပြင်၊ လက်ကပ်ခြေကပ်၊ ပိုမိုမြတ်လို့၊ အဖတ်တင်၊ အိမ်ပြန်ပို့ရ၊ ကျူပ်မောင်လှမှာ၊ ငွေစဘဲ့လောက်များသလဲ။ ခါးဝတ်လဲမှာ၊ မလွဲစင်စစ်၊ မျက်မြင်ဖြစ်၍၊ မစစ်သာဘူး၊ ဘလာချာချွတ်ခြုံ၊ ဖွားဖက်တော်မှ မပေါ်ရုံ၊ လုံအောင် အနိုင်ဖုံးရတယ်၊ စားဖွယ်သောက်ခင်း၊ ဘယ်ထမင်းနှင့်၊ ဘယ်ဟင်း ချဉ်ချို၊ ဘယ်နှယ့်များ မျိုရတုံး၊ နှမလိုစိတ်ကစွဲလို့၊ ဖြစ်နဲကို ပြန်စမ်းပါ မောင်ကြီးရယ်။

အိုင်တီ ယောက်ျားဆို။ ဆံပင်အဖြောင့်၊ တော်ကြာကောက်နဲ့ ခါးစည်းဝတ်လဲ တထွာတည်းကို ဟိုခွဲဒီခွဲ အကုန်ခွဲတဲ့ မမရယ်၊ အင်စတော်လာရောင်း စီးပွားကြောင်းနှင့် လူကောင်းကိုယ့်မောင်၊ ရုံးလှဆောင်၊ ၀အောင်စား၍၊ ခါးဝတ်တဲ့ပြင်၊ လက်ကပ်ခြေကပ်၊ ပိုမိုမြတ်လို့ အဖတ်တင်၊ MRT များ ATM ကြား၌ လုံစွာထား၊ ဒေါ်လာလေးရာ ရှိပါတယ်။ သည်ပစ္စည်းတွေ လေးရာငွေကြောင့် စိတ်သေလက်ချ၊ မအိပ်ရနိုင်ဘူး။ ညမှုညလူ၊ ကြွေးရှင်များဘူလွန်းလို့၊ ဟိုပုန်းဒီပုန်း တကုန်းကုန်းနှင့် ပုန်းခဲ့ကာလ မနည်းလှပြီ၊ ညစာနံနက်၊ စားရရက်မှာတော့၊ မဆာလာရောရော နာစီဆိုတဲ့ ထမင်းဟင်းကို ဂရင်းတီးနှင့် လည်ချောင်းကို စင်းပြီးလျှင် အတင်းသာ သွတ်ရတယ်၊ ခါးဝတ်လဲမှာ မျက်မြင်ပါဘဲ၊ ဥစ္စာပြည်စုံ၊ ဓနဂုဏ်နှင့် ကုံလုံဘိခြင်း၊ မသိမ်ဖျင်းပါဘူး၊ လူဆင်းရဲ မမှတ်ပါနှင့် အမိငယ်။

အော်တိုကတ် အမျိုးသမီးဆို။ ငွေလေးရာနှင့် ဋ္ဌေးအောင်ကြွယ်ဝ၊ ဥစ္စာပေါတဲ့ ဇောတိကငယ်၊ နှမမှာလဲ သည်လိုပဲ၊ ဘဏ်ထဲသို့မြုပ်၊ ကိုယ်သဘောကျ၊ ခင်ပွန်းများ ရခဲ့လျှင် သူထိန်းမကြီး လုပ်မယ်လို့၊ ငွေထုပ်ကြီးမား လူမသိအောင် ဖုံးဖိလို့ထားလိုက်တယ်၊ စီးပွားဆောက်ဦး၊ ကံချင်းဘဲနီးရောထင့်၊ မောင်ကြီးနှင့်တူရာမှာ၊ ငွေစိမ်းလေးရာ ရှိပါတယ်။ သည်ငွေလေးရာ ဥစ္စာဝန်လေးလွန်းလို့ အရေးမတော် ဖဲသမား ကတော်များ ဖြစ်ခဲ့သော်၊ ကူဖော်လောင်ဖက် မရှိရင် ခက်ထာမို့၊ နှစ်သက်လောက်သူ၊ စည်းစိမ်ကြီးကို ထီးလိုအုပ်၍ ချုပ်မည့်လူကို တဆူယောက်ျား ဇမ္ဗူမှာ ရှားလွန်းလို့၊ လင်သားမယူ၊ အပျိုကြီးလုပ်၍ ရွက်အုပ်သီး ပူရတယ်။ ကံတူတဲ့မဲ့သခင်၊ ဘယ်ခါမှ စုရုံးလို့၊ ရွှေပုံးရည် ချဉ်မယ်သိ၊ ထင်ရမက်ကယ်နှင့် စောင့်လျက်သာ နေရပါတော့တယ်၊ ကျုပ်မောင်ငယ်။

အိုင်တီ ယောက်ျားဆို။ ။ သုံးစွဲမကုန်၊ တောင်နှယ်ပုံ၊ ငွေမှုံလေးရာ၊ ခြိမ့်အောင်ကြွယ်တဲ့၊ မယ်သူဋ္ဌေးငယ်၊ ရွေးလွန်းလျှင်မရ သေးလွန်းလျှင် မလှတဲ့၊ ရှေးကပုံထား၊ လူထဲမှာနေ၊ လူ့ဖြစ်ထွေကို အကျေသားနှင့်၊ ဇာတ်သွားရှည်အောင် အရေးဆောင်လို့ ကွေ့ချောင်ေ၀၀ုစ်၊ ဘောက်စရာလုပ်ရတုံး၊ ငွေထုပ်ချင်းတူ၊ လူရွယ်ချင်းမျှ၊ အလှချင်းနတ်ဖက်၊ တိုင်း၍ရက်တဲ့ ပက္ကလာ၊ မိုးရွာသည်နှင့် အခန့်သင့် အခွင့်ဆီဆိုင်၊ အတိုင်အလှဲ့၊ အစပ်ဖြင့်တဲ့လှပေါ့ ဂျင်ပဲ့ချင်းပေါက်ကြစို့၊ နောက်မဆုတ်တမ်း၊ သည်ယနေ့တွင်ဖြင့်၊ ဘီလူးတွေ့လက်ရ သိမ်းလို့ အစိမ်းဖမ်း ဖမ်းတော့မည်၊ ပတ်ကြမ်းတီး၊ ပွဲပြီးစေကြစို့ငဲ့လေ အမိရယ်။

အော်တိုကတ် အမျိုးသမီးဆိုရန်။ ။ မကြီးသက်လှယ်၊ မျက်ထားချိုတဲ့ ကိုကိုရယ်၊ ချစ်တယ်ကြိုက်တယ်၊ အတင်းအကြပ်၊ နောက်ပိုးထပ်လို့၊ ခွေးငတ်နှင့် ဖိနပ်ပြတ် ဖြစ်လေသည်။ ဘယ်နှယ့်တုံး ခုတင်ခု၊ အရပ်မှုဆောင်သလို၊ တော်ရုံပင်သော့ပါရော့၊ ပေါ့ပေါ့တန်တန် ဂျီတော့က ဇာတ်လမ်းများ ဖန်သရော့ထင်၊ တနပ်စားမကြံ၊ တကယ်တမ်းမှန်ပါလျှင်၊ စားရန်ခန်းဝင်၊ ပွဲလယ်ဝင်ရန်၊ ဒေါ်လာအသပြာ ငွေလေးရာကို မြန်စွာသာ ယူချေတော့ မောင်ကြီးရယ်။

အိုင်တီယောက်ျားဆို။ ။ ဟဲ့ဘကြီးသား၊ တခါများဖြင့် သိကြားစောင်မ အိစိကလိလေးလည်း ရပေပြီ။ လူတကာ့နဲ့ ကြင်ရာနတ်ဖက် မောင်ကြီးသက်ကို လက်ချင်းတွဲလို့ ကလပ်သဘင် အခဲသားဝင်ရအောင် ATM ကြား ငါဝှက်လို့ထားခဲ့တဲ့ ကြေးများစွာကို မကြာချက်ချင်း MRT နှင်း၍ ငွေစယူ ကြွတော့မည်။ မတီးမစောင်း ဗိန်းမောင်း.....

ဂသို့နှယ် ပွားပြီးသကာလ ရှိစုမဲ့ MRT ကဒ်လေးနဲ့ ရထားစီးပြီး ချွေးဒီးဒီးကျနေတာကို ရထားပေါ်က ကောင်မလေးတွေကို မှန်ပြောင်းတလက်နဲ့ ငမ်းကျောထနေတဲ့ ဆိုက်ပရက်စ် မင်းသား တွေ့မြင်လေ၏။ ခါးကြားက ဟမ်းဖုန်းထုတ်၍ လှမ်းပွားလေသည်။

"ပေါ်ပေါ် ဂလောက် လူကြပ်ကြပ်ရထားကို ဘဇာကြောင့် အသည်းအသန်စီးနေတာတုန်း"
"အကိုတော် ဇာတ်မင်းသား၊ ကောင်မလေးနှင့် ကလပ်သဘင် ဆင်နွဲရန် ATM မှာ ငွေသွားထုတ်မလို့ပါ"
"how much?"
"ဖိုးတွမ်းတီ"
"နင် ဘုန်း ထားသမျှ အကုန်ပဲလား၊ မသွားနဲ့ ငါ ၂ ကျပ်တိုးနဲ့ ချေးမယ်၊"
"အကိုတော် ချေးသမျှလည်း ပြန်မဆပ်ဘဲ ယူမယ်၊ ဘဏ်ထဲက ပိုက်ဆံလည်း သွားထုတ်မယ်"
"မသွားနဲ့ ကိုဘိုဘို အကြွေတွေ ရှိတယ်၊ ငါပေးမယ်"
"အကြွေတွေလည်းယူမယ်၊ ငွေလည်းထုတ်မယ်"
"မင်း အိမ်ရှာနေတာမဟုတ်လား၊ ကိုဘို့ အိမ်မှာ လာနေကွာ ငါပြောပေးမယ်"
"ON"

ထိုသို့ ကိုဘိုဘို အိမ်တွင် မင်းပြိုင်ပြုနေကြရာ၊ တနေ့သော် စီးတီးဟောမှာ ဇာတ်မင်းသားကိုဖိုးစိန်ကို နပုန်း ပဏ္ဍုက်တယောက်လက်ထဲ ထည့်ပြီး ကိုဘိုကို အပိုင်သိမ်းရန် ကြံစည်လေသည်။ တဖန်လည်း အကိုတော်သည် ငါ့အား နာဂစ်ဒုက္ခသည်ဘ၀လို မဖြစ်အောင် ကူလီကူမာ လုပ်ပေးခဲ့သည်။ ငါ၏အကြံသည် မသင့်တော်ပါ့လားဟု နပုန်း ပဏ္ဍုက်ဆီပို့မည့် မတ်ဆေ့ခ်ျ်ကိုပိတ်၍ ကြိတ်မှိတ်နေလေ၏။ ဤသို့ သုံးကြိမ် ကြံစည်ပြီးသော် ငါ့အား မကောင်းမှုများလတ္တံဟု ကိုဖိုးစိန်ကို ပြောပြလေသည်။

ထိုအခါ ကိုဖိုးစိန်က "ငါတင်းတယ် ဆိုက်ပရက်စ် ပြန်တော့မယ်။ နင် မင်းမူတော့ ကိုဘို့ဆီမှာ ငါလည်း ဟိုတယ်မှာပဲ နေတော့အံဟု" ဆိုလေသည်။

"အို အကိုတော် မရှိလျှင် ကျုပ်လည်း မနေလိုတော့ပြီ၊ တပ်မက်သော တဏှာသည် ကျုပ်ကို ဖျက်ဆီးလတ္တံ။ တဏှာလောဘ၏ အပြစ်ကို မြင်ပြီ။ အကိုတော်သာ နေပါတော့။ ကျုပ် အရင်လို ၂ ထပ် ခုတင် သုံးလုံးထည့်ထားတဲ့ အခန်းမှာသာ နေပါတော့မည်ဟု ငိုယိုပြီး ပြောမယ် သင်ထင်သလား။ သူတကယ်ပြောတာက ၀မ်းသာအဲလဲ အသံကြီးနဲ့

" အ ဂယ် လားးးးးးး"ဟူသတတ်။

ရေတမာ
11;36 Sat
12-12-09

မှီငြမ်း။ ။ အမျိုးသားပညာဝန် ဦးဖိုးကျား၏ စလေဦးပုည၏ အတ္တုပ္ပတ္တိ နှင့် ဂင်္ဂါမာလဇာတ်ခေါ် ရေသည်ပြဇာတ်

ငါ့အကို တနင်္လာသားကြီး

2009-12-10T09:02:00.003+08:00

မျက်နှာကို မအုပ်မိဘဲ
ငါဘာကြောင့် မျက်ရည်ကျနေတာလဲ
ငါ့အကို တနင်္လာသားကြီး
လူတောထဲ
ရိုးရိုးကြီး ငေါထွက်ပြီး အ နေဦးမလား
အ အကြီး ငေါထွက်ပြီး ရိုးနေဦးမလား
ငါ့အကို တနင်္လာသားကြီး
“ကူ၍ တွန်းပေးကြပါ”ဆိုင်းဘုတ်
ငါ့အကို တနင်္လာသားကြီး ရိုက်ခွဲခဲ့လိမ့်ဦးမယ်
အစ်ကိုဆိုတာ
အဖေနံ့သင်းမှ လှတာ
ငါ့ဖိနပ်ဟောင်းကို လဲစီးသွားတုန်းက
တခန်းလုံး ကြိုင်နေတဲ့အနံ့
အခန်းထဲလည်း ပန်းခင်းကြီး ရှိမနေဘူး
ကြယ်အသစ်တလုံးက နေ့ခင်းကြောင်တောင်
ထွက်လာတယ်
ဘယ်က သင်ယူခဲ့ရသလဲ
ချုံခိုမှည့်တဲ့ အရသာက သူ့အကျင့်၊ ပိုချိုတယ်
ရင်ဘတ်ကို ခေါက်ကြည့်လိုက်တယ် ဆိုရင်ပဲ
မရိုးသားမှုတွေလည်း လျောခနဲ ထွက်ကျလာတယ်
ငါ့အကို တနင်္လာသားကြီး
လူလူချင်း မျဉ်းမပိတ်တတ်ပေဘူး
အရေပြား နှစ်ထပ်ရှိတဲ့လူတွေ
ဘယ်တော့မှ မတွန့်ကြေဘူး
တခုတည်းသော အရေပြားကို ဖြန့်ခင်းလို့
အမြဲတမ်း တွန့်ကြေနေရဲ့
ငါ့အကို တနင်္လာသားကြီးက ပိုလှတယ်
သူဆေးလိပ်များများဖွာမှ
မိုးများများရွာတယ်
ခု ငါ့အကို တနင်္လာသားကြီး
ဘယ်ဆိုင်းဘုတ်ကို ရိုက်ခွဲဦးမလဲ။

လူနှင်းချို (မတ္တရာ)
ရယ်စရာ အမှတ် (၄၈) နိုဝင်ဘာ ၂၀၀၉

p.s i miss you bro!

မုန့်လုံးစက္ကူကပ်

2009-12-08T12:11:00.002+08:00

ကပ်လိုက် ခွာလိုက်
ခွာလိုက် ကပ်လိုက်
လျှော့လိုက် တင်းလိုက်
တင်းလိုက် လျှော့လိုက်
ပေးလိုက် ယူလိုက်
ယူလိုက် ပေးလိုက်
ရှုပ်လိုက် ရှင်းလိုက်
ရှင်းလိုက် ရှုပ်လိုက်
ဖြေလိုက် ချည်လိုက်
ချည်လိုက် ဖြေလိုက်
ပြုံးလိုက် မဲ့လိုက်
မဲ့လိုက် ပြုံးလိုက်
ခြောက်လိုက် ချော့လိုက်
ချော့လိုက် ခြောက်လိုက်
ပျော့လိုက် မာလိုက်
မာလိုက် ပျော့လိုက်
သေမလိုနဲ့ ရှင်
ရှင်မလိုနဲ့ သေ
အစွန်းနှစ်ဘက် ပြေးနေသူရဲ့
ဆုံးရင် ပြန်စတဲ့ဇာတ်
မုန့်လုံး စက္ကူကပ်။

မိုးဦးဆွေညိန်း
ရယ်စရာ
အမှတ်(၄၈)နိုဝင်ဘာ

ရင်ထဲက ခုနှစ်ရာတစ်ဆယ့်သုံး

2009-11-28T15:58:00.010+08:00

သူငယ်ချင်းတယောက်က သူ့အဖေကို သွားကြိုဖို့ ရန်ကုန်သွားမယ် လိုက်မလား၊ ကျိုက်ထီးရိုးပါသွားမယ် ဆိုပြီး မဲဆွယ်တာနဲ့ မာတာမိခင်ကြီးဆီကို ပါမစ်တင်လိုက်တဲ့အခါ ဘုရားလည်ဆိုတော့ မချစ်သော်လည်း နမ်းခဲ့ပါတယ်။ ညီတယောက်ပါ အဖော်အဖြစ်ခေါ်ပြီး ၄ယောက်ပေါင်း မြောင်းကျော်ခဲ့ကြတယ်။ ဂတီးဂတီးစီးရမည့် ရထားကြီးကို ရန်ကုန်ကို ဦးတည်လိုက်ပါတယ်။ ၄ယောက်ဆိုတော့ ထွေရာလေးပါးလေးတွေ ပြောပြီး ခရီဆက်လာတာ ဆင်မြို့တော် ကျောက်ဆည်ရောက်တဲ့အခါ သူငယ်ချင်းက မေးတယ် “ခုစီးလာတဲ့ ရထားကြီးရဲ့ ဘယ်ဖက်က ကျောက်ဆည်ဆိုတော့ ညာဖက်ကရော ကျောက်ဆည်လား”တဲ့။ တယောက်ကလည်း မီးကလည်းမှိန်လိုက်တာလို့ အပြစ်တင်တယ်။ တကယ်တမ်း မီးချောင်းကို မရှိတာပါ။ ရယ်စရာဟာသလေးတွေ အသံဖမ်းပြီး ခရီးဆက်လာတာ မနက်မိုးသောက် အလင်းရောက်တော့ ရန်ကုန်ဘူတာကြီးကို ဆိုက်ရောက်ပါတယ်။

တည်းခိုရမည့် အင်းစိန်ကို အဆင်ပြေချောမောစွာ ရောက်ရှိခဲ့ပါတယ်။ သစ်တောဝင်းတလျောက် လျှောက်ကြည့်ဓါတ်ပုံရိုက်၊ ကျိုက်ထီးရိုးသွားဖို့ အောင်မင်္ဂလာအဝေးပြေးကွင်းမှာ လက်မှတ်သွားဝယ်ကြတယ်။ “ခရေပင်လမ်းခွဲ” ဆိုတဲ့လမ်းအမည်ကို သိပ်သဘောကျတယ်။ ညမှာ ကာရာအိုကေနဲ့တွဲထားတဲ့ ဘီယာဆိုင်ကို တအံ့တသြတွေ့ရသေးတယ်။လေဆိပ်မှာ သွားကြိုပြီး လှိုင်က သူတို့အမျိုးတွေက ထမင်းစားဖ်ိတ်တော့ ညစာသွားစားကြတယ်။ ချောင်းဝရောက်တော့သူငယ်ချင်းအဖေရဲ့ ရုံးက မာဇဒါဂျစ်ကို အလိုင်းမင့် ချိန်ကြတယ်။ ကျနော်တို့စီးလာတဲ့ကားပေါ့။ အလိုင်းမင့်ချိန်နေတုန်း ဖုန်တက်နေတဲ့ ကားရဲ့နောက်မှန်ကို အရူးမ တယောက်ကနေပြီး စာလာရေးတယ်။ “ခုနှစ်တစ်သုံး”ဆိုပြီး။ “သုံး”ရေးလို့မပြီးခင်မှာ ကားကထွက်သွားရော။ ဒါနဲ့ သူငယ်ချင်းသုံးယောက်တိုင်ပင်ကာ “၇၁၃”ဆိုပြီး ချဲစပ်တူ ထိုးကြမယ်လို့ဆုံးဖြတ်လိုက်ကြတယ်။

နောက်တနေ့ အောင်မင်္ဂလာကားကွင်းကနေ ကျိုက်ထီးရိုးတောင်ဆီ ခရီးထွက်ခဲ့ကြပါတယ်။ ငိုက်တလှည့်၊ ငေးတလှည့်ခရီးဆက်ရင်း တောင်ခြေကို ဆိုက်ဆိုက်မြိုက်မြိုက် ရောက်ရှိခဲ့ပါတယ်။ တောင်ခြေမှာ ထမင်းစားသောက်၊ ခတ္တနားပြီးလျင်တောင်တက်ခရီး စတင်ခဲ့ကြပါတယ်။ ငယ်ငယ်ကဖတ်ခဲ့ရတဲ့ ဆရာဆွေမင်း(ဓနုဖြူ)ရဲ့ တွတ်ပီစာအုပ်လေးကိုပြန်မြင်ယောင်မိပါတယ်။ ဆရာစာအုပ်လေးထဲကအတိုင်း တထေရာထဲပါပဲ။ ကျနော်တို့ သူငယ်ချင်း တတွေလည်းတဆိုင်ဝင် တဆိုင်ထွက်နဲ့ တောင်ဝှေးဝယ်ယူရင်း တောင်စတက်ကြပါတယ်။

နယ်မြေစိမ်းလို့လားမသိဘူး တမျိုးလေးဖြစ်နေတယ်။ မိနစ်အတော်ကြာ ခရီးဆက်လာလိုက်တာ လမ်းခရီးမှာ ရှိတဲ့အိမ်လေးကို မေးကြည့်တော့ ခုမှ အစပဲရှိသေးတယ်တဲ့။ ကံဆိုးချင်တော့ ကျနော်အ၀တ်အစားတွေ ယူလာတဲ့အိတ်က ကျောပိုးအိတ်မဟုတ်ဘဲ လက်ဆွဲအိပ်ဖြစ်နေတော့ အချိန်ကြာလာတာနဲ့အမျှ လေးလာတယ်။ ကျောပိုးအိတ်ယူလာတဲ့သူငယ်ချင်းတွေလည်း တယောက်ပြောင်းသယ်နေကြပါတယ်။ မထူးဘူးဆိုပြီး အိတ်ကို တောင်ဝှေးနဲ့ လျှိုပြီးထမ်းလာကြတယ်။ ကျနော်တို့ တောင်တက်ခရီးက ခြောက်ကပ်ကပ်ရယ်ဗျ။ စာအုပ်တွေထဲကလို အခြားအဖွဲ့တွေလည်းမတွေ့ဘူး။ ချွေးတပြိုက်ပြိုက် ပူလောင်အိုက်စပ်စပ်၊ သီချင်းတကြော်ကြော်၊ ပုခုံးစပ်ဖျဉ်းဖျဉ်း၊ အူတမြူးမြူးနဲ့ တတောဝင်တတောင်တက် ခရီးဆက်ခဲ့ကြတာ အတော်တောင် ခရီးပေါက်ပြီကော။

ဖုန်တသောသော၊ တောနံတောင်နံလေး တသင်းသင်းနဲ့ အရသာတော့ အရှိသားဗျ။ နာမည်ကြီးတဲ့ ရေမြှောင်ကြီးရေမြှောင်လေး ရောက်ပါပြီ။ ခရီးသွားတွေကို အတင်းဆွဲတယ်ဆိုပြီး သတင်းသဲ့သဲ့ကြားထားတော့ လန့်လည်းလန့်ပါတယ်။ဟိုရောက်တော့ ဒီလောက်မဟုတ်ပါဘူး။ ကျနော်တို့လည်း ခဏ တဖြုတ်နားပြုပြီး စခန်းက ထွက်လာခဲ့ကြတယ်။စိုင်တမော့ရောက်တော့ အောက်မှာ ခဏနား။ အပေါ်ရောက်တော့ ဘူးသီးကြော်စားကြတယ်။ အချဉ်က ဖြစ်သလိုပါပဲ။တောတောင်ဆိုတော့ ရှားပါးတာလည်း ပါတာပေါ့။ ဖိုးပြန်တောင်၊ နဂါးပတ်တောင်၊ မြေဖြူတောင်တွေ ဖြတ်ကျော်အပြီးကျိုက်ထီးရိုးစေတီကြီးကို လှမ်းပြီး မြင်လိုက်ရတယ်ဆိုရင်ပဲ ပမ်းသမျှ အမောတွေ ပြေပျောက်သွားပါတယ်။ ဒါပေမယ့်ရင်ပြင်တော်ဆီရောက်ဖို့ ၁မိုင်လောက်လိုပါသေးတယ်။ လမ်းမှာတွေတဲ့ စေတီမှာ ကျန်ခဲတဲ့ NCC7 မောင်နှမတွေအတွက် ခေါင်းလောင်း လှူဒါန်းပေးခဲ့တယ်။

ရင်ပြင်တော်ပေါ်ရောက်တော့ အပြေးလေးသွားခဲ့ရပါတယ်။ ဘုရားဖူးချင်တဲ့ဇောတော့ မဟုတ်ပါဘူး။ ကျောက်ပြားတွေကပူလွန်းလို့ပါ။ ရင်ပြင်တော်ပေါ်ကဆင်းပြီး ထမင်းဆိုင်လေးတွေရှိတဲ့ဖက်ကို ဆင်းပြီး နားခိုဖို့ ပြင်ဆင်ရပါတော့တယ်။အဆင်ပြေပါတယ်။ ဈေးကြီးတာကလွဲရင်ပေါ့။ အနီးအနားက တောင်တွေဖက်သွားရင်း ကိုနိုင် သိပ်ကြိုက်တဲ့ နာမည်လေးတွေ့ခဲ့ရတာလည်း အမှတ်တရပါပဲ။ ညဖက်တော့ ဘုရား မရှိခိုးနိုင် လောက်အောင် လေတိုက်တယ်ဗျ။ မွေးပျံတဲ့ရနံတွေနဲ့အတူ ကျောချမ်းစရာ အဖြစ်လေးတွေလည်း ကြုံခဲ့ရတယ်။ ရောက်ဖူးတဲ့ သူငယ်ချင်းတွေကလည်း ရီစရာအဖြစ်လေးတွေ ပြောရင်း ညချမ်းကို အဆုံးသတ်လိုက်ကြတယ်။ နောက်တနေ့ လျောက်လည်ကြရင်း ဆေးတွေဝယ်၊အမှတ်တရပစ္စည်းလေးတွေဝယ်ကြတယ်။ ncc7 မောင်နှမတွေအတွက် အကျီလေးတွေ ၀ယ်ခဲ့တယ်။ ခါးနာတတ်တဲ့အဖေ့အတွက် လိမ်းဆေး တပုလင်း ၀ယ်ခဲ့တယ်။ အမအတွက် ဖျင်အကျီလေးတထည်။(တသက်နဲ့ တကိုယ် ဒီတခါပဲဝယ်ပေးဖူးတယ်ထင်တယ်)။ အမေ့အတွက်နံသာဖြူပုတီးလေး လက်ဆောင်ဝယ်ခဲ့တယ်။ ဒီလိုနဲ့ လာလမ်းလေးအတိုင်းပြန်ဆင်းပြီး ကျနော်တို့ ကျိုက်ထီးရိုးခရီးစဉ်လေးကို အဆုံးသတ်လိုက်ကြတယ်။

ရန်ကုန်မှာ သူငယ်ချင်းအဖေ လုပ်စရာလေး မပြတ်သေးတာ တကြောင်း၊ ရန်ကုန် ရောက်တုန်း လျှောက်သွားကြတယ်။ဘတ်စ်ကား စီးကြတယ်။ ကြို့ကုန်းအပေါ်နဲ့ အောက်လမ်းမှားစီးလို့ ဂိတ်ဆုံးကနေ ဖရဲသီးစားပြီး ပြန်စီးရသေးတယ်။ ဒီလိုနဲ့မန္တလေးရွှေမြို့တော်ကြီးကို ပြည်တော်ပြန်ခရီး မြန်းခဲ့ကြပါတယ်။ အိမ်ရောက်တော့ အမေနဲ့ အဒေါ်ကို အရူးမကြီးအကြောင်းပြောပြတော့ အဒေါ်က သူဈေးကနေထိုးပေးမယ်တဲ့။ သူငယ်ချင်းတွေကိုလည်း ထိုးမယ့်အကြောင်းပြောလိုက်တယ်။ သူတို့ကလည်း ပေါက်ရင် ရှယ်ရာလာပေါ့။ အရင်းကတော့ ပေါက်မှပေးမယ်။ ကျနော်အိမ်ပြန်ရောက်တော့ချဲဖွင့်ပြီးတာ ၃ ၄ ရက်ပဲရှိသေးတယ်။ နောက်ထပ်ဖွင့်ဖို့ စောင့်ရဦးမှာပေါ့။

အိမ်မှာ လက်သမားတချို့ အလုပ်လုပ်နေကြတယ်။ သူတို့လည်း အေးရာအေးကြောင်းအလုပ်လုပ်နေကြတာ ကြာပေါ့။ ကိုယ်လည်း အေးရာအေးကြောင်း ကာတွန်းဖတ်လိုက် ဂိမ်းဆော့လိုက် သူတို့နဲ့ လေပန်းလိုက်နဲ့ အဖွဲ့ကိုကျလို့။ တနေ့ သူတို့ အလုပ်လုပ်နေတာ နေစောင်းတော့မယ်။ လက်သမားလေးတယောက် လုပ်လက်စ အလုပ်လေးပစ်ထားပြီး အပြင်ခဏထွက်သွားတယ်။ ပြန်လာတော့ ၀မ်းသာအဲလဲ အသံနဲ့ ကျနော် တွတ်ရတယ်ဗျတဲ့။ နေပါဦး ဘာဂဏန်းတုန်းလို့ မေးလိုက်တော့ "၇၁၃"တဲ့။

အချစ်တလင်းမှာ စစ်မခင်းချင်တော့ဘူး

2009-11-24T11:50:00.004+08:00

HI 5 မှာ အရမ်းမိုက်တယ် ဆိုတဲ့ မင်းနဲ့
BLOGGER မှာ အတော်ကြာမှ သိခဲ့ရတယ်။

FACEBOOK မှာ ခလေးလိုလို လုပ်နေလို့
YAHOO MESSENGER မှာ“မရဘူး အမြန်လာ”လို့နောက်တော့
PFINGO မှာ “ဟင့်အင် သွား လူဇိုး”တဲ့။
FRIENDSTER မှာ “ချန်မထားနဲ့”ဆိုတော့
VZO မှာ “ပလီချက်ကို” လို့ပြောတယ်။

ZORPIA မှာ အမုန်းကြီးထွားတုန်း
WAYN မှာကျ “ပိန်း”လိုက်တာလို့ ပြောပစ်လိုက်တယ်
TWITTER မှာ “ရှင်မလာ”နဲ့ဖြစ်ရော
MY SPACE မှာ ပြိုင်မဟေ့ လို့အားတင်းခဲ့ပေမယ့်
GTALK မှာတော့ အပီပြန်ချော့ခဲ့ရတယ်ဗျာ။

ဒီလိုနဲ့
MSN မှာ သူကျနော့ကို ပြန်ဆက်ပြန်တယ်။
GOOGLE မှာ အတူတူလှဲ ရင်းးးး
YAHOO မှာ ပျော်မြူးခဲ့ကြလေသတည်း။

ရေတမာ
12း27 TUE
24-11-09

ကိုယ်ချင်းစာပေးပါ

2009-11-23T08:57:00.004+08:00

ရင်ထဲ ကလိကလိ ဖြစ်နေလို့ ပြောပြရဦးမယ်။ သူလို ကိုယ်လို သိပြီးသား အကြောင်းပါပဲ။ ဓါးနှစ်လက် ပုဆိုးလိုပေါ့။ လောကကြီးမှာ ဒီလို လူမျိုးတွေလည်း ရှိသေးတယ်ဆိုတာ မှတ်မိနေအောင်။ လူအမျိုးမျိုး နတ်အထွေထွေ ဆိုတာ ရှိတယ်မဟုတ်လား။ ကောင်းတာရှိသလို ဆိုးတာလည်း ရှိတာတော့ ကျနော်ပြောမှလား ခင်ဗျားလည်း သိတာပဲ ဟုတ်တယ်မို့လား။ ဒါနဲ့များ ဘာလို့ ပြောနေသေးလဲ ပြောမယ်မဟုတ်လား ကလိ ကလိဖြစ်နေလို့ပါဆိုဗျာ။

ကျနော် ငယ်ငယ်က အိမ်ကို ကျနော်နဲ့ ရွယ်တူ ကျနော့ ညီတစ်ယောက်ရောက်လာတယ်။ ကျနော်နဲ့အတူ ကစားဖော် ကစားဖက်ပေါ့။ သူ့ကို ကိုယ်ထိလက်ရောက် နာကျင်အောင် စနောက်ဖူးတယ်။ ပျော်တာပေါ့ သူများ နာကျင်တာပဲ။ ခံပြင်းတာပဲ။ စိတ်ဆိုးတာပဲ။ တနေ့ သူအသားကို နာကျင်အောင် စလိုက်တယ်။ သူတော်တော် စိတ်ဆိုးပြီး ကျနော့ကို အသားကို တန်ပြန် နာကျင်အောင် လုပ်လိုက်တယ်။ ဒီနာကျင်မှုကို ခံစားလိုက်ရတဲ့ အချိန်မှာ ကျနော့် အသိစိတ်ထဲ အသိတခုဝင်လာတယ်။ ဘာလို့ထင်လဲ။ ကိုယ်ချင်းစာစိတ်ဗျ။ ကျနော် နာကျင်အောင် စနောက်လိုက်တုန်းကလည်း သူတော်တော် နာကျင်သွားမှာပဲ ဆိုတဲ့ အသိဝင်လာတဲ့အခါ သူ့အသားကို နာကျင်အောင် ကျနော်မလုပ်တော့ဘူး။

ရပ်ကွက်ထဲမှာ အစ အနောက်သန်တဲ့ အကိုကြီး တစ်ယောက်ရှိတယ်။ သူငယ်ချင်းတွေ ဆုံတုန်း စကြနောက်ကြတယ်။ သူငယ်ချင်းတစ်ယောက်ရဲ့ ခေါင်းပေါ် အမှိုက်စ တစ တင်လိုက်တယ်။ အတင်ခံရတဲ့လူက ခံပြင်းတာပေါ့။ နောက်တခါ ကျနော် စမယ်အလုပ် သူကတားတယ် “ကိုယ်စနောက်လိုက်လို့ သူတစ်ပါး စိတ်ဆိုးသွားရင် တခါဆို တော်ပြီ”တဲ့။ သူသည်းခံနိုင်တဲ့ လစ်မစ်ကျော်သွားရင် မကောင်းတော့ဘူး။ ခုထိ ကျနော်စွဲနေတုန်းပဲ။ ကျနော် စနောက်လိုက်လို့ စိတ်ဆိုးသွားရင် နောက်တခါ ကျနော် မစတော့ဘူး။

ကျနော်နဲ့အတူ အခန်းဖော် တယောက်ရှိတယ်။ ခြေမငြိမ် လက်မငြိမ်ထဲကပေါ့။ နှစ်ယောက်ထဲ ရှိတော့လည်း ဒီလူပဲ စနောက် စရာရှိတာပဲလေ။ ကိုယ်ထိလက်ရောက်ရော၊ စိတ်ခံပြင်းအောင်ရော မျိုးစုံ စနောက်တယ်။ သည်းခံပါတယ်။ မကောင်းဘူးလေ ဒီနှစ်ယောက်ပဲရှိတာ။ ကျနော်စိတ်က ညစ်နေတတ်တာ များတယ်။ ဒါကို ဂုဏ်တခုလို အသားယူပြီး ပြောနေတာမဟုတ်ဘူးနော်။ တယောက်တည်း အေးဆေးနေချင်တာ များတယ်။ ဆူဆူညံညံ ပူညံပူညံ မကြိုက်ဘူး။ ဘ၀င်မကျတာ ခပ်များများ။ ကိုယ်ချင်းစာ စေချင်တယ်။ ငါမကြိုက်သလို သူလည်း ကြိုက်မှာ မဟုတ်ဘူးလေ ဆိုတဲ့ အသိလေးရှိအောင် တန်ပြန်လုပ်ပေးတယ်။ မရပါဘူး ကောက်မြဲပါပဲ။ ဒီလို လူမျိုးလည်း ရှိသေးတယ်ဆိုတာ သိလိုက်ရတယ်။

လူဆိုတာ အူမြူးလာရင် စချင်နောက်ချင်တယ်။ အူမြူးနေရင် ဒီစကားပုံလေးကို သတိရတယ် “ခွေးရွှင်ရင် ယုန်ရတတ်တယ်၊ လူရွှင်တယ် ငိုရတတ်တယ်”ဆိုတဲ့ စကားလေးပဲ။ ကိုယ်ချင်းစာစိတ်လေး ရှိရင် ပြဿနာတွေ တော်တော်များများ ပြေလည်နိုင်ပါတယ်။ ကျနော်လည်း အများကြီးရှိလို့ပြောတာမဟုတ်ပါဘူး။ လောဘ၊ ဒေါသ၊ မောဟ နဲ့ ပတ်သတ်လာရင် ကျနော်လည်း ကိုယ်ချင်းစာစိတ် စိုးရိမ်ရေမှတ်ကို ရောက်နိုင်ပါတယ်။

မိတ်ဆွေရော သူတပါး ခံပြင်းအောင် စနောက်ဖူးလား?
အဲဒီနေရာမှာ မိတ်ဆွေ ဆိုရင်ရော ခံနိုင်ရည် ရှိရဲ့လား?

ဆရာအတ္တကျော်(ဆူဒိုနင်) စကားယူသုံးရရင်
တွေးတောဆင်ခြင်နိုင်ပါစေ
ရေတမာ
10;14 MON
23-11-09

စိတ်ကူးချိုချို

2009-11-21T10:27:00.005+08:00

ဆောင်းမနက်ခင်း လေပြည်လေးများ ကလေးများသဖွယ် ဟိုတိုး ဒီဝှေ့နှင့် ရွာလမ်းမလျောက် ပြေးလွှားတိုက်ခတ် နေ၏။ ကလေးငိုသံ၊ ပုခက်လွဲသံ၊ ကြက်၊ ငှက်သံမှ တပါး တိတ်ဆိတ်လို့နေသည်။ အသေအချာရက်တွက်ကြည့်လျှင် ချစ်ကြည်ရေးဘောလုံးပွဲပြီးကတည်းဆို ရက်သတ္တနှစ်ပတ်မျှ ရှိလေပြီ။ ကြားနေကျ ရီသံများ မကြားရတော့ တခုခုလိုနေသလို။ ပျော်စေချင်၍ ဖန်တီးခဲ့သော အရာတခုမှ အပျက်သဘော ဆောင်လေပြီ။ ရွာသူရွာသားများ စည်းလုံးကြပါသည်။ ချစ်ကြည်ရင်းနှီးကြပါသည်။ မည်မျှ စိတ်ဆိုးစေကာမှာ ခွင့်လွတ်နားလည်ပေးတတ်ကြပါသည်။ ယခု ဘောလုံးပွဲပြီးကတည်းက တယောက်နှင့် တယောက် မခေါ်နိုင် မပြောနိုင်ဖြစ်ကာ စိမ်းကားနေကြသည်။

မိုးရွာထဲတွင် ဘောလုံးကစားကြသဖြင့် မိပြာလေး၊ ကိုရင်ဆောင်းချမ်း၊ မခင်စိုး တို့ဖျားကြလေသည်။ မခင်စိုးမှာ အဖျားကြီးသဖြင့် မြို့ဆေးရုံသို့ပင် ပို့ဆောင်ခဲ့ရ၏။ လိုက်ပါပို့ဆောင်သူများ ယူလာသော သတင်းစကားမှာ အမျိုးများ ရှိရာ တခြားရွာတွင် စိတ်ပြေလက်ပျောက်သွားနေမည်ဟုပင်ဖြစ်သည်။ မိနွေးလေးကလည်း သူ့သွားပြန်မပေါက်မချင်း အပြင်မထွက်ဟုဆိုကာ မြို့သားကိုတင်မောင်ဋ္ဌေး အယုအယအောက်တွေ မှိန်းနေလေသည်။ အငယ်မမိမုန်းသူက မုန့်ဖက်ထုပ် မစားရဘဲ အရူးလုပ်ခံရသည် ဆိုသော အကြောင်းပြချက်ဖြင့် အားလုံးကို စိတ်ဆိုးသည်ဟုဆိုကာ ကိုရင်ရာကျော်အိမ်တွင် ဟင်းချက်သင်နေလေသည်။ ကိုရင်ပေါ်လေးနှင့် မလေးမေကလည်း တကျက်ကျက်။ ကိုပေါ်လေး ချဉ်ခြင်းတပ်နေသော အရာကို မလေးမေက အခွင့်အရေးယူကာ နောက်ပြောင်သည်ဟု စွဲချက်ဖြင့် မခေါ်နိုင်ကြတော့။ ကိုရင်ဖိုးသင်္ကြန်နှင့် ကိုရင်သီတို့ ကာလသားအဟောင်းရော အသစ်များကပါ လူကြားထဲတွင် အရှက်ကွဲသည်။ ကြီးနိုင်ငယ်ညှင်းလုပ်သည် စသည်ဖြင့် မကျေနပ်ကြတော့။

ဆောင်းလေက အရိုးအေးအောင်ချမ်းလှသည်။ ရွာဦးကျောင်းမှ အုန်းမောင်းခေါက်သံသဲ့သဲ့ကြားရ၏။ မနက်လေးနာရီထိုးပြီ။ ကိုရင်ထွန်းနိုင် ထင်းတိုက်ရန် စောစောထွက်ရမည်။ ငယ်ငယ်ကတော့ ရွာနီးနားတွင် ထင်းခုတ်၍ရသော်လည်း တောပြုန်းခြင်း တောင်ယာမီးရှို့ခြင်းတို့ကြောင့် ယခုဆို ရွာနှင့် အတော်ဝေးကွာသော တောင်များသို့ စောစောသွား၍ ခုတ်ယူရသည်။ ကိုရင်ဖိုးသင်္ကြန်လည်း နွားစာတိုက်ရန် ထွက်လာသည်။ သူတို့ ဦးတည်ရပ်ကတော့ ဆန်ကျင်ဘက်။ တောသူတောင်သားများမှာ လက်လှုပ်မှ ပါးစပ်လှုပ်နိုင်သည်။ ၁၂ ရာသီ အလုပ်နှင့် လက်နှင့်မပြတ်။ ယူထားသောအကြွေးကို အလျင်မှီအောင် ချွေးနှင့်ဆပ်နေကြရသည်။

မိမိုးလေးလည်း မြေပဲနှုတ်မလိုက်တော့ပဲ တဖက်ရွာမှာ ဆေးလိပ်လိပ်ရန် အလုပ်လက်ခံလိုက်သည်။ မမြ၀င်း လည်းပြောင်းလုပ်ချင်သည်။ သို့သော် အရီလေး ယာကအလုပ်ကမပြီးသေး။ ယူထားသော အကြွေးကလည်း များသဖြင့် အောင့်အီးနေရလေသည်။ မိပြာလေးလည်း ဖျားနေသဖြင့် ယာထဲမသွားနိုင်တော့။ အရင်ဆို ယာသိမ်းချိန် တပျော်တပါး မြေပဲထုကြသည်။ ကျောက်ပြင်လေး တရှပ်၊ အပွေးမရှိတော့တဲ့ သနပ်ခါးတုန်းလေးဖြင့် မြေပဲတွေ အဆံထုတ်ပေးရသည်။ အမျိုးသမီးတွေ တပျော်တပါး စနောက်ကြနှင့် ပျော်စရာကောင်းလှသည်။ မလေးမေက လက်အသွက်ဆုံး။ တင်း ကျော်ပေး၍ပင် ယှဉ်ပြိုင်နိုင်သည်။ ထိုမြင်ကွင်းလည်း ဆိတ်သုန်းနေသည်မှာ ကြာမြင့်နေပြီ။

ရွာဦးကျောင်းမှာ အတူတူ ကကြီး ခခွေးကစပြီး သဒ္ဒါ သဂြိုလ်ထိ သင်လာကြသော ငယ်သူငယ်ချင်း အရင်းခေါက်ခေါက်များ ဖြစ်သည့်အားလျှော်စွာ ဤမျှလောက် ပြဿနာလေးဖြင့် စိတ်မဆိုးသင့်ကြောင်း သိကြလေသည်။ ကိုရင်ထွန်းနိုင်လည်း ထင်းခုတ်ရင်း မိပြာတယောက် နေမကောင်းရှာဘူး။ သူ့အတွက် ထင်းပိုခုတ်သွားမယ်ဟု စိတ်ကူးနေသည်။ ကိုရင်ဖိုးသင်္ကြန်ကလည်း မိနွေးလေးအတွက် ရွာအပြန် ချင်းရွာထဲကနေ ချင်းခွေးလေးတကောင်လောက် တောင်းပေးမည်ဟု ကြံစည်နေလေသည်။ မိမုန်းသူကလည်း ဇီးသီးတောမှာ သူငယ်ချင်းတွေ ပျော်ပျော်ပါးပါးစနောက်နေကြတွေ မြင်လာသည်။ ညနေကျ ကိုရင်သီဟဆီ သူကိုယ်တိုင် လုပ်ထားသည့် မုန့်ဖက်ထုပ် သွားပေးမည်ဟု ကြိမ်းထားသည်။ မိပြာလေးကလည်း နေကောင်းရင် ကိုရင်ဖိုးသင်္ကြန်အတွက် ကွမ်းသွားပေးချင်ပေးလိမ့်မည်။ ကိုရင်ပေါ်လေး ကလည်း မလေးမေအကြိုက် ဖရဲသီးသွားခူးနေလေသည်။ မလေးမေကလည်း ဆွမ်းချက်ရင်း ဒါကတော့ ဘယ်သူအကြိုက် ဒါကတော့ ဘယ်သူမကြိုက်တာ စသဖြင့် တွေးနေမိသည်။ ညနေကျ ကိုရင်ပေါ်လေးအတွက် ငပိလေးကျိုပေးဦးမှပါ့ ဟုရေရွတ်နေလေသည်။

စလုံး ဆလိမ် ရွာသူ ရွာသားများ

2009-11-20T17:07:00.008+08:00

စလုံးဆလိမ်ရွာရှိ ကျေးလက်ဆေးပေးခန်းထဲတွင် မြို့မှ ပြောင်းလာသော သူနာပြုဆရာမလေး ရှင်ဂွမ်းကိတယောက် ပျားတကောင်အလား ဗျာများနေလေသည်။ ပျာယာခတ်တာကြီး မပြောနှင့်လေ ဒီရွာလေးမှာ ဒီလို ဆေးခန်းကို လူနာ ဒီလောက်များများ လာတာ ဒီတခါပဲရှိသေးသည်။ ထိပ်ပေါက်၊ ခေါင်းကွဲ၊ လက်ကျိုး သွားကျွတ်၊ မျက်နှာဖူးယောင်နှင့် လူနာများကလည်း ဆေးခန်းပြင်ပတွင် တယောက်တပေါက် ဆူညံလျက်ရှိသည်။ အရင်လို ရှင်ဂွမ်းကိ တယောက် စာပို့သမား ယူလာပေးသည့် ဂျာနယ် အဟောင်းများဖြင့် ဆေးခန်းမှာ ကမ္ဘာပတ်ပြီး ငြိမ့်မနေနိုင်တော့။ တတ်သည့်ပညာ မနေသာဆိုသလို ဟိုပြေးဒီလွှားနှင့် ခဏချင်းအတွင်းပင် ဆေးခန်းလေးတွင် ပတ်တီးရောင်လွှမ်းသွားလေသည်။ အားလုံးပြီးစီးသည့် သဘောအလား မာသာထရီဇာ မျက်နှာပေးနှင့် ရှင်ဂွမ်းကိ လက်နှစ်ဖက်ကို ဖုတ်ဖက်ခါကာ နှဖူးမှ ချွေးစတို့ကို သုတ်လိုက်လေသည်။

ကျေးရွာဘောလုံးကွင်း
အမျိုးသမီး ဂိုးတိုင်အလယ်မှာ မားမားမတ်မတ် ရပ်နေသူကတော့ မိနွေးလေး။ ရွာလယ်က လက်ဝှေ့သမားဆီက ငှားထားသော အံကပ်ကြီးလည်း တပ်ထားသည်။ သူ၏ အသက်တမျှချစ်ရသော ရှေ့သွားလေး နှစ်ခေါင်းကို ကာကွယ်ထားဟန်တူသည်။ လူရွှေးချယ်မှုတော်သည်ဟု ပြောရမည်။ မိနွေးလေး အရပ်ကိုလည်း ကြည့်ဦးလေ။ တော်ရုံကာလသားများပင် သူမ အရပ်ကို မမှီပေ။နောက်တန်းကိုလည်း မြင်စေ့ချင်သည်။ ပါဝင်ကစားကြသူများကား။ ဟဲဗီးဝိတ်တန်း အဆင့်ရှိ မကြယ်ပြာ။ မလေးမေ။ မခင်စိုး။ သုံးယောက်တန်းစီချထားလျှင် စည်းပြည့်သွားလေပြီ။ ထိုကဲ့သို့ နောက်တန်းကို တော်ရုံ ကစားသမားတောင် မကျော်နိုင်။ အလယ်တန်းမှလည်း မခေ။ နှံနှံစပ်စပ်ရှိသည့် မိပြာလေးခေါင်းဆောင်။ ခါးမှာလည်း သော့တွေ ချိတ်ထားသေးသည်။ သူ့ကိုယ်သူ့ key player မှန်းသူသိစေချင်၍ထင်သည်။ ရှေ့တန်းက မမြ၀င်း နှင့် မိမုန်းသူ။ အငယ်မ မိမုန်းသူ က ဥာဏ်ကောင်းသည်။ အငယ်မထက် ဥာဏ်ကောင်းတာက မလေးမေ။ အငယ်မ အင်တိုက် အားတိုက် ထိုးဖောက်နိုင်ရန် အမျိုးသား ဂိုးတိုင်ထိပ်တွင် မုန့်ဖက်ထုပ် တထုပ်ချည်ထားလေသည်။ သို့ပေမယ့် ဂိုးသမ မိနွေးလေးက တက်တက်လာသဖြင့် ကိုယ့်လူကို ပြန်ကာကွယ်နေရလေသည်။

အမျိုးသားအသင်းဖက်မှာတော့ ဇိုးသမား အဲ ဂိုးသမား ကိုရင်စိုင်း ခမောက်ကြီးဆောင်းထားသည်။ ဘာဖြစ်လို့လဲ မေးကြတော့ ဗွီဒီယိုထဲက ဂိုးသမားတွေကလည်း ဦးထုပ်ဆောင်းကြလို့တဲ့ သူလည်း ရှိတာဆောင်းထားဟန်တူသည်။ တကယ်တန်းတော့ သူ၏ ဆံပင်ဖြူတွေကို လူမတွေ့စေချင်၍ဖြစ်သည်။ ကိုရင်စိုင်းလည်း တတ်သလောက်မှတ်သလောက် တရုတ်ဘုရားရော ဗမာဘုရားပါ ဂိုးမ၀င်စေရန် ကန်တော့နေလေသည်။ ရှေ့တန်းမှာ ကိုရင်ပေါ်လေးနှင့် ကိုရင်ဆောင်းချမ်း။ ကိုရင်ပေါ်လေးကလည်း ကွမ်းတောင် ပန်းတောင်ကိုင် မိမိုးလေး ရှေ့မှာ အစွမ်းကုန် ကြိုးစားမည့်ဟန်။ မိမိုးလေး ကလည်း မကြည့်ရဲ။ အဘယ်မျှ ကြည့်ရဲမည်နည်း။ ကိုရင်ပေါ်လေးက ခါးတောင်းကို မြှောင်အောင် ကြိုက်ထားလေသည်။ သို့သော် အောက်မှာ ဧရာထွန်း ဘောင်းဘီ ပါလို့တော်သေးသည်။ ကိုရင်သီဟကတော့ ကွင်းလယ်မှ ခေါင်းဆောင်။ ကိုရင်ဖိုးသင်္ကြန်တို့နဲ့ တွဲဖက်ပြီးတော့ ကစားစေသည်။

မိုးကလည်း ဘောလုံးသမားတွေ အကြိုက် တဖွဲဖွဲရွာလေပြီ။ မမြ၀င်းက မှော်ဘီမှ ယူလာသော ဘောလုံးကို ကန်သန်းရိုးပေါ်မှာ တည်ကာ ဒိုင်ခရာမှုတ်မည့် အချိန်ကို စောင့်ဆိုင်းနေလေသည်။ ခရာမမှုတ်တော့ မမြ၀င်းက ဒိုင်ကို စောဒက တက်လေသည်။ ဒိုင်လူကြီးက “ဘယ်လိုမှုတ်မလဲ နင့်လူက ဟိုဖက်မှာ”လို့ ပြောတော့ မိပြာလေး တယောက် ငိုက်စိုက် ငိုက်စိုက်နှင့် အမျိုးသား ကွင်းဖက်မှာ။ ကိုရင်သီဟက “ဟဲ့ မိပြာ ဘာလုပ်နေတာလဲ” ဆိုတော့ “ကွမ်းထုပ် ကျပျောက်သွားလို့”တဲ့။ “ဟာ အရေးထဲမှ သွားသွား ဖိုးသင်္ကြန်ဆီက တယာလောက် ငုံထားလိုက်” ဆိုပြီး အတင်း ပြန်ခိုင်းရတယ်။ မိပြာလေး နေရာကျပြီဆိုရင်ပဲ။ ဘောလုံးပွဲ စပါပြီ။ အမျိုးသမီး အသင်းကလည်း အချိပ်အဆက် မိမိနှင့် ထိုးဖောက်လာသည်။ ဂိုးသမားပဲ ကောင်းသလား။ မူးမူးနှင့် ကံစွတ်ကောင်းနေသလားမသိ။ ကန်သွင်းသမျှ ဂိုးတွေကို ကိုရင်စိုင်း ကာကွယ်နိုင်လေသည်။ ဒီတကြိမ်တွင် ကိုရင်ပေါ်လေး ဘောလုံးရကာ အမျိုးသမီး နောက်တန်းကို ကျော်ဖြတ်ရင် ပြင်လိုက်စဉ်ခတ္တခဏ မိုးမှောင်ကျသွားသည်။ သူထက်မြင့်သည် မလေးမေက ရှေ့မှ ထုတ်စီးတိုးသလို ကာထားသဖြင့် ကျော်ဖြတ်ရန် အခွင့်မသာချေ။ မလေးမေမှ “ကိုရင်ပေါ်လေး ညနေကျ တော် ကြိုက်တဲ့ ငပိရည်ကျိုရယ် အတို့အမြုပ်ကျုပ်လုပ်ပေးမလို့”ဟု စကားဟ လိုက်တော့ ကိုပေါ်လေး တချက်ငိုင်သွားသည်။ မလေးမေကလည်း အခွင့်အရေးလက်လွတ်မခံ။ ပေါင်ကြားကို ကန်ထည့်လိုက်သည်။ ပေါင်ကြားမှ ဘောလုံးလည်း ဇောင်းမှ ထွက်သည့် မြင်းအလား အရှိန်နှင့် လွင့်ထွက်သွားလေသည်။ မလေးမေက အောင်မြင်သော အမှုအရာဖြင့် “နောက်တာ”ဟု ကိုပေါ်လေးအား တိုးတိုးလေး ပြောသွားလေသည်။

ရှေ့တန်းမှ အငယ်မလည်း လျှာထွက်နေပြီ။ ဘောလုံးကန်၍ကားမဟုတ် မမှီသည့် မုန့်ဖက်ထုပ်ကို ခုန်ပြီးယူနေရ၍ဖြစ်သည်။ ကိုရင်စိုင်းလည်း ဘောလုံးကြည့်ရတာ တဖက် မိမုန်းသူ ကြည့်ရတာ တဖက်နှင့် နောက်ဆုံး အငယ်မကို လွတ်ထားလိုက်ရလေသည်။ ဘောလုံးပွဲကလည်း တဖက်နှင့် တဖက် အကြိတ်အနှယ်ရှိလှသည်။ ကွင်းလယ်တနေရာ၌ ကိုရင်ဖိုးသင်္ကြန်နှင့် မမြ၀င်း အတွေ့ “ဟဲ ဟဲ မကြောက်ပါနဲ မမြ၀င်း၊ ကိုဖိုးသင်္ကြန် ခြင်ထောင်ထောင်တာ ခလေးသိပ်မလို့ပါ”ဟု ခနဲ့တဲ့တဲ့ လေသံဖြင့်ပြောလေရာ မမြ၀င်းလည်း ယမ်းပုံမီးကျပြီး ကိုရင်ဖိုးသင်္ကြန်ခေါင်းကို ခေါက်လိုက်လေသည်။ “တွီ” အမျိုးသား အသင်းဖက်မှ ပြစ်ဒဏ်ဘောရလေသည်။ မမြ၀င်းလည်း သတိပေးခံရလေသည်။ ကိုရင်ဖိုးသင်္ကြန်မှ ပြစ်ဒဏ်ဘောကန်တင်ပေးလိုက်ရာ ရှေ့တန်မှ ကိုရင်ဆောင်းချမ်းဆီ ရောက်သွားလေသည်။ ကိုရင်ဆောင်းချမ်းလည်း အားတက်သရော လိမ်ခေါက်၍ သယ်သွားစဉ် နောက်တန်းမှ မခင်စိုးနှင့် တိုက်မိ၍ ၂ ပေခန့် လွင့်သွားလေသည်။ တွီ ခရာမှုတ်ပြန်လေသည်။ အမျိုးသမီးအသင်းမှ စောဒက တက်ကြသည်။ ဒိုင်လူကြီးမှ ပြေးလမ်းပိတ်လို့ ပြစ်ဒဏ်ဘောပေးရခြင်းဖြစ်ကြောင်း ရှင်းပြသည်။ မခင်စိုးက မကျေနပ်။ မပိတ်လည်း ပြေးမှ မရတာဟု တဖျစ်တောက်တောက် ပြောနေသေးသည်။

မိုးကလည်း ဖွဲရုံမက တခါတရံ သည်းများပင် သည်းလိုက်သေးသည်။ တဖက်နှင့်တဖက်ကလည်း အနိုင်မခံအရှုံးမပေး အကြိပ်အနှယ် ကန်နေကြသည်။ ကြာလာတော့ မိမုန်းသူ စိတ်မရှည်နိုင်တော့။ အမျိုးသမီးဖက်ပြန်သွားကာ မမြ၀င်းကို တီးတိုးဆိုလေသည်။ မမြ၀င်းလည်း ခေါင်းတချက်ငြိမ့်ပြီး အချင်းချင်း အချက်ပြကြသည်။ အမျိုးသမီးအသင်း အမျိုးသား အသင်းဖက်ကို ထိုးဖောက်လာပါပြီ ခင်ဗျာ။ တယောက်ကိုလိမ်တယ်။ နှစ်ယောက်ကို လိမ်တယ်။ အငယ်ဆုံး ကိုရင်ဖြိုးကို ခေါက်ပြီး ဂိုးဧရိယာအတွင်းသို့ပင် ချဉ်းနှင်းဝင်ရောက်လာလေပြီ။ မမြ၀င်းလည်း မျက်စိဆုန်မှိတ်ပြီး ဂိုးသမား ဘယ်ဘယ်ဒေါင့်ကို ခြေပူးထိုး ကန်ထည့်လိုက်လေသည်။ မိုးစက်မိုးပွားများနှင့်အတူ အမျိုးသမီးအသင်း ပရိတ်သတ်များ သောသောညံသွားလေသည်။ “ဂိုးးးးးးးးးးးးးးးးး” “ဟာဗျာ ကိုရင်စိုင်း ဘယ်လို လုပ်လိုက်တာလဲ၊ ဘာလို့ လွတ်ပေးလိုက်တာလဲ” အသင်းသားများ စောဒကတက်တော့ ကိုရင်စိုင်းမျက်နှာငယ်လေးနှင့် “အဲဒီ ဘယ်ဘက်မှာ အငယ်မ မိမုန်းသူ ရူးရူးပေါက်သွားတယ်ကွ” မျက်နှာငယ်လေးဖြင့် ပြန်ပြောရှာသည်။ အမျိုးသားအသင်းသားများ တောက်တခေါက်ခေါက်နှင့် မကျေမနပ်ဖြစ်နေကြသည်။

အမျိုးသမီး အသင်းမှာလည်း ပျော်လွန်း၍ ကခုန်ကြသည်။ မမြ၀င်းလည်း အမေရိကန် အမျိုးသမီးဘောလုံးသမား မီယာဟမ်းလို အကျီချွတ်တော့မည့်ဟန် ပြင်သဖြင့် အသင်းဖော်များ မနည်းဆွဲထားရသည်။ မိနွေးလေးလည်း မေ့ပြီး အံကပ်ကို ဘယ်နားချွတ်လိုက်သည်မသိ။ ခဏကြာတော့ သူမတွင် အံကပ်မရှိတော့။ သူမလည်း သတိမထားမိ။ အမျိုးသားများကလည်း ဒေါသတကြီး တိုက်စစ်ဆင်ရင်း အမျိုးသမီးအသင်းဖက်သို့ ထောင့်ကန်ဘောကန်ရလေသည်။ အားလုံး ရင်တမမ၊ အသည်းတယားယားရှိလှသည်။ ကိုရင်ပေါ်လေးလည်း ဘောလုံးကို ၀တ်ထားသော စွတ်ကျယ်ဖြင့် အသေအချာသုတ်ရင်း ထောင့်ကန်ဘောစည်း အတွင်းတည် လိုက်သည်။ အသက်ကို ၀အောင်ရှုကာ အမြှောက်ဘော လှလှပပ တင်ပေးလိုက်လေသည်။ မြက်များ မြေကျစ်များ ဖွားကနဲ လွင့်စင်ကာ ဘောလုံးမှာ မိုးရေစက်များ အကြား ၀င့်ဝင့်ကြွားကြွား မျောလွင့်လာလေသည်။ အားလုံးကလည်း စိတ်ဝင်တစား ဘောလုံးကို စောင့်ကြည့်နေကြသည်။ ရှည်လျားလှသော လက်တစုံက အားလုံး၏ခေါင်းပေါ်မှ ကျော်ကာ လေထဲရှိ ဘောလုံးကို ဖမ်းယူလိုက်လေသည်။ တော်လိုက်သည့် မိနွေးလေး ပါပေ။ လက်ခုပ်သံမစဲခင် မိနွေးလေး လေထဲမှ ပြန်အကျ ဂိုးသွင်းရန်တက်လာသော ဂိုးသမား ကိုရင်စိုင်း၏ ခေါင်းနှင့် မေးစေ့စောင့်မိပြီး သူမ၏ ချစ်လှစွာသော ရှေ့သွားလေး နှစ်ချောင်း ဘောလုံးနှင့် အတူ ဂိုးစည်းနောက်ဖက်ကို ၀င်သွားလေသည်။ ဘောလုံးမှာ ဂိုးစည်းအတွင်းသို့ လုံးလုံးလျားလျား ၀င်သွားခြင်းမဟုတ်။ ဂိုးစည်းနောက်သို့ ယောင်ယောင်လေး ရောက်သွားခြင်းဖြစ်သည်။ နှစ်ဖက်စလုံး ဂိုးသည်၊ မဂိုးဘူး ငြင်းခုန်ကြလေတော့သည်။ ပထမတော့ စကားလုံးများနှင့် ငြင်းကြခြင်းဖြစ်ပြီး နောက်ပိုင်း ကာယကံမြောက် ကျူးလွန်ကြတော့သည်။

နိဂုံး
စလုံး ဆလိမ်ရွာလမ်းမ တလျောက်တွင် ဖုန်လုံးကြီး တလုံးလိမ့် လာလေသည်။ ရုတ်တရက်ကြည့်လျှင် ကမ္ဘာပျက်သည့်အလား။ ဖုန်လုံးထဲတွင်မတော့ တ၀ူးဝူး တ၀ါးဝါးနှင့် ပါးစပ်မဟနိုင်သော မိနွေးလေး။ သူနာပြုဆရာမလေး ရှင်ဂွမ်းကိမှ သွားနှစ်ချောင်းကို ဆင်ကော်နှင့် ပြန်ကပ်ပေးလိုက်ခြင်းဖြစ်သည်။ ကျောက်ပတ်တီးနှင့် ကိုရင်ဆောင်းချမ်း။ မခင်စိုးနှင့် ပိ၍ ဘယ်ဖက်လက်ကျိူးသွားသော်လည်း စေတနာရှင်လေးမှ ညာဖက်ကို ကျပ်စည်းပေးလိုက်သည်။ မျက်လုံးနှစ်ဖက်ကို ပတ်တီးအစီးခံထား ရသော ကိုရင်ပေါ်လေး။ ဘောလုံးကိုတက်နင်းမိပြီး ချော်အလဲ နောက်စိနှင့် ဂိုးတိုင်စောင့်မိကာ ခေါင်းပေါက်သွားသည်ကို မျက်လုံးကိုပိတ်၍ ပတ်တီးစည်းပေးလိုက်ခြင်းဖြစ်သည်။ အသီးသီး အသာကာလ လူနာများ ရှေ့မတွင်တော့ ခမောက်ဖြူဖြူလေးနှင့် အဆင်အရမ်းမိတဲ့ ရှင်ဂွမ်းကိ “ကျု မိ ငှားးးးးးးးး” ဟုအော်ကာ ဖနောင့်နှင့် တင်ပါး တသားတည်း ကျအောင် ပြေးနေလေတော့သည်။

တချက်ပြုံး၍ တရက် အသက်ပိုရှည်ကြပါစေ။
ရေတမာ

ပြင်ဆင်ဖတ်ရှုပါရန်

2009-11-19T08:08:00.006+08:00

လွန်ခဲ့သော ၈ နှစ်ခန့်က
ရေးသားထုတ်ဝေခဲ့သော

တက္ကသိုလ်ကျောင်းတော် စာအုပ်တွင်
စာမျက်နှာ ၁၅၀၀ ရှိ

“မင်းကို အရမ်းချစ်တာပဲ” အစား
“မိတ်ဆွေအဖြစ် သတ်မှတ်ပေးပါ”

“မင်းအသံကို မကြားရရင် မနေနိုင်ဘူး”အစား
“အကူအညီလိုတဲ့အခါ ပြောပါ”

“မင်းမျက်နှာကို မမြင်ရရင် သေသွားလိမ့်မယ်”အစား
“လမ်းမှာတွေ့ရင် မမြင်ချင်ယောင်ဆောင်လို့ ရပါတယ်”

“ဘယ်တော့မှ မခွဲဘူးနော်”အစား
“ဖိတ်စာ ပို့ချင်မှ ပို့ပါ”

“ချစ်သူ” အစား
“သူငယ်ချင်း” ဟု ပြင်ဆင်ဖတ်ရှုပေးပါရန်။

ရေတမာ
၅း၂၈ am
THU 19-11-09

(မှတ်ချက်။ ။ ဆရာဦးမင်းလူ၏ တာဝန်မှ ရပ်စဲခြင်း ဆိုတဲ့ ကဗျာလေးကို သတိရလို့ ဒီကဗျာလေး ဖြစ်ပေါ်လာတာပါ။ ပုံစံတူများ ရှိခဲ့သော် ကျနော်၏ စာဖတ်လေ့လာအား ညံဖျင်းမှုဖြစ်ပါသည်။)

image: credit to :http://www.naysoenaing.com/2008/12/blog-post.html

ကံမွဲ

2009-11-16T08:58:00.005+08:00

credit to : http://www.flickr.com/photos/zeeny79/74153795/

တောကျွမ်းပါတယ်ဆိုတဲ့ မုဆိုးတွေတောင်
တခါတလေ သားကောင်အောက်မှာ ကျဆုံးတတ်တယ်။

ရေပြင်နဲ့ ရင်းနှီးပြီးသား တံငါတွေတောင်
တခါတလေ လှိုင်းတံပိုးအောက်မှာ ကျဆုံးတတ်တယ်။

တိုက်ခိုက်စွမ်းရည် မြင့်မားတဲ့ စစ်သည်တွေတောင်
တခါတလေ ရန်သူလက်အောက်မှာ ကျဆုံးတတ်တယ်။

ပါးနပ်ပါတယ်ဆိုတဲ့ လောင်းကစားဒိုင်တွေတောင်
တခါတလေ ထိုးသားလက်အောက်မှာ ကျဆုံးတတ်တယ်။

မြွေတွေနဲ့ ယဉ်ပါးပြီးသား အလမ္မါယ် ဆရာတောင်
တခါတလေ မြွေဆိပ်အောက်မှာ ကျဆုံးတတ်တယ်။

အချစ်ရေးရာမှာ ကျွမ်းကျင်ပါတယ်ဆိုတဲ့ မင်းလည်း
ချွတ်ချော်တိမ်းပါးပြီး အချစ်စစ်စစ်အောက်မှာ မကျဆုံးပါစေနဲ့။

ရေတမာ
9း09 mon
16-11-09

မြန်မာပြည်က နားဆွဲလေး

2009-11-11T10:23:00.003+08:00

"ဘာသာစကား၊ လူမျိုးကွဲပြားပေမယ့် တစ်ဦးနဲ့တစ်ဦးရိုင်းပင်းကူညီမှု၊ စိတ်ချင်းဆက်သွယ်နားလည်မှုရှိရင် ကမ္ဘာပေါ်မှာရှိတဲ့ လူသားအချင်းချင်း ဘယ်နေရာဘယ်တော့ဖြစ်ဖြစ် အားလုံးချစ်ခင်ရင်းနှီးမှုရနိုင်မှာ မလွှဲဘူးလို့ တစ်နေ့ထက်တစ်နေ့ ပိုပြီး နားလည်ခံစားမိလာတယ်"

မရောက်တာကြာပြီဖြစ်တဲ့ မလေးမေ ဆီကိုအလည်ရောက်ဖြစ်တော့ ဒီစာအုပ်လေးကိုတွေ့ပါတယ်။ ဒေါင်းလုပ် လုပ်ထားပေမယ့်မဖတ်ဖြစ်ပါဘူး။ ဖတ်ကြည့်လိုက်တယ်ဆိုရင်ပဲ သူငယ်ချင်းတွေကိုမျှဝေချင်လို့ပါ။

ဒီမှာ ဒေါင်းပါ
အမ ဘလော့မှာ တခြားစိတ်ဝင်စားစရာ စာအုပ်တွေလည်းရှိကြောင်းသတင်းကောင်းပါးအပ်ပါသည်။

ငြီးငွေ့ခြင်း ရက်စွဲများ

2009-11-10T16:03:00.000+08:00

စိုးတထိပ်ထိပ်နဲ့ အိပ်ခဲ့ရတဲ့ အိပ်မက်ရဲ့ အဆုံးမှာ ငါ ကမ္ဘာမြေကြီးနဲ့ အဆက်အသွယ်ပြန်ရခဲ့တယ်။ ပုံစံခွက်ထဲက ဘ၀လည်း သန်းဝေနေတာ မျက်ရည်တွေတောင် ကျလို့။ မနက်ဖြန်အတိုင်း ဒီနေ့မျက်နှာကို မနေ့က ရေနဲ့ သစ်လိုက်တယ်။ မထူးပါဘူး ဒီမျက်နှာက ဒီမျက်နှာပဲ။ သုတ်ရမယ့် ပ၀ါတောင် ညောင်းနေပြီ။ ထုံးစံထဲက ထုံးစံတွေအတိုင်း ငိုက်မြည်းနေတဲ့ မနက်စာကလည်း ဖတ်ပြီးသား စာတပုဒ်ကို ပြန်ဖတ်ရသလို မျက်နှာ ငယ်လိုက်တာ။ အရသာသိပြီးသား အစာတခုကို စိတ်ဆန္ဒမပါဘဲ ကြိတ်မှိတ်ဝါးရင်း လျှာ အစား ငါ သနားလိုက်တာ။ ကော်ဖီခွက်ထဲမှာတော့ ၀ါးလုံးခေါင်းထဲက လ သာလို့နေတယ်။

ငါ့မျက်လုံးတွေ သောတဆင်ဖို့ အလွမ်းတွေကို ဖွင့်လိုက်တဲ့အခါ သတိရခြင်းတွေက မပျိုးဘဲနဲ့ ရှင်သန်လာတယ်။
သိပြီးသား ဖုန်းနံပါတ် တခုနဲ့ ငါ့ဖုန်းကို နှိုးလိုက်တယ်။ ငါပြောပြီးပြီးသား စကားတွေပြောတယ်။ သူကလည်း ပြောပြီးသား စကားတွေပြန်ပြောတယ်။ ငါတို့ ရီပြီးသား စကားလုံးတွေနဲ့ပြန်ရီမောကြတယ်။ အဲဒီအထဲမှာ ဆိုးဆေးမပါဘူး ဆိုတာ ကျုပ် အာမခံရဲပါတယ်။ ပြီးတော့ လုပ်နေကျအတိုင်း ဖုန်းချလိုက်တယ်။ ဟိုဖက်တတော့ တတီတီမြည်ရင်း သေဆုံးသွားပလား ထင်နေလိမ့်မယ်။

ဟောင်းနေတဲ့ သင်ခန်းစာအသစ်မှာ သိပြီးသား စာတပုဒ်နဲ့ ဖော်မြူလာတခု အီကွေးရှင်းထဲ ထည့်ခိုင်းတာတောင်
အလွဲလွဲအချော်ချော်ပေါ့။ မျက်စိမှိတ့်ရေးလိုက်တာ တချက်တည်းနဲ့ ကျင်းဝင်သွားတယ်။ ဘယ်လောက်တော်လဲ ဆိုရင် ထမင်းစားကျောင်းဆင်းတာတောင် မသိလိုက်ဘူး။ ဘ၀ခါးခါးလေး ကြော်ချက်လုပ်ပြီး ဒုက္ခပါးပါးသုပ်ထားတာ လည်ချောင်းထဲကို ရှောရှောရှုရှုဝင်သွားတယ်။ အစာမကြေလို့လား မသိဘူး အတွေးတွေ ရောက်ယက်ခပ်နေတယ်။ စာလုံးပေါင်းသိပြီး အဓိပ္ပါယ်ပေါင်းမသိတဲ့ မိဘ၊ ဘ၀၊ ငွေ၊ အချစ်၊ မေတ္တာ၊ ပျော်ရွင်ခြင်း အများကြီးပဲ။

ကိုယ့်ကျင့်တရား တခြမ်းကိုက်တဲ့ ရောဂါဝေဒနာခံစားရင်း လူပြောများတဲ့ နေ့သစ်ရဲ့ နေ၀င်ချိန်ကို မုန်းတီးမိတယ်။ ငါ့ဘာသာနေတဲ့ဟာ လာလာ ပေါင်းသလိုလိုနဲ့ နှုတ်နေတဲ့ သေမင်းဆီက resign လုပ်ဖို့ တလ နို့တစ်ပေးလို့ ရရင်ကောင်းမယ်။ အချိန်တန်ရင် နွားပိန်ကန်လိမ့် မယ်လို့ပြောတဲ့သူရေ နိစ္စဓူဝကို နိစ္စဓူဝဟုဖတ်ပါလေ။ ငါ့ရဲ့ တထောင့်တညပုံပြင်ထဲမှာ ရွှေယုန်ရွှေကျားမရှိဘူး၊ စင်ဒရဲလားမရှိဘူး၊ မောင်ရင်ဆိုင်းထမ်းကြယ်မရှိဘူး။ ကြယ်စုံတဲ့ ကောင်းကင်မရှိဘူး။ ခပ်ညစ်ညစ် မျက်နှာကျက်တခုရှိတယ်။ အိုက်စပ်စပ် အတွေးတစရှိတယ်။ ကဲ ကဲ နှိုးစက်လေးရေ ကမ္ဘာသစ်ရောက်တဲ့ အခါ ငါ့ကို နှိုးလိုက်စမ်းပါကွာ။

(မှတ်ချက်။ ။ အဓိပ္ပါယ်ပေါင်း ဆိုသည်ကို နီကိုရဲ၏ အိုလေး ၀တ္တုမှ ကူးယူထားပါသည်)

ရေလိုအေးမြပါစေ

2009-11-08T13:53:00.031+08:00

ညီမလေးရေ
ဘ၀ဆိုတာ မကြီးမိုးချိုသင်း ရေးပြီးတင်ထားတဲ့ ဆရာကြီး ဘဘဦးတင်မိုးရဲ့ ၀လုံးလေးနဲ့ စတဲ့ ဘ၀ ကဗျာလိုပဲ ဘ၀ကြီးထဲ တိုးဝင် မိကြတယ် ဆိုရင်ဖြင့် ဆူဆူပူပူ တ၀မ်းပူလို မျိုးတွေနဲ့လည်း တွေ့ကြုံကြရတယ်။ တခါကပြောခဲ့ဖူးတယ်
“ဘ၀”က “ဘ”ကုန်းနဲ့ ဘလို့ပဲ “ဗ” လချိူက်နဲ့ ဗရင် ထွက်ပေါက်တောင်ရှိမှာ မဟုတ်ဘူးဆိုပြီးလေ။ အခု ဗ၀ထဲကိုရောက်နေတော့ ထွက်ပေါက် အသည်းအသန် လိုနေပြီလား။ အသက်တရာမနေရ အမှုတရာပွေရဆိုတဲ့ ဓါတ်ပြားဟောင်းကြီးပဲ ပြန်ဖွင့်ပြပါရစေ။ ဒီလိုပူပင်သောကတွေကြား သေရင်အေးမယ်ဆိုတဲ့ စိတ်ကူးတွေများ ရိုက်သတ်လို့မကုန်ဘူး ညီမလေး။ ဒါကိုကြည့်ရင် ရုပ်ခန္ဓာမရှိရင် ငြိမ်းအေးမယ်ဆိုတာ မြင်ရတယ်။ တရားပေါက်သွားတယ် လို့တော့ မထင်လိုက်ပါနဲ့။ တကယ့်ထွက်ပေါက် မဟုတ်ဘူးဆိုတာ ပြောချင်တာပါ။

တခါတခါ ဖြေတွေးလေးတွေလည်း တွေးရသေးတယ်။ ဒီကမ္ဘာမှာ ဒုတိယကံအကောင်းဆုံးလူကို ပြောဆိုရင် ကိုယ့်ကိုယ်ကို လက်ညိုးထိုးရလိမ့်မယ်။ ဘာလို့လဲဆိုတော့ တနေ့ထမင်းသုံးနပ်စားရတယ်။ အ၀တ်အစား အကောင်းစားတွေ မဟုတ်ပေမယ့် လူတန်းစေ့ ၀တ်နိုင်တယ်။ လုံခြုံနွေးထွေးတဲ့ အိမ်နဲ့နေရတယ်။ မတောက်တခေါက် ပညာလေးရှိတယ်။ သင့်တင့်တဲ့ အလုပ်လေးရှိတယ်။ မိဘနှစ်ပါးရှိတယ်။ မောင်နှမ ဆွေးမျိုးသားချင်းတွေ သက်ရှိထင်ရှား ကျန်းကျန်းမာမာရှိကြတယ်။ ဘာလို့ ဒုတိယအကောင်းဆုံးလည်းဆိုတော့ ရပ်ဝေးမှာရောက်နေလို့ပဲ ညီမလေး။

မိဘအရိပ်နဲ့ခွဲခွာပြီးနေရတဲ့ ဘ၀ဟာ ဘယ်လောက်ခက်ခဲတယ်ဆိုတာ ရပ်ဝေးရောက်နေသူတိုင်းသိပါတယ်။ ဆိုလိုတာက မိဘဆီမှာတုန်းက စားဝတ်နေရေး မပူပင်ခဲ့ရသမျှ ကိုယ့်ဘာသာရပ်တည်တဲ့အခါ ခက်ခဲခဲ့တယ်။ ဆွေမျိူးသားချင်း ငွေကြေးအင်အား အဆင်ပြေတယ် ထားဦးတော့ ပတ်ဝန်းကျင်အသိုင်းအ၀ိုင်း အပြောင်းအလဲနဲ့ အိမ်လွမ်းတဲ့ ဒဏ်တွေ ခံရတယ်မဟုတ်လား။ ဒါမှမဟုတ် အချစ်နတ်ဆိုးလေးများ ကျီစယ်လေပလား။ အချစ်ဆိုတာ ဘ၀တခုမဟုတ်ဘူးနော်။ ဖတ်ဖူးတဲ့ စာအုပ်ထဲက ပြောရရင် အချစ်ဆိုတာ လိမ္မော်သီးထဲက လိမ္မော်စိပ်လေး တစိပ်ပဲ။ ဘ၀မှာ အရေးကြီးတဲ့ တခြား လိမ္မော်သီးစိပ်နဲ့ တူတဲ့ ကျန်းမာရေး ပညာရေး စားဝတ်နေရေးတွေ ရှိသေးတယ်။

ဒုက္ခဆိုတာ ကိုယ်တိုင်ကြုံဖူးမှ ဘယ်လောက် ခါးမှန်းသိပါတာ။ ဒါနဲ့ ပက်သက်ပြီး ရီစရာလေး ပြောပြရဦးမယ်။ တခါက ဘုန်းကြီးတပါးဟာ အသုဘတွေမှာ ငိုကြွေးနေတဲ့သူတွေကို တရားနဲ့ဖြေပါဆိုပြီး အားပေးလေ့ရှိတယ်။(ဆရာလုပ်တယ်လို့ ယူဆချင်လည်း ယူဆပေါ့) သူဟာ အမြဲတမ်း အဲလိုပြောလေ့ရှိတယ်။ တနေ့ကြတော့ အဲဒီ ဘုန်းကြီးရဲ့ မယ်တော် ဆုံးသွားတဲ့အခါ ရှိုက်ကြီးတငင်ငင် ငိုနေတဲ့ သူ့ကို လူတွေက တရားနဲ့ ဖြေပါဆိုပြီး ဆုံးမတဲ့အခါ “သေတာ ငါ့အမေ့ကွ” ဆိုပြီး ပြန်အော်သတဲ့။ အဲလိုမျိုးကိုယ်တိုင်မခံစားရတိုင်း ပြောအားရှိတယ်လို့ မထင်လိုက်ပါနဲ့နော်။ ပူပင်သောကတွေ ရောက်နေတယ်ဆိုမှဖြင့် တကယ်ကို စိတ်မကောင်းဖြစ်ရပါတယ်။

ဟိုးအရင်တုန်းက ကိုနိုင်ရေးခဲ့တဲ့ NICK VUJICIC ရဲ့အကြောင်းလေး ဖတ်ခဲ့ဖူးမယ်ထင်တယ်။ မေ့နေခဲ့ရင် ပြန်ပြောပြမယ်နော်။ နစ်ကခြေရော လက်ရော မရှိရှာဘူး။ ညီမလေး စဉ်းစားကြည့်စမ်း။ သူ့လောက် ကံဆိုးတဲ့သူ ရှိနိုင်ဦးမလား။ ချိုင်းထောက်နဲ့လူ အပြင်သွားဖို့ ရှက်တာထက် သူ့ရဲ့ ရှက်ကြောက်စိတ်က ဆယ်ဆသာတယ်တယ်။ wheel chair နဲ့လူထက် ရှက်ကြောက်စိတ်သာတယ်။ ရိုင်းရိုင်းပြောရရင် အဖေမပေါ်ဘဲ ကိုယ်ဝန်ရှိနေတဲ့ အမျိုးသမီး အပြင်ထွက်ရမှာထက် သူရှက်တာ သာမယ်ဆိုတာ လောင်းရဲတယ်။ ငွေကြေးရှိတာ အပထားလို့ ကိုယ့်စားဝတ်နေရေးမှ မဖြေရှင်းနိုင်တဲ့၊ မတ်တတ်တောင် မရပ်နိုင်ရှာတဲ့ လူတယောက်အတွက်စိတ်ဓါတ်တွေ အ၀ီစိထိအောင်ကျနေလိမ့်မယ်။ ဒါပေမယ့် နစ်က လဲကျတိုင်း ပြန်ထခဲ့တယ်။

ညီမလေးရဲ့ စိတ်ဓါတ်တွေလည်း အဲဒီလို ခိုင်မာစေချင်တယ်။ ဖြစ်လာတဲ့ ပြဿနာတိုင်းကို အတတ်နိုင်ဆုံး ပြေလည်အောင် ဖြေရှင်းစေချင်တယ်။ ညီမလေးမှာ ရင့်ကျက်တဲ့ စိတ်ဓါတ်ရှိတယ်ဆိုတာ သိပြီးသားပါ။ ညီမလေး ရည်မှန်းထားတဲ့ ပန်းတိုင်မရောက်မချင်း အားမလျော့ပါနဲ့။ ဖြစ်ခဲ့တဲ့ပြဿနာတွေ၊ မဖြစ်လာသေးတဲ့ အကြောင်းတွေ စဉ်းစားပြီးလည်း စိတ်ညစ်မနေစေချင်ဘူး။ ကိုယ်ယုံကြည်အားကိုးလောက်တဲ့ သူတွေနဲ့ တိုင်ပင်ဆွေးနွေးပြီး လက်ရှိအချိန်မှာ အကောင်းဆုံးဖြစ်အောင် ကြိုးစားရင်း ပြဿနာတွေကို ကျော်လွှားစေချင်တယ်။ ပူလောင်တဲ့ ဘ၀ကြီးထဲမှာ ကိုယ်ကိုယ်တိုင် ပူလောင်နေပေမယ့်လည်း ညီမလေး သောကတွေ တခဏလေးဖြစ်ဖြစ် ငြိမ်းအေးစေချင်တယ်။ အပြုံးမျက်နှာတွေ ပြန်တွေ့ချင်ပါတယ်။ ဒီစာဖတ်ပြီးချိန်မှာ ညီမလေး ပြန်ထဖို့ အားတချို့ရခဲ့တယ်ဆိုရင် ရေးရကြိုးနပ်ပါတယ်။

ပူပင်သောကတွေ အမြန်ဆုံးပြေပျောက်ပါစေ

ကြာပြီ

2009-11-05T16:07:00.000+08:00

ကယ်ရီယာလေးက
နားနေရတာကြာနေပြီ

လေပြေလေးတွေကလည်း
မင်းဆံပင်က ရနံ့လေးတွေ မသယ်ဆောင်ရ ကြာပြီတဲ့

မိုးစက်လေးတွေကလည်း
မထိတွေ့ရတော့ဘူးလားတဲ့

တယ်လီဖုန်းလေးနဲ့ ရယ်သံလွင်လွင်လေးတွေကလည်း
မင်းကိုမျှော်နေကြတယ်

ကိုရီယားအလွမ်းဇာတ်လမ်းလေးလည်း
သူတို့ကို ကြည့်ပြီး ရီမောနေကြတဲ့ သူနှစ်ယောက်ကို လိုက်ရှာနေတယ်

မျက်စောင်းလေးနဲ့ လက်သီးဆုပ်တွေကလည်း
ဘယ်သူ့ကို မဲရမလဲတဲ့

ဆေးလိပ်ငွေ့လေးတွေကရော
သူတို့ကို မာန်မဲသူမရှိလို့ ပျော်နေလား မသိဘူး။

ငါကရော
လွမ်းနေရတာကြာနေပြီ

ရေတမာ
4း03 pm THU
05/11/09

ဆိုရင်

2009-10-27T15:03:00.002+08:00

ထွန်းအိမ်သာဗုတို ရဲ့ သီချင်းခေါင်းစဉ်မဟုတ်ပါ။ အကိုအောင်သာငယ်က ဘဒ္ဒကမ္ဘာကြီး ကိစ္စချောမယ်ဆိုရင်တဲ့

၁။ ဘယ်သူတွေနဲ့ရှိနေချင်လဲ..
သေချင်လိုက်တာဆိုတဲ့ သူတွေနဲ့အတူ (တကယ်သေမယ်ဆိုတော့ ဘယ်လိုနေမတုန်းလို့၊ ဒီပြင်လူဆို ကြောက်လန့်ချင်လန့်နေမယ် သူတို့ကတော့ ပျော်နေမလားမသိဘူးလေ)

၂။ဘာတွေခံစားနေရမလဲ..
စိတ်ဖိစီးမှု (သေမယ်ဆိုမှတော့ စိတ်ဖိစီးမှုတွေ ဘယ်လောက်များလိုက်မလဲ)

၃။ ဘာတွေပြင်ဆင်ထားမလဲ
ကော်ဖီတခွက် (Y2K တုန်းက ကြော်ငြာတဲ့ ကော်ဖီ)

၎။ ၀မ်းနည်းမိမှာက
အကြွေးတွေမဆပ်ရသေးပါလား (သံသရာကြွေးတွေကလည်း မနည်းမနော)

၅။ကြောက်လန့်မိတာက..
သေခြင်းတရား (မကြောက်ရလောက်အောင် သမာဓိအား မကောင်းပါ)

၆။ဆောင်ထားချင်တာ..
ငါးလီတာ ရေသန့်ဘူးကြီး (ရေငတ်တတ်လို့)

၇။ဘာတွေရေးမိမလဲ..
HELP ME

ဂ။တွေးမိတွေးရာ အတွေး
မြေလေးတယ်လို့ အပြောခံရတော့မှာ မဟုတ်ဘူး

၉။ဂုဏ်ယူချင်တာက
သေခါနီးမှတော့ ဘာ ဂုဏ်မှ မလိုချင်တော့ပါ

၁၀။ရှာကြံဖြေသိမ့်မိတာက
ငါ့မိဘကို ကိုယ်အား ဥာဏ်အားနဲ့ တတ်အားသရွှေ့ထောက်ပံ့ခဲ့တယ်။

၁၁။ကျူးရင့်ချင်တဲ့ ဥဒါန်း
ဥဒါန်းဆိုတာ ဘာမှန်းမသိတာနဲ့ ဘာမှ ကျူးရင့်ဖြစ်မယ်မထင်။

တကယ်တော့လည်း ငါအချိန်မရွှေးသေသွားနိုင်တယ်ဆိုတဲ့ အသိနဲ့ မကောင်းမှုတွေကို ရှောင်ကြဉ်နေထိုင်သင့်တယ်လို လူတတ်ကြီး လိုလို လုပ်ရင်း ဆန့်သွားမှာ မြင်ယောင်ရင်းးး

ရေတမာ
3း01 PM (Thu)
27-10-09

ညနေစာ

2009-10-25T15:53:00.002+08:00

အိမ်မှာ အခန်းဖော်တယောက်နဲ့ အတူတူ သူတရက် ကိုယ်တရက် ထမင်းဟင်းချက်စားကြတယ်။ ၈ နာရီခွဲ ကိုးနာရီ လောက်ဆိုရင် ချက်ပြုတ်၊ ရေမိုးချိုး ခူးခပ်ပြီး နှစ်ယောက်သား ထမင်းစားကြတယ်။ ကိုယ်ကတော့ ပုံစားကို သဘောကျတယ်။ သူကတော့ သေချာ ဟင်းတွေ ပန်းကန်ထဲ ခူးခပ်ထည့် ကျန်တဲ့ ဟင်းအနှစ်ကို အိုးနှယ်၊ ဟင်းအိုးကို ရေစိမ်ပြီးမှ ထမင်းပွဲပြင်တယ်။ နောက်တော့လည်း သှူှ့ဗျူဟာ အတိုင်း လိုက်လုပ်လိုက်တယ်။ စောစောစားဖြစ်ရင် စကားလေး ဘာလေး နည်းနည်းပြောပေါ့။ ၉ နာရီထိုးမှ စားပြီဆိုရင် တီဗီကလာတဲ့ ဇာတ်လမ်းကြည့်ရင်း ထမင်းက ဘယ်လိုပြီးသွားမှန်း မသိဘူး။ စားပြီးတော့လည်း ရေရွတ်မိသေးတယ် သြော် တနပ်တော့ ပြီးသွားပြန်ပြီ ဆိုပြီးလေ။

သူငယ်ချင်းတွေနဲ့ တပတ်ကို တခါလောက်မှ မတွေ့ရရင် မနေနိုင်ဘူး။ ဆုံပြီဆိုရင်လည်း တပျော်တပါး စကြနောက်ကြ စားကြသောက်ကြနဲ့ ပျော်စကြီး။ တခါဆုံလိုက်ပြီဆိုရင် ထမင်းဝိုင်းကြီးက အကြီးကြီးပဲ။ စကားတွေဆိုလည်း လုပြောကြ။ ဟင်းတွေဆိုလည်း လုစားကြ။ စားလို့ကလည်းကောင်း ပြောလို့ကလည်းကောင်း အိမ်က ဟင်းတခွက်တည်း ထမင်းဝိုင်းနဲ့တော့ စိုပြေတာအမှန်။ ကျွေးတဲ့သူကလည်း စေတနာပါပါ။ စားတဲ့သူကလည်း အားပါးတရ။ မေတ္တာတွေပါ ပါတယ်ဆိုတော့ မကောင်းဘဲ နေပါဦးမလား။

ဒါကြောင့် လူမျိုးတိုင်း လူမျိုးတိုင်းမှာ မိသားစုဆုံအောင် စောင့်ပြီး ထမင်းစားကြတယ်။ အခုများတော့ အိမ်ထဲမှာ အဖိုးကြီး ကြောင်စာ ခွေးစာကြွေးရင်း အဖွားကြီး ပန်းကန်ဆေးနေတယ်။ လင်မယားနှစ်ယောက် စားသောက်ဆိုင်မှာ ထမင်းကို အရသာတောင် မခံနိုင်ဘဲ အမြန်စားနေကြတယ်။ အိမ်ဖော်မလေး ကလေးထမင်းကျွေးနေတယ်။ ခေတ်ကာလ ရေစီးကြောင်းအရ ထမင်းဝိုင်းတွေလည်း တဖြည်းဖြည်း လူတွေနည်းပါးလာပါတယ်။ ခြောက်ကပ်ကပ် ထမင်းဝိုင်းတွေ များပြားလာတယ်။

ထမင်းလုံးကျ ကျပြန်ပြီ။ တပျပ်ပျပ်မြည်ရင် မြည်ပြန်ပြီ။ ဟင်းဖိတ်ဖိတ်ပြန်ပြီ။ ခေါင်းပူခဲ့ရတဲ့ ထမင်းဝိုင်းတွေ။ ဗိုက်ကဆာ လူကြီးတွေ ဦးချတာ ကြည့်ရင်း သွားရည်ကကျနဲ့ အသားတုံး လုရတဲ့ ထမင်းဝိုင်းတွေ။ အဖိုးဒေါသထွက်လို့ ကြောက်ကြောက်နဲ့ စားခဲ့ရတဲ့ ထမင်းဝိုင်းတွေ။ အမေမရှိတုန်း သားအဖ လေးယောက် ငါးကြင်းမြီးချဉ်စပ် ၀ယ်စားရင်း ဟင်းကို ပန်းကန်ထဲအထည့် ဟင်းတွေ အောက်ပြုတ်ကြလို့ ငိုခဲ့ရတဲ့ ထမင်းဝိုင်းတွေလည်း ရှိရဲ့။ တခါတလေတော့လည်း ငယ်ငယ်က စိုစိုပြည်ပြည်စားခဲ့ရတဲ့ ထမင်းဝိုင်းတွေကို မက်မော တောင်းတမိပါတယ်။

ပြောမယ်ဆိုရင်တော့ သတိရစရာတွေကြီးပဲ။ မြန်မာပြည်ကလူငယ်တွေ အပြင်ရောက်နေကြတော့ မိသားစု ၀င်တွေ လျော့နေတဲ့ ထမင်းဝိုင်းတွေ ဘယ်လောက်များလိုက်မလဲ။ တချိုလည်း တယောက်။ တချို့လည်း နှစ်ယောက်၊ သုံးယောက်လျော့နေကြမှာပါပဲ။ စားကောင်းသောက်ဖွယ် စားသောက်ရတဲ့ အခါ ချစ်သူခင်သူကို သတိရတယ်တဲ့။ အမေလုပ်တဲ့သူဆို ဘယ်လောက်များ သတိရနေမလဲမသိဘူး။

ပြောကြတယ် တချို့တလေ အိုကွာ ၀မ်းခြင်း ဆုံတာမှတ်လို့ ဆိုပြီး။ ၀မ်းခြင်းမဆုံပေမယ့် လက်ခြင်းဆုံနိုင်တယ်လေ။ ဧည့်သည်လာမှာစိုးလို့ ပြောင်းပြန်ပြန်မွှေရင်း ရီမောခဲ့ရတာတွေက ၀မ်းခြင်းဆုံတာထက် ပိုပျော်ဖို့ကောင်းပါတယ်။ ထမင်းဝိုင်းက ဟာသလေးတွေကလည်း တနေ့တာ ပင်ပန်းခဲ့သမျှတွေ အထိုက်အလျောက်တော့ လျော့ကျစေတာပါပဲ။

ရသတဏှာအတွက် အကုသိုလ်ဖြစ်ချင်လည်း ဖြစ်မယ်။ မဖြစ်နိုင်တဲ့ အရာတခုကို ရူးရူးမိုက်မိုက် တောင့်တနေတာလည်း ဖြစ်ချင်ဖြစ်မယ်။ မိသားစုစုံစုံညီညီနဲ့ ထမင်းဝိုင်းလေးတစ်ခု အမြန်ဆုံး ဖန်တီးနိုင်ပါရစေ။

မှတ်ချက်။ ။ ပုံကို နွေးနေခြည်၏ စိတ်ခိုင်ရဲ့လား ပိုစ့်မှ ကူးယူထားပါသည်။

ဘ၀အရည်အသွေးများ

2009-10-22T17:05:00.006+08:00

အရင်ကတင်ပြီးသားပါ။ ပူလောင်နေတဲ့ စိတ်ကလေး အေးစေချင်ပါတယ်။ သတိတရား ခဏဖြစ်ဖြစ် ကပ်စေချင်တဲ့ ဆန္ဒနဲ့ ပြန်တင်ပါတယ်။ ဖတ်ပြီးသားဆိုလည်း သတိပြန်ရအောင်၊ မဖတ်ရသေးရင်လည်း အဆုံးထိဖတ်စေချင်ပါတယ်။

မြတ်စွာဘုရားရှင်က “မသေခင်သုတ္တန်”လို့ အဓိပ္ပါယ်ရတဲ့ “ပုရာဘေဒ သုတ္တန်”မှာ မသေခင်ဖြည့်ဆည်းရမယ့် ဘ၀အရည်အသွေးတွေကို တစ်စု တစ်ဝေးတည်း ဟောကြားထားပါတယ်။ မြင့်မြတ်တဲ့လူတိုင်းနဲ့ မြင့်မြတ်လိုတဲ့လူသားတိုင်း မဖြည့်မဖြစ် ဖြည့်ဆည်းရမယ့် စိတ်ဓါတ်အရည်အသွေး၊ ဘ၀အရည်အသွေးတွေဖြစ်လို့ အကျဉ်းဆုံးချုပ်ပြီး ပြောပြချင်ပါတယ်။

မသေခင်မှာတဏှာကင်းအောင် ကြိုးစားရပါမယ်။ လုံးဝမကင်းတောင် နည်းနိုင်သမျှ နည်းရပါမယ်။ အစွန်းထွက်တဲ့ တဏှာမျိုး၊ လွန်ကဲဖောက်ပြန်တဲ့တဏှာမျိုး လုံးဝမဖြစ်အောင် သတိနဲ့ထိန်းသိမ်းနိုင်ရပါမယ်။

ပြီးဆုံးခဲ့တဲ့အတိတ်အကြောင်း၊ဖြစ်မလာသေးတဲ့ အနာဂါတ်အကြောင်းတွေကို မလိုအပ်ပဲ တွေးတောနေပြီး စိတ်ပင်ပန်းမနေသင့်ပါဘူး။ မသေခင် ကိုယ်တကယ်ပိုင်တဲ့ ပစ္စုပ္ပန်တစ်ခဏလေးမှာပဲ စိတ်ကိုတည့်တည့်ချထားပြီး လုပ်သင့်လုပ်ထိုက်တာကို အကောင်းဆုံးဖြစ်အောင်လုပ်ရပါမယ်။

မသေခင်မှာ ကိုယ့်စိတ်ကိုယ် ဒေါသမီး မလောင်မြိုက်အောင်တိမ်းရှောင်နိုင်ရပါမယ်။ ထစ်ခနဲရှိ ဒေါသထွက်တာမျိုး၊ ကိုယ်မကျေနပ်တဲ့လူကို ရန်ငြိုးဖွဲ့ ကလဲ့စားချေဖို့ ကြိုးစားတာမျိုးမလုပ်သင့်ပါဘူး။သူလည်း တစ်နေ့သေ၊ ကိုယ်လည်းတစ်နေ့သေမယ့်ကိစ္စ ၊ဘာလို့ ဒေါသထွက်နေဦးမှာလဲ။

နေရာတကာမှာ စိတ်ပူပန်တတ်တဲ့သူလည်းမဖြစ်သင့်ပါဘူး။ တိုတောင်းလှတဲ့ ဘ၀လေးကို စိတ်ပူလောင်မှုတွေနဲ့ ဘာလို့ အချိန်ဖြုန်းပစ်မှာလဲ။ စိတ်အေးအေး၊ ခေါင်းအေးအေးနဲ့ အရာရာကို ယောနိသော မနသိကာရ ထားတတ်ဖို့ အရေးကြီးပါတယ်။

ရှိတဲ့ဂုဏ်နဲ့ပဲဖြစ်ဖြစ်၊ မရှိတဲ့ဂုဏ်နဲ့ပဲဖြစ်ဖြစ် ကြွားတတ်ဝါတတ်၊ ဂုဏ်ပြိုင်တတ်တာမျိုးလည်း ရှောင်ကြဉ်ရပါမယ်။ ကိုယ်လုပ်တာ၊ ကိုယ်ပိုင်တာ လူတကာလှည့်ကြွားနေရတဲ့ အရသာက သေရင်ကိုယ့်အတွက် ဘာများ အကျိုးပြုနိုင်မှာမို့လဲ။

လုပ်သင့်တာမလုပ်မိလေခြင်း၊ မလုပ်သင့်တာ လုပ်မိလေခြင်းလို့ နောင်တရ စိတ်ပူပန်နေတာမျိုးလည်း မဖြစ်သင့်ပါဘူး။ အသိမှန်၊ သတိမှန်ရတဲ့အချိန်ကစပြီး လုပ်သင့်တာ လုပ်၊မလုပ်သင့်တာ မလုပ်ဘဲနေရင် မသေခင် ကိုယ့်ဘ၀ဟာ ကျေနပ်စရာ ကောင်းနေပါပြီ။

နှုတ်စောင့်စည်းသူ၊ စကားကိုဉာဏ်နဲ့ ချင့်ချိန်ပြောသူလည်းဖြစ်ရပါမယ်။ အပိုစကားတွေ၊ အကျိုးမဲ့စကားတွေကို စိတ်ထင်တိုင်းလျှောက်ပြောနေလို့ ပါးစပ်ကလည်း ကျက်သရေရှိမလာနိုင်သလို၊ မသေခင်ကိုယ့်ဘ၀လည်း ကျက်သရေ ရှိမလာနိုင်ပါဘူး။

မသေခင်ကာလလေးက တိုတိုလေးမို့ စိတ်ပျံ့လွင့်တွေးတောပြီးလည်း အချိန်မဖြုန်းသင့်ပါဘူး။ ကုန်သွားတဲ့အချိန်က ပြန်မရနိုင်တဲ့အတွက် လက်ထဲရောက်လာသမျှ အချိန်တိုင်းကို စိတ်တည်ငြိမ်မှုအပြည့်နဲ့ အကျိုးရှိရှိ အသုံးချတတ်ရပါမယ်။

ကိုယ့်ရဲ့လက်ရှိဘ၀ကို မကျေနပ်ဘဲ မရေရာ မသေချာတဲ့အနာဂတ်ဘ၀ကို ပုံဖော်တပ်မက်နေတာမျိုးလည်း လုံးဝမဖြစ်စေသင့်ပါဘူး။ ကိုယ်နဲ့ ထိုက်တန်လို့ ရလာတဲ့ ကိုယ့်ဘ၀ကို ကျေကျေနပ်နပ်လက်ခံပြီးနေတတ်အောင် နေရပါမယ်။ပစ္စုပ္ပန်ဘ၀ကို ဖန်တီးပေးလိုက်တဲ့ အတိတ်ကံရဲ့ ဖြစ်တည်ရာဘ၀တွေ ကိုလည်းစိတ်နာနေလို့အပိုပါပဲ။

ကံ၊ကံရဲ့အကျိုးမရှိ၊ရှေးဘ၀၊နောက်ဘ၀မရှိ အစရှိတဲ့ အယူမှား မိစ္ဆာဒိဋ္ဌိတွေလည်း ကင်းရှင်းနေရပါမယ်။ အယူမှားရင် အလုပ်မှားမယ်၊ အလုပ်မှားရင် အကျိုးတရားလည်းမှားပြီး ပစ္စုပ္ပန်မှာရော၊ သံသရာမှာပါ ဆင်းရဲဒုက္ခတွေပင်လယ်ဝေရပါလိမ့်မယ်။

ကိလေသာဖြစ်မယ့်ကိစ္စ၊ အကုသိုလ်ဖြစ်မယ့်ကိစ္စတွေမှာတွန့်ဆုတ်တဲ့သူ ဖြစ်ရပါမယ်။ ကိလေသာစိတ် မဖြစ်ရဲ၊ အကုသိုလ်အလုပ် မလုပ်ရဲတဲ့သူဟာ သူရဲကောင်းအစစ်ပါ။

ကိုယ့်ကို သူတစ်ပါးတွေ အထင်ကြီးအောင် မဟုတ်မမှန် လုပ်ကြံလှုံ့ဆော်တာမျိုး လုံးဝမပြုလုပ်ရပါဘူး။ အံ့ဖွယ်ထူးဆန်းတွေ လိမ်ညာဖန်တီးပြပြီး နာမည်ကြီး၊လာဘ်ပေါ၊ပရိသတ်များအောင် လုပ်ခြင်းဟာ ကိုယ့်ရဲ့မသေခင်ဘ၀ကို အမည်းရောင်ဆိုးနေတာပါပဲ။

လူသားတွေရဲ့ မသေခင်ဘ၀ကို အရုပ်ဆိုးအကျည်းတန်စေတဲ့ မနာလို၊ ၀န်တိုမှု(ဣဿာ၊မစ္ဆရိယ)ကိုလည်း တွန်းလှန်နိုင်ရပါမယ်။ ကိုယ့်ထက်သာ မနာလိုတဲ့စိတ်၊ ကိုယ့်လိုပြည့်စုံမှာ ၀န်တိုတဲ့စိတ်လွှမ်းမိုးနေတဲ့သူဟာ မသေခင်က ပုပ်နေတဲ့ သက်ရှိအလောင်းကောင်ပါပဲ။

ကိုယ်အပြုအမှု ကြမ်းတမ်းသူ၊ နှုတ်အပြောအဆို ကြမ်းတမ်းသူ၊ စိတ်နေသဘောထား ကြမ်းတမ်းသူမဖြစ်စေရပါဘူး။

ကိုယ့်ကျင့်တရား မကောင်းသူ(သီလမရှိသူ) ကိုပတ်ဝန်းကျင်က ရွံရှာစက်ဆုပ်ကြပါတယ်။ မသေခင်မှာ ပတ်ဝန်းကျင်က ရွံရှာစက်ဆုပ်တဲ့ ကိုယ်ကျင့်တရားပျက်သူ မဖြစ်ပါစေနဲ့။

ချစ်ခင်နေသူအချင်းချင်း၊ အဆင်ပြေနေသူအချင်းချင်း ကွဲပြားအောင် လှုံ့ဆော်သူ၊ ကုန်းတိုက်သူ မဖြစ်ပါစေနဲ့။ သူ့ရေစက်နဲ့သူ၊ သူ့အကြောင်းဆက်နဲ့သူ ချစ်ကြ၊ ခင်ကြ အဆင်ပြေနေကြတာကို မနာလိုဝန်တိဖြစ်ပြီး ကွဲပြားအောင် ကုန်းတိုက်တဲ့သူလောက် ကျက်သရေယုတ်တဲ့သူ လောကမှာ မရှိတော့ပါဘူး။

မျက်စိ၊ နား၊ နှာ၊လျှာ၊ ကိုယ်၊စိတ်လို့ ခေါ်တဲ့ တံခါး ခြောက်ပေါက်ကနေ အဆင်း၊ အသံ၊အနံ့၊ အရသာ၊ အထိအတွေ့၊ သဘောတရားလို့ခေါ်တဲ့ အာရုံခြောက်ပါးဆီကို တဏှာလောဘ အစရှိတဲ့ ကိလေသာရေအလျဉ်တွေ စီးဆင်းမသွားအောင် စောင့်ရှောက်နိုင်ရပါမယ်။ မြင်-မြင်ကမျှ၊ ကြား-ကြားကာမျှနဲ့ပြီးအောင် သတိပဋ္ဌာန် တရားကို ပွားများနိုင်ရင် ကိလေသာရေ စီးဆင်းမှု ရပ်တန့်သွားမှာပါ။

မာနလွန်ကဲပြီး အောက်ခြေလွတ် ဘ၀င်မြင့်နေတဲ့သူလည်းမဖြစ်စေရပါဘူး။ မာနကြီးတယ်ဆိုတာ အထင်ကြီးတာပါ။ ပစ္စည်း ရုပ်ရည် ပညာ၊အာဏာ၊ သူများထက်သာတယ်လို့ထင်နေတဲ့ “အထင်” ကြီးနေတာပါ။ အထင်ဟာ အထင်ပါပဲ။ တကယ်မဟုတ်ပါဘူး။

မသေခင်မှာ တစ်နေ့ထက်တစ်နေ့ ဉာဏ်ပညာကြီးမာသူဖြစ်အောင်ကြိုးစားနေရပါမယ်။ လောကီဉာဏ်သာမက လောကုတ္တရာဉာဏ်ပါရမှ လူ့ဘ၀ ဖြစ်ရကျိုးနပ်ပါတယ်။

ဘယ်အရာမျိုးကိုမဆို ကိုယ်တွေ့အသိမပါဘဲ သူတစ်ပါးအပြောနဲ့ ယုံတတ်တဲ့သူလည်းမဖြစ်စေရပါဘူး။ သိသင့်သိထိုက်တာ မှန်သမျှ သူတစ်ပါးပါးစပ်မှာ လမ်းဆုံး၊သူတစ်ပါးပြောတာ ယုံနေရုံလောက်နဲ့မပြီးဘဲ ကိုယ်တိုင်သိ၊ ကိုယ်တိုင်မြင်အောင် ကြိုးပမ်းအားထုတ်ရပါမယ်။

ဒါန၊သီလ၊သမထ၊၀ိပဿနာ ကုသိုလ်ကောင်းမှုတွေပြုလုပ်တဲ့အခါမှာလည်း လာဘ်မျှော်တဲ့စိတ်နဲ့ မပြုလုပ်ရပါဘူး။ လူမူရေးလာဘ်လာဘလို့ခေါ်တဲ့ ထင်ပေါ်ကျော်စောမှု၊ စီးပွားရာထူးတိုးတက်မှု၊ သံသရာကောင်းစားမှုတွေကို လုံးဝမမျှော်ကိုးဘဲ သံသရာဝဋ်ဆင်းရဲမှ လွတ်မြောက်လိုတဲ့စိတ်၊ သတ္တ၀ါအများ ကောင်းစားစေလိုတဲ့စိတ်နဲ့ပြုလုပ်ကြရပါမယ်။

အကောင်း၊ အဆိုးလောကဓံ အမျိုးမျိုးနဲ့ တွေ့ကြုံလာတဲ့အခါမှာလည်း စိတ်မတက်၊စိတ်မပျက်ဘဲ တည်တည်ငြိမ်ငြိမ်နဲ့ ခံနိုင်ရည်ရှိရပါမယ်။

သက်ရှိ၊သက်မဲ့တစ်ခုခုအပေါ် တပ်မက်စွဲလမ်းတဲ့ တဏှာကို အကြောင်းပြုပြီး ဘယ်သူနဲ့မှဆန့်ကျင်ဘက် မဖြစ်စေရပါဘူး။ တဏှာတစ်ခုခုရဲ့နောက်မှာ ဆင့်ပွားအကုသိုလ်စိတ်တွေ၊ မကောင်းမှုဒုစရိုက်တွေ တွဲပါမလာအောင် ထိန်းသိမ်းနိုင်ခြင်းဟာ အဆင့်မြင့်ပုထုဇဉ်တွေရဲ့ အရည်အချင်းတစ်ခုပါပဲ။

အစားအသောက်နဲ့ပက်သက်ပြီးတော့လည်း ဒါမစားရ မနေနိုင်၊ ဒါမသောက်ရ မနေနိုင် တမ်းတမ်းစွဲ မက်မောမှု ကင်းရှင်းရပါမယ်။ရသတဏှာကို ထိန်းချုပ်စောင့်စည်းနိုင်ရပါမယ်။

ကိုယ့်အပြုအမူဖြစ်သမျှ၊ စိတ်အနေအထားဖြစ်သမျှကို အမြဲသတိကပ် ရှုမှတ်နိုင်တဲ့အတွက်ကြောင့် ကြုံလာသမျှ အာရုံကောင်းဆိုးအမျိုးမျိုးကို မချစ်၊မမုန်းဘဲဥပေက္ခာပြုအညီအမျှ ရှုနိုင်တဲ့သူဖြစ်ရပါမယ်။

ကိုယ့်အထက်လူနဲ့ နှိုင်းယှဉ်တဲ့မာန၊ ကိုယ့်တန်းတူလူနဲ့ နှိုင်းယှဉ်တဲ့မာန၊ ကိုယ့်အောက်တန်းလူနဲ့ နှိုင်းယှဉ်တဲ့မာန၊ မာနသုံးမျိုးလုံးလည်း ကင်းရှင်းရပါမယ်။သေပြီးရင် အသက်ကောင်၊၀ိညာဉ်ကောင်လေး နောက်ဘ၀လိုက်တယ် ဆိုတဲ့ သဿတဒိဋ္ဌိ၊ သေပြီးပြတ်တယ်၊ဘာမှ မဖြစ်တော့ဘူးဆိုတဲ့ ဥစ္ဆေဒဒိဋ္ဌိ၊ ဒီဒိဋ္ဌိနှစ်ပါးလည်း ကင်းရှင်းရပါမယ်။ ဒီ ဒိဋ္ဌိနှစ်ပါးရှိနေရင် မသေခင်လုပ်ရမယ့် အလုပ်တွေ ကမောက်ကမဖြစ်ပြီး သံသရာမှာ ချောက်ကျရပါလိမ့်မယ်။

ကိုယ်နဲ့ ပတ်သက်ဆက်စပ်နေတဲ့ သားသမီးစတဲ့ သက်ရှိပုဂ္ဂိုလ်တွေ၊အိမ်မြေစတဲ့ သက်မဲ့ အရာဝတ္တုတွေကို ငါ့သား၊ ငါ့သမီး၊ငါ့အိမ်၊ငါ့မြေဆိုပြီး ငါစွဲကြီးကြီး၊ ငါ့ဥစ္စာအစွဲကြီးကြီးနဲ့ သိမ်းပိုက်ထားတဲ့စိတ်မျိုး ကင်းရှင်းရပါမယ်။

ဘာအလုပ်ပဲလုပ်လုပ် ကိလေသာကိုရှေ့တန်းတင်တဲ့အလုပ်၊ ကိလေသာကို ဆရာတင်တဲ့အလုပ်မျိုး မဖြစ်အောင်သတိထားရပါမယ်။

ကိလေသာအရင်းမခံဘဲ အလုပ်လုပ်နေပါရက်နဲ့ သူတစ်ပါးတို့က ကိလေသာအရင်းခံတယ်လို့ ထင်မှားစွပ်စွဲ လာရင်လည်း မတုန်မလှုပ် သည်းခံနိုင်ရမယ်။

“တစ်လောကလုံး ကိုယ်ပိုင်တာ ဘာမှမရှိပါ့လား” ဆိုတဲ့ အသိ စွဲစွဲမြဲမြဲ ရှိနေရပါမယ်။အဲဒီအသိစွဲစွဲမြဲမြဲရှိနေပြီ ဆိုရင် ရှိချင်တာမရှိလိုလည်း မပူပန်တော့ပါဘူး။ ရှိပြီးတာ မရှိလို့လည်း မဆူညံတော့ပါဘူး။

ချစ်ခြင်း၊မုန်းခြင်းစတဲ့ ကိလေသာကို အရင်းခံပြီး မလုပ်သင့်မလုပ်ထိုက် လုပ်တဲ့ အဂတိလိုက်စားမှုလည်း ကင်းရှင်းရပါမယ်။အဂတိရဲ့ လားရာဟာ ဒုဂ္ဂတိပါ။

လောကမှာ လူသားတွေ မလုပ်သင့် မလုပ်ထိုက်တာလုပ်၊လုပ်သင့် လုပ်ထိုက်တာမလုပ် ဖြစ်နေကြတာဟာ အရင်းခံကတော့ ကိလေသာပါပဲ။ ကိလေသာခေါင်းပါးလာတာနဲ့အမျှ အလုပ်သင့် မလုပ်ထိုက်တာ တွေလည်းရှောင်ကြည်နိုင်လာပါလိမ့်မယ်။ လုပ်သင့်လုပ်ထိုက်တာတွေလည်း ဆောင်ငင်နိုင်လာပါလိမ့်မယ်။

မလုပ်သင့်တာအားလုံး အကြွင်းမဲ့ ရှောင်နိုင်ပြီး လုပ်သင့်တာ အားလုံး အကြွင်းမဲ့ဆောင်နိုင်ပြီဆိုရင်တော့ အကြွင်းမဲ့ ဘ၀လွတ်မြောက်မှုကို ရပါပြီ။ သေခြင်းတရားက အပြီးတိုင်လွတ်မြောက်ပါပြီ။ထပ်တလဲလဲ တစ်သေတည်းသေနေရတဲ့အဖြစ်ဆိုး၊ ဒုက္ခဆိုးတွေက ထာဝရလွတ်မြောက်ပါပြီ။အနှိုင်းမဲ့နိဗ္ဗာန်မှာ အကြွင်းမဲ့ ပျော်စံနိုင်ပါပြီ။

ဒါကြောင့်မသေခင်လုပ်ရမယ့် အလုပ်တွေထဲမှာ အရေးအကြီးဆုံး၊ ပဓာနအကျဆုံးကတော့ ကိလေသာခေါင်းပါးရေးအလုပ်၊ ကိလေသာအမြစ်ပြတ်ရေးအလုပ်ပါပဲ။

အရှင်ဆန္ဒာဓိက ၏ “မသေခင်ဘာလုပ်ကြမလဲ” စာအုပ်မှကူးယူဖော်ပြ ပါသည်။

(ဤစာအုပ်ကို ဓမ္မဒါန ပြုခဲ့သော အစ်ကို ကိုနိုင် (နေစိုးနိုင်-ပေးဆပ်သူ(www.naysoenaing.com))အား အထူးကျေးဇူးတင် ဂါရ၀ပြုအပ်ပါသည်)